اعدام

[الغثه]

[align=center]
.
.

حدا الايام اهلي سافروا وقعدت لحالي بالبيت

المهم

طولوا اهلي ماجوا وانا مبطي مافتحت ثلاجتنا يوم فتحته عقب اسبوع

وانا اشوف خمس صراصير جالسين بالثلاجه

واتخيلهم جالسين يلعبون بلوت

وهو يقمز خامسهم وقال هيه انت ..؟

قلت هيه انت انا لي اسم ياحمار

قال ماتجي تمسك سرى معي .. ابي احد يخاوينن ولا تقول ما اعرف العب

ترن امردغك هنيا

وهي تضربن ام الصوف وانا اشوف اقرب نعله الله يكرمكم وانا اضربه على راسه

يا انا فاجن دماغه وهو يموت ساعة الساعة وهم ينحاشون خوياه

المهم وانا رايح للغرفه الا اشوف صرصور خبيل الله لا يبلانا واقف على الباب

مار يبي يخانق قبل لا يحتسي وانا اطاه برجلي يهو ميت خالطن النخرور مع السعبول

المهم وانا منسدح على الفراش افكر بيني وبين نفسي قلت اكيد هالصراصير يبون

يتحاشمون علي


المهم جانن علم انهم يبون يغدرون بي ويذبحونن وانا مادري ياخيويني

وانا افكر ترينن نمت

طلعت من باتسر الظهر واشوف عند باب غرفتي صرصور نعه مصلاب ويقول

اسمع يالحبيب

انجز وش عندك << انا

دم عيالنا مايروح بلااااااش

ول يا .. جاي فزّاع لهم طز عليك وعلى عيالكم << انا

اسمع أقول ..هذا العلم يوصلك ويتعداك

وش تبي تسوي طال عمرك <<< انا

يا انا ابي اعذبك واوريك نجوم الظهر

ما يمديه قال هالكلمتين يا انا فاغصه برجليني


وانا اغسل واتعوذ من ابليس وانا اطلع << منغث من اللي ذبحهم

وانا ارجع تالي الليل للبيت وادخل غرفتي وقبل لا ادخل اسمع نبرشه بالغرفه

وانا افتح باب الغرفه وانا انصدم شفت شي ماتوقعته

تريهم ينتظرونن

لقيت اربع صراصير كل واحد يبي ينتقم مني بطريقة


الصرصور الاول : معه جوالي ويقول لي تراني خربت علاقاتك كلها

والمكالمات اللي لم يرد عليها دقيت عليهم وسفلت بهم

ومسحت الارقام بعد...أنا ما صدقت خبر وكمخته بعقالي..وأكيد مات

والتفت يمين واشوف كأن احد جالس يفر في المحطات

والتفت يسار واحصل ذاك على السرير متغطي ويقول امانه طف اللمبه

وانا اجيه اغمته بالفراش ياانا كاتمن نفسه

اما الأخر حاط رجل على رجل ويقول ياخي ماعند غير المحطات التعبانه

وليه ماعندك بطاقة عاد قلت ابي اعزربه

وانا اخذه وانا امصع رجلينه ويصيح ومامن سامع وامصع شواربه ويصيح

وانتف جنحانه وانا امصع يدينه وقلت هاه وش رايك ويبتسي يحول

وانا ارفس به بالقاع وانا اطاه برجلي يهو ميت

قلت افيه خلصنا

ما يمدينن قلت افيه الا اسمع ضحكة والتفت

يمار واحدن جالس على النت وحاطن السماعات وفاتحن دردشه وفاتحن مسنجري

وطايح سوالف مع بنات توه متعرف عليهم الخايب

وهو مايدري وانا اتعدي عليه واتغفله وانا اتله مع شواربه وانا احطه حدر رجليني

وانا افغصه وعجز لايرد نفسه مات


عاد من باتسر سافرت انا للرياض وعلمي بهم هاكالساعه


.
.

الغثه [/align]

[هايس الشمري]

[align=center]الغثة



اكيد انك تلعب كراتيه



اقول


بخيييييييييييييييييييييير


الذيب[/align]

[مفتاح14]

اهم شي انك سلمت

[شنقل]

[align=center]

الصرصور الاول : معه جوالي ويقول لي تراني خربت علاقاتك كلها

والمكالمات اللي لم يرد عليها دقيت عليهم وسفلت بهم

ومسحت الارقام بعد

هذا الصرصور هو انجس واحد

وين تلطف لجوالك

وانا رايح للغرفه الا اشوف صرصور خبيل الله لا يبلانا واقف على الباب

هههههههههههههه
هههههههههههههه

الغثه انتبه تراهم بيسووون بك دقره ( مقلب) بالرياض[/align]

[الشبث]

[align=center]اويلي يا ابا الصراصير


انا من يوم شفت خشتك وانا عارف انك تقرنهن

خخخخخخخخخخخخ


تسيف هجمت عليك بسااااااااااع






ياخي تسان مشغل لهن فلم مرعب ( دعاية ريد ولا بف باف )

والله ماتشوف لهم تالي




بس هاللي مسح ارقامك تسان قاطعن راسوه ومخليه يدوج بليا راس


خخخخخخخخخ







وتقلد تحيتي[/align]

[المخاوي]

[align=center]^
^
^

اي بف باف جاهن هاذم اللذات ماعندوه الا فغص

ومازال القاتل حياً يفرفر في شوارع الرياض

[/align]

[المطنوخ]

[align=center]طيب اللي فاتح ماسنجرك ليه يوم انك مصعت شواربه

ماشغلت الكام علشان يكون عبره للصراصير الجنوب افريقيين<<هي صح هاللون؟

لا ادزديت بهم كلهم

يادافع البلا[/align]

[الأصيل]

[align=center]معقوووووووووووووووول

المطنوخ مهو معترض

وين جمعية الرفق بالصراصير


ناس وناس !!!!!

اللي ذبح لوه فاره وحده .... حرقتوه

واللي ذبح قبيلة من الصراصير ... تصفدزون لوه





لكـــــــــــــن يالغثه

الصراحه ماقصرت

أما الفشخات اللي براسك فـ ... تكبر وتنسا[/align]

[ابو خليف]

عاد صراصير

بالثلاجه؟؟؟؟؟؟؟؟؟؟؟؟؟؟؟؟؟؟؟؟


وادي تيقي
ياغسه

[المطنوخ]

[align=center]

معقوووووووووووووووول

المطنوخ مهو معترض

وين جمعية الرفق بالصراصير


ناس وناس !!!!!

اللي ذبح لوه فاره وحده .... حرقتوه

واللي ذبح قبيلة من الصراصير ... تصفدزون لوه

وشو؟؟؟

الاصيل بهذا؟؟

وليييييييييييه وش جاب الرقابه والتفتيش بهذا؟؟


الغثه,,,

مو حرام عليك؟؟؟

ماتستحي؟؟

بالله وين تودي وجهك

وين يروح قلبك وانت ذابح أبا لاحدهم

او اخا لاحدهم

او زوجا لاحداهن؟

ثكلتك عنزة الشبث

وش راح يكون موقفك لما يطق بابك بحدى الايام

وتفتحه وتلقى

ام حدى الصراصير ((الله يرحمهم))

وهي مستنده على عصا ودميعاته على شديقاته

وهي تقولك حسبي الله عليك


وتكرر






















































[align=right]حسبي الله عليك
سبي الله عليك
بي الله عليك
ي الله عليك
الله عليك
الله عليك
لله عليك
له عليك
ه عليك
عليك
عليك
ليك
يك
ك
........[/align]





































وماتت الام حسره على ابنائها!!![/align]