أجمل نصيحه شاملة لكل جوانب الحياة بنظري*

**ابو مشاري الشمري** · 26-01-2002 20:12

يالله ياللي كل عين تراعيك
ياعايد عقب المحل بالوسومي
أرجيك أنا وني متين الرجى بيك
يالله يا منشي تقيل الغــــيومــي
ربك الياحبــك من الرزق يعطيك
مده ولا مد الليدين الكــــظومي
الياصار انا عبدك واخافك وراجيك
وليا صفطلك حط رزقك تواليك
وقسمك يحطه من خيار الوسومي
ياصار انا عبدك وخافك وراجــيك
مـــد العرب يقضي ومدك يدومي
أطلبك من رزقك ونقح يدي ليك
يالله يارزاق طير يــــحــــومي
يالله لاتفلت يدي من عـــــراويــك
متجود بك وأطـــلبك كــل يـــومي
اللي نوالك لو تجنبه يــاتــــــيــك
يقضب ملاقيفك وبالردن يومـــي
ون شح في رزقك يقطع عوانيك
مثل الضعيف اللي بصدره يهومي
وشعاد لو تركض بركضك يعنيك
ماينفعك ركضك ونط الرجــومي
أرجيك ياهزاع لاخاب راجيـــك
عند الكبر باغيك تــنقل هــــمومي
حقك علي يوم اللوازم محاظيك
من سهركم ماتقبل العين نــومي
أخاف أنا تزل نفســ وبــديك
ومدللك ياما عرفت الســـلومي
أبي الياقالوالك العود يدعيك
وبي الياصــوت عجل تقــــومي
واليوم مادري والله عن مهاجيك
حكمك علينا حاكم حكم رومي
او أنت طير تبحل اللي صقر فيك
مدري تصيد الصيد ولا تحــومي
لاتضيع اللي هاقين هقوته فـــيك
أك تصير من العيال القــــرومــي
أن جاء برد صاطي بتقــي فيك
وبيك ظل لي بــحر السمـــومي
وليا زعلت اللعنك والعن مواليك
لو انت والله بالغلا مثل نومي
وليا زعلتك وشفتالغضب فيك
كني عن الزاد المسوى معصومي
وليلة تغابه تسهر اللعين ورجيك
وليا غملجة الياكن فيها هزومي
وليلة تجي ويبشرن مبشر فيك
عيني تنام وتوهـــا لذ نومـــــــي
ون رحت مني راح قلبي يباريك
ويوم تجيبه قلت مأحلاك يومي
أبيك تقبلي وصاة ووصـــيك
من جنبه تطلع عليه النجومــي
خويك اللي بالمماشي يباريك
ماقالك قل تـــم هرج لـــزومي
وثاني وصاة أودعك وبوصيك
من قبل انا يابوك ياتين يومــي
بنت الردي لاتاخذه لو تراعي
لو كان عسلوجا حسين الرقــومي
اليا عجبك زينه وبالزين تغويك
وحذرك ياهزاع بنت الـــرخـومي
ياتي ولدها بكبرتك مايحاظيــــك
ياتيك عفن مابرايــــه يــــمومي
من عش بوم جاذبه مايراعيك
وعزي لمن يصقـرعلى فرخ بومي
تقوله من يوم شفنا مهاجـــيـــــك
غادي الخـــاله بالفعول مــعدومي
لو هو جنينك قلت له لاهلا بيك
توك تحسف تلحق النفس لومي
عليك أبنت اللي ولدها يعشيك
ياتي ولدها بس مر يـــزومـي
ياقف على الطيه ويزحم ماديك
وبلغيض مايصبر اللمس الخشومي
وليل وردت الماء من الجم يسقيك
يسقيك جم وذود ضدك يـــحومي
وثالث وصاة اودعك وبوصــيك
أبيك عن عرق القطاعة تشومي
عرق القطاعة لو غذيته يخليك
لاصرت عود ثابيا ماتقــــــومي
عند الكبر يملك حلالك وياليــك
ويسقيك من غبن الليالي همـــومي
كل يقول بظنوتك عزتي ليـــــك
عليك برق الريش فوقك تحومي
من غير نفعي تنفع اللي حوايـــك
وصديك المعتاز لازم لـــــزومــي
ابيك ماتلقيه مقرن عـــــــلابيك
أقضب يدة وشـــددة ياما يـــقومي
وبيك ترفع خملته لو يناحـــيك
ياقف معك لياجاء من الناس قومي
يغضب عدوك باللوازم ويرضيك
وليا ازحمك مزحوم ذب الهدومي
والضيف الياجاء يم بيتك وناصيك
رحب بضيــفك جعل عمرك يدومي
وكمل أقراه وقل الله يــــحـــيك
جعل يفداك الصبي البــحومــــي
وسولف عليه ونسه في دواديك
ياما تنام وتقبل العين نومــــي
دوبيك طير تعجب اللي صقر فيك
مخالبه من كثر الادلى دمــــومي
وبيك ير يترس الخرج راعيك
اليا عرضلك الحبرم ابراسه تحومي
ون دوبحلك تجدع اللي توالـــيك
تخلي بثاث الريش مثل الهــدومي
ياشفت فعلك قلت مســعد فيك
لاواهنيي صار طير غـــشومـي
والله فلا ارخصبك والله فلااعطيك
والله فلا ابيعك لرجل يسومـــــي
ربيع قلبي شوف زولك وطاريك
مثل ربيع البل بحزم القضــومي
وجارك اللي منزله من تواليــك
بالحق بد امه على امك لــــزومي
أخته وبنته لازم مثل أناثــيك
وحذرك هرج مولفين العـــلومي
الياصار عنهن غايب وآمنا فيك
عين أتراعيهن عطـــاها الهزومي
ورجل تمشى بالخطى لامن فيك
تعطى الشلل رجله لجل مايقومي
وترى الاناثي بالمحابيل ترميك
ترميك أبحفر مــنه مــــاتقــــومي
تطلع جدايلها وللنهد تـــوريك
لو نات سيف صار بحدة أثلومي
عند العرب ترخص وتكثر بلاويك
مثل الدنس يدمر جديد الهـــدومي
والفرق باللي يطري النعم يطريك
ولا العرب كله عليهم أهـــدومي
وقم بالحلال اللي عن الناس يغنيك
اللي عن العازات يقضي لـزومي
وليا كثر مالك ترى الناس تغليك
وليا جيت كل عن مكانه يــقومي
وليا قل مالك ضعت محد مراعيك
لو كان قبل ماضيــــلك اعـــلومي
لابد من يوم أقفـــي وخلــيــــــــك
أقفي ولا لي بـــحلالك لــــــزومي
أقفيعنك واقفي وانا مقفين فيك
زين ان حصل خب عـلي محزومي
لو قلت زود خامته قـــال ييـــزيك
ومفصله حطه قصيف الكـــمومـــي
حطوك في لفج وحول يــــواسيك
في مرقد من مجــضعك ماتقومي
ربك الياحبك من الرزق يعطيــك
وعاي عند الله حــــسين الختومي

كلمات الشاعر/سحيمان العرجاوي الشمري رحمه الله

وتقبلو تحيات اخوكم ابومشاري.والمعذره عن بعض الاخطاء الاملائيه