[align=center]السلام عليكم ورحمة الله وبركاته
اعزائي سمعت كلاماً جارحاً كان موجهاً لصديق عزيز (مكالمة جوال) والكلام كان من زوجته المتسلطه للأسف فخرجت هذه البسيطه وكتبتها على لسان صديقي علماً باني استأذنت منه لوضعها هنا. ارجو ان تنال اعجابكم[/align]
[poem=font="Simplified Arabic,5,black,normal,normal" bkcolor="transparent" bkimage="backgrounds/1.gif" border="double,4,gray" type=2 line=0 align=center use=ex num="0,black"]
ماني بكامل لا حشى يابنيه = فيني عيوب وفيني الزين والشين
ماكامل الا وجه رب البريه = سبحان ربي خالق الناس من طين
الزين ما يكمل تري ياذكيه = الزين ما يكمل ابد كود به شين
عقلك وقلبك حكميهن عليه = مع نظرتك للشين نظره على الزين
الوقت لأجلك ذقت انا مر طيه = اعيش وقتي لك وقدرك على العين
لرضاك قلبي يسبقنه يديه = لو يزعلون اللي قريب وبعيدين
يابنت انا ودي بعيشه هنيه = اصبر على العسرات لين اصل اللين
افرش همومي واتوسد يديه = واحلم مثل هالناس غيري ملايين
وارضى انا بقسمي ولوهو شويه = واركظ ورا رزقي وادوره وين
طبعي انا من عند ربي عطيه = والطبع يغلب لو تطبعت انا سنين[/poem]
رد مع اقتباس
مشرف مضيف الترحيب والتعارف
المفضلات