[poem=font="Simplified Arabic,6,black,normal,normal" bkcolor="transparent" bkimage="backgrounds/19.gif" border="groove,4,black" type=3 line=1 align=center use=ex num="0,black"]
ياخفوقـي مـات حبك..شـق جيبـك لا تـزره
البقيه في حياتك .. هـذي " الحلقة الاخيـره "
ياخفوقي لاتحـاول ..مـا بقالـك شـي مـره
ما بقالك غير جرح .. ودمعتين ..وألف حيـره
كلها من تحت راسك .. ماجنيـت الا المضـره
يعني ضاقت الوسيعه.ما بقى في النـاس غيـره
لعنبـوك ارحـم ضلوعي..لاتحـن ولا تشـرّه
اسكت.اسكت..يامغفـل. ياعميـان البصـيـره
كم نصحتك لاتحبـه!! والهـوى احـذر تمـره
ماسمعت بقيـس ليلـى!! والنهايـات الخطيـره
لكن اصلاً انت طاغي مثل جسـاس ابـن مـره
يعني عامـل فيهـا عنتر!!والمثنـى والمغيـره
والنتيجه طاح وجهك .. قاسيـه بالحيـل مـره
كل ماغمضت عيني.. جتنـي احزانـي مغيـره
راحت وروحي معاها..تسحب القلـب وتجّـره
يوم داست كبرياءي..!! كبوة الفـارس كبيـره
من عقب ماكنت شاطر..ماحـدن يقـدر يغـره
فوق راسي ريشتين..وعرش كسرى مستعيـره
كنت اطنش كل بيضاء..والتفـت واقـول حّـره
صدقوني كنت شاطر..كـل شاطـر يستشيـره
يوم جات اللي غلاها..داخـل ضلوعـي مقـره
ضاعـت علـوم السنافي!!!والقبايل..والعشيـره
قمت اجّمع ذكرياتي..وافتـح الماضـي واثـرّه
مالقيت اللي يساوي..!! شعرة(ن) فيها صغيـره
شفتها منجـم مزايـا..درة(ن) فـي وسـط دره
دين..واخلاق..وآصاله .. وفي تعاملهـا ستيـره
شيخة الغيد وبعدهن..حرة(ن) من بطـن حـره
سيدة هالكون كله...الشرق الاوسـط والجزيـره
استعمرت قلبي وحدها..مالهـا بالحـب ضـرّه
بنت شيخ .. وفوق هذا ..صارت بـقلبي اميره
عيبها بس شي واحد ...!! قاسيه بالحيـل مـره
طاغيه.. والكبر لله ... مـات قلبـي يستجيـره
كم بكيت اطلب وصاله..وخافقي يشحـذ يطـرّه
مات قلبي ما دفاها ..!! يشتكي مـن زمهريـره
العطااا لو مات فينا .ماظهـر للشمـس جـره
وكان حاتم ماتجـرأ ... تطعـن يدينـه بعيـره
والسنابل مـن غذاها..لـو تشـح بنـص بـرّه
ليه تبخل في عطاها .. كلها حبـة شعيـره.!!!
والهوا لـو ماتحرك..ونسنـس الغربـي يكـره
ليه بس الورد الاحمر..!! يبخل بريحة عبيـره
قاسيه ماشفت منهـا ..!! بالعطـااا مثقـال ذره
مدري ليه اتبع خطاها..وخطوتي معهـا اسيـره
والله انه لو يشـح الوقـت عـن حلـوه ومـره
مانشدت الخبز الاسمر ..ارتجي طعم الخميـره
كن قلبي في يديهـا .. خاتـم(ن) واسـع تفـرّه
بين اصابعها تفره ..!! وين ماتبغـى.. تديـره
عذبتني.. في هواها .. احسب نجـوم المجـره
ياعذابي من سببها .!! شفت انا نجوم الظهيـره
الله انه لايبيحه ..!! تهـت فـي خيـره وشـره
علموها ترحم اللي .. يشتكـي راسـه سريـره
والعجوز اللي ذكروها ..اذنبت من شـان هـره
شفتوا كيف الله حرمهـا.. كلـه بسبت هريـره[/poem]
[align=center]الشاعر مجهول لدي[/align]
رد مع اقتباس
المشاركة الأصلية كتبت بواسطة الــمـحـروووم
المفضلات