انطلاق فعاليات الحلقه ( 3 ) من المسابقه زيد وعبيد وهيا

[مجموعة إنسان]

.

[align=center]اخوي الاصمعي :

أبيات رائعه ماشاء الله

مهو فريقٍ يضيّع غطوة الغاطي*

وش رايك هيا تجيبها لك مقابل انك تنسحب << مقايضه نذله


...........


الريم والدهور :

إستمرن على نفس مستواكن من القوة والحماس

ولايهمكن أي محاولة لقهقرتنا من حديهم

الله يعطيكن العافيه ياغاليات

وتحمّلن أخلاقي هاليومين



.......................



اخوي زيد :

حيلك حيــــــــــلك


وش جاب ( مبطي ) لـ ( تبطي ) !!!!!

تبطي = فعل يعني تتمهل

مبطي = إسم يعني من زمـــــــــان

وش جاب من زمان لتتمهل !!


[لوحة4]راجع حساباتك اخوي[/لوحة4]


على فكرة :

حمد لله بالسلامه [/align]
.

[متفاائل]

الله يسلمك هيا

بس ماعرفت الخطاء برايك عند عبيد .
انا اشوف مافيه خطاء لانه يقول غطوة الغاطي > الغطاوه وصاحبه

اما عاد فعل واسم !!! نحن نتكلم عن المعني وهو البطى

مبطي ،،، تبطي ،،، ابطي

وعلى فكره انتي احد اعضاء التحكيم مغ الاخ الاصمعي ، ومحسوبكم انا ..
اذا مافيه مانع لديكم .
ملاحظه في حال التعادل هل يمدد الوقت لحلقه رابعه ثم ليومين وهل يكون التمديد بنفس القافيه
محاوله للتضييق او يغير ويثبت بالايام الافراديه اعطوني رايكم جميعا ال عبيد ،، الـ هيا ، ووكذلك الاخوان والاخوات من الاعضاء المتابعين بشكل قد يكون اكثر منا

[سرحــان]

[align=center]الــــ.عبيد



الـــ.هيا



الـــــــ.زيد



الله يعطيكم العافيه


هيا ..........هيا ...... .... .. هيا


:480r: :480r: :480r:

هيا .............هيا .. ..... .. هيا


:480r: :480r: :480r:


الكاس من حقنا ومن قال لا مخطي


الفوز قسم الهيا وغيره ترى خراطي


حكم القدر مايعرْف أبيض ولاحنطي


يازيد خلّ البكـا عنكـم والعياطـي[/align]

[بتول آل علي]

[align=center]

اخوي زيد :

حيلك حيــــــــــلك


وش جاب ( مبطي ) لـ ( تبطي ) !!!!!

تبطي = فعل يعني تتمهل

مبطي = إسم يعني من زمـــــــــان

وش جاب من زمان لتتمهل !!


[لوحة4]راجع حساباتك اخوي[/لوحة4]

.

v
v
v
ما تبغيلها فلسفة يا زيد ،، هذيك شي و هذي شي ثااااني

في حال التعادل هل يمدد الوقت لحلقه رابعه ثم ليومين وهل يكون التمديد بنفس القافيه
محاوله للتضييق او يغير ويثبت بالايام الافراديه

>>> ما فهمت قصدك يا متفائل

[/align]

[الاصمعي]

[poem=font="Simplified Arabic,5,skyblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا زيد دامك تعرفه ليه تعتبطي=وراك حرفه ماتاضع فوقه أنقاطي

لا يا هيا المستوى أشوفه يهبطي=أصبح ملفك ثقيل بفضل الأغلاطي[/poem]

[بتول آل علي]

[poem=font="Simplified Arabic,5,white,normal,normal" bkcolor="transparent" bkimage="" border="double,4,white" type=1 line=0 align=center use=ex num="0,black"]
وش فيك يا عبيد ياما تشيل و تحطّي = ربك كريم ان أخذ نِقطه فهو عاطي

ويا زيد راجع كلامِك قبْل ما تقطّي = افتح بطون الشّعِرْ بابره و مشراطي[/poem]

[متفاائل]

[align=center]الدهور اشكر اهتمامك
ماقصدته هو عند انتها الجوله يوم الجمعه
والجميع معه نقاط سواء نقطه او اثنتين او ثلاث
سوف يتم تمديد الحلقات حتماً
ولكن هل ترون استمرار نفس القاف هذا او يستبدل .
طلبت هذا من الجميع لتحديده قبل نهاية الحلقه بوقت كافي[/align]

[متفاائل]

[align=center]تسلموا
الــعبيد
الـــ هيا
*
*
*[/align]

[poem=font="Simplified Arabic,5,limegreen,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
هياء ترى اللعب يتوقف على بنطي=وانتي مايزال عندك ياهيا ابناطـي
البيت عاكس ووقته كنت مشتطي=ياعبيد خذها اقوله لك على بساطي [/poem]

[صلفيق ابو قناة]

[align=center]آسف على عدم التواصل المستمر ولكن البركة بالموجودين والشكر لأخوي الأصمعي على قيامه بدور ال عبيد[/align]

[poem=font="Simplified Arabic,5,white,normal,normal" bkcolor="transparent" bkimage="backgrounds/10.gif" border="none,4,gray" type=0 line=0 align=center use=ex num="0,black"]
يا زيد هبت عواصف طعني ووطي=راسك لها لا تعاند حسن الأمشاطي
صعبه تفوز بتنافس راعية قرطي=والكاس حقٍ لنا ثابت كالأقراطي[/poem]
[align=center]القرط:الحلق وعند المصريين خذها حلقة بوذانك يعني الشي المؤكد[/align]

[متفاائل]

بسم الولي نبتدي المانـع المعطـي ** والكاس قسمٍ لنا ما فيـه افراطـي
والثالثـة ثابتـه مقيولـةٍ مبـطـي ** لو صاب زيد وهيا من ذلك احباطي

الكاس من حقنا ومن قال لا مخطي ** الفوز قسم الهيا وغيره ترى خراطي
حكم القدر مايعرْف أبيض ولاحنطي ** يازيد خلّ البكـا عنكـم والعياطـي

ماكل من يلبس البدله هياء شرطي ** تري الذخيره به طيور ومخباطي
ياعبيد اخافك تبنشر تعدم الجنطي ** لايوهقك بالجلد بالـون مطاطـي

الي يتوهق فريـقٍ مشيهـم خبطـي ** ولا عبيـدٍ فريقـه دوم محتـاطـي
يا أم الفصاحة ترى طاروقنا نْبطـي ** وأنتي فصيحه وخالك حول دمياطي

" أم الفصاحة وخالي من مصر قبْطي " ** مدحتني وأنتْ تبي جلدي بالاسواطـي
يازيـد خـلّ عبيـد بالهـمّ مرتبطـي ** لاتصير مثله وكمّل كـل الاشواطـي

توقعي ياهيـا لاتلبطـي لبطـي ** لاتنزلين البحر خليك بالشاطـي
لعبيد ودي هيا توصلـي خطـي ** الكأس يزخرف بزيد عند خطاطي

هيا قصيده جميل وتضبطه ضبطي==لاكن بلهجة خواله وثرهم أقباطي
والكاس يبغي فريقْ يطبق الشرطي==مهو فريقٍ يضيّع غطوة الغاطي

يا عبيد ولّم لنـا القيفـان لا تبطـي==الزيد يبغي خطا وان كان هو خاطي
ويا زيد ضعفي اذا ما جاز او رهطي==الثوب ما يرقعه يـا غيـر خياطـي

قشك تمايل هيا ما يمسكه ربطي==عدي اشوفه وقع قشك بلا باطي
ياعبيد غطاوتك يومك لها تغطي==واللي رفع سبع عارفها بقيراطي

يا زيد دامك تعرفه ليه تعتبطـي==وراك حرفه ماتاضع فوقه أنقاطي
لا يا هيا المستوى أشوفه يهبطي==أصبح ملفك ثقيل بفضل الأغلاطي

وش فيك يا عبيد ياما تشيل و تحطّي==ربك كريم ان أخذ نِقطه فهو عاطي
ويا زيد راجع كلامِك قبْل ما تقطّـي==افتح بطون الشّعِرْ بابره و مشراطي

هياء ترى اللعب يتوقف على بنطي==وانتي مايزال عندك ياهيا ابناطـي
البيت عاكس ووقته كنت مشتطي==ياعبيد خذها اقوله لك على بساطي

يا زيد هبت عواصف طعني ووطي==راسك لها لا تعاند حسن الأمشاطي
صعبه تفوز بتنافس راعية قرطـ==يوالكاس حقٍ لنا ثابت كالأقراطـي