[glow=000000][align=center]مستقيلـه مـن حياتـك والله انــي مستقيـلـه
هي كذا كانـك موافـق أو رفضـت الاستقالـه
24 سـاعـه مـنّـي لــك يــومٍ ولـيـلـه
تجمـع شتاتـك لحـال وتتركـه قلبـي لحالـه
انتهـى دور الضحيـه وابتـدى ثـأر القتيـلـه
ثار بايت في ثلاث طعون مـن لحظـة وصالـه
لو طعونك بالصدر ماكان صبـري انهـد حيلـه
بـس مأساتـه تجلّـت فـي طريقـة اغتيـالـه
طعنتـك بالظهـر كانـت مثـل غيباتـك ثقيلـه
ما شعرت الاّ بألمهـا يوصـل القلـب ويطالـه
من أساطيـر العجايـب أربـع اشيـا مستحيلـه
لجل عينك صارت اربع لين قلبـي خـاب فالـه
"غول " و "العنقا " و " خلٍ وافـيٍ دوم لخليلـه "
" وابتعادي عن حياتـك " كـان رابـع استحالـه
لين طاحت مـن عيونـي دمعـةٍ تسـوى قبيلـه
من بني دمّك ومثلـك ينحسـب عالقلـب عالـه
كان قلبي ينتظر مزنـك بعـد مـا جـفّ سيلـه
واثر وصلك هزّ فنجال الهـوى واقفـت دلالـه
كنت في نبضي شريك وكنت في دربـي دليلـه
وكان قلبي يحتري شوفـك كمـا رؤيـة هلالـه
صنت لجلك كـل نسمـات الـورود المستميلـه
لكن الشرهه على اللي يحسبك مـن راس مالـه
صدق لا قالوا " حشَفْ " مع كل هذا " سوء كيله "
لاربح منهو يبيـع ومـن شـرى ضيّـع حلالـه
ما حشم قلبك هـواي وماحتمـل قلبـي الفشيلـه
كيف خليته يطيح ومـن هـوى محبـوب شالـه
عاد لا منّك قـدرت تشـوف قلبـي ولا تشيلـه
رح ورى من صدّ عنْك ويا عسى دربك سهالـه
والاّ انا بك أو بدونك استوت عنـدي الحصيلـه
ماشربت هماج وصلك حتـى يشربنـي زلالـه
شحّـت مزونـك بماهـا وردّ قلبـك سلسبيلـه
شووف من يصبر معاك وما يقطّـع لـك حبالـه
يعني بالعربـي كـذا تتعـب تـدوّر لـي بديلـه
دام حـدّك يالمرونـه فـي حـدود الاستطالـه
والاكيد ان العمود ان طال يصبـح سهـل ميلـه
لا تعلّـى يسهـل اسقاطـه مـع هبّـت شمالـه
والله انّي بلعب بكيـد النسـا مثـل " الجليلـه "
ارسلت " زير " الحميّـه يحلـب اللبـوه جهالـه
لجل همسه من ثغرْهـا أمتطـى بالحـال خيلـه
ماعرف أنّـه ضحيّـة كيـد " سايقـة الهبالـه "
وراح تشوف شلون عندي تجتمع "2000 " حيلـه
وابتشوف اشيا غريبه كـل وقـت اطلـع بحالـه
راح تلاقي العـدل مايـل والدوايـر مستطيلـه
راح تحـسّ ان ال" 3 فـي 3 " بجـدّ حـالـه
لين تعرف من ينـام ومـن طـوى بالهـم ليلـه
ومن بترجح كفّته فـي شـرع ميـزان العدالـه
خلّني لا غبـت عنّـك تعـرف انـي مستقيلـه
ومو مهم انّـك موافـق أو رفضـت الاستقالـه[/align][/glow]
[align=center]الشاعره مجهوله لدي[/align]
رد مع اقتباس
المشاركة الأصلية كتبت بواسطة المهـ ـره
المفضلات