بعيدا عن الانتخابات ...هل تؤيد طرد البنات من الدكه !!

**شنقل** · 02-03-2005 01:02

[align=center]

أنا اشوف انكم تغيّرون إسم ( الدكّه ) لأنه به وخاشيّه شوي

سمّوه ( البسطه ) ( الناصيه : ) ) ( المحطّه

مجموعة انسان

اشوى انك ماقلتي بخشه

[/align]

**المهرة** · 02-03-2005 03:37

[align=center]عرفت السبب البارحه يوم بغيت انزل موضوع عن كفرات السيارات
انا من زمان مادخلت الدكه واقول وش عماني عنها الاخوان قروووا علي ههههههههههههههههههه
والله اني انعميت عنها ماشفتها ونسيت وش تحكي عنه الدكه وماادراك مالدكه اقول ليش يردون
علي وكل واحد يشور علي وين انزل الموضوع اها ههههههههههههه
يبون يوخروني عنها لكن حشا وكلا هههههههههه
ابشروا راح افتح قسم تابع للدكه اسميه دكة الحريم وقهوه وقدوع ووسع صدرك واركب سدرك هههههههههههههه
يا ويلكم على راي خالنا ابو غازي
(( كيدهن عظيم ))
فهمت ياريم هالحين ليه يصرفوني البارحه هههههههههه
النوم ذابحني وعيوني الله بالخير ماكنت اشوف شئ
اختك 00 المهرة[/align]

**ريم شمر** · 02-03-2005 07:09

[align=center]يااااااااااااااربيه

خلاص قضينا من السالفه وش فيكم رجعتونا لها

سارونا ياغاليه

عمنا القدير ابو غازي يمزززززح

وكلنا متعودين على اسلوبه ويمووون على بناته

مناكد

يابن الحلال والله ماعندنا سالفه من قالك انا

بنشارك ونكتب والله ياانت متفائل بعد

انت خل حوسة الانتخابات تخلص

وماراح تشوفنا الا بالاعياد ويمكن مانجي بعد

انا بس احب اطلع بكيفي مااحد يطردني

اما في حالة فوز مرشحتنا العبقريه سارونا
فحنا بنتكى هنا ونقلبها بسطة حريم

شنقل

وش فيك تنتفض شكلك متوهق بهالترشيح

عادي يمديك تنسحب

مجمج

يابعد الدكه ومرشح الدكه شنقول ومدير اعماله شبيثان

تسلمين على الدعوه ودارتس داري يابعدي

بس انا هاليومين حاليتن لي القعده هنا ..مادري ليش

المهره

ياعمري مستلمينك من امس علشان هالكفرات

انا بعد ناويه انزل موضوع اسأل عن الخرفان واسعارهن

بتولم لعيد الضحيه من الحين [/align]

**الشبث** · 02-03-2005 07:26

[align=center]اخت ريم شمر

ممنوع دخول الحريم هنا بتاتا البته

طيب عمرك سمعتي ان الحريم يجلسن بالديوانيه ( مجلس الرجال )

يخيتي هكا اليوم جيت يم قسم الحريم ابي اسوي دعايه لشنقل

وبغن يذبحني ويالله يفكن النطول من يدينهن

فعاد الله لا يهينكن شيلن فصفصكن وقشكن وتوكلن على الله

ولا تشوفكن عيني هنيا

وتقلدي تحيتي[/align]

**ريم شمر** · 02-03-2005 07:44

[align=center]

المشاركة الأصلية كتبت بواسطة ريم شمر

[align=center]

انا بس احب اطلع بكيفي مااحد يطردني

[/align]

8
8
8
انت اللي جبته لنفسك

كنت قاعده ارتب الشنطه علشان اليوم اخر يوم لي بالدكه

بعد ماتطلع النتيجه

بس عقب خطابك اعلاه قررت اني امدد الاقامه

[/align]

**بو رائد** · 02-03-2005 09:31

اخت ريم شمر
^^^^^^^^:
بل هاتن القهوه والشاهي وتقهون الله محييكن خوات عزيزات لنا
لا كما يقول شبثان ....بعدين ايها البناخي شبثان حنا محنا بالبر
او رحله لو كنا كذلك فالحريم لهن مكانهن والرجال لهم مكانهم
انت مادري وين محلك ونبراس يمكن بحايل وريم شمر يمكن بالجوف
وانا في ابها وسارا بالرياض وابو غازي بجده هل نشوف بعض؟؟ ابغا اجابه صادقه وصريحه
عجزنا معهم يااخت ريم شمر ثم لايفكرون اني متحضر جدا ولااحب البداوة او العادات الطيبه
ابدا فلقد عشت في بيت الشعر وليس عيبا ولقد عشت في لوس انجلوس ونيويورك
ولندن وباريس سنوات عده وليس عيبا ولم تتغير قناعاتي وحبي للعلوم الطيبه
امل ان يتفهم الجميع وان خواتنا جزء وجزء مهم منا فلماذا نحرمهن من ذلك
اسف للاطاله وتبقين اخت عزيزه دمت بصحه قد يقتنعون بالاخير نتمنى ذلك

**الأصيل** · 02-03-2005 09:52

[align=center]من أجل عين ... ألف عين تكرم

إذا اعتزلت أخواتنا الدكه ... فلن يغضب أحد

وإذا شاركت النساء في الدكه فربما تضيق بعض الصدور

لذا ...

اقطعو الشك باليقين ..

والأخوات لهن المكانه المرموقه

في جميع المضايف عدا ... الدكه

باختصار ...

ابتعاد البنات عن الدكه يحسم الموقف .. ولن نخسر شيئاً

والله لو قالو لي : يالأصيل .. لاتدخل الدكه ، قلت : حاضر ،، على خشمي

والقلم النسائي محترم وله وجوده في بقية الصفحات

( أنا ماني متناقض .. بس أحب الكلام الموجز المفيد )

وأتمنى

ألا ينطبق علينا : كل ممنوع مرغوب .

علماً بأن أهداف الدكة غير واضحة لي شخصياً .

على العموم ...

مشاركتي على عجاله ...

وأتمنى ألا تتأزم المواقف وترتفع حدة الردود ( كما أرى )

مع إن الأخت ريم شمر قالت نبي مشاركة بصراحة وهدووووء[/align]

**كبريت** · 02-03-2005 14:19

الحريم
اوت من الدكة
الدكة للاشانب بسسسسسسسسس

**ريم شمر** · 02-03-2005 15:42

[align=center]اخوي بو رائد

قل امين الله يحرم وجهك عن النار
ويحفظ لك من كنت لها راعي

صدقني للكلمه الطيبه تأثيرها

ولشهادة الحق وكلمة الحق وقع طيب

سلم منك البنان واللسان اخي الفاضل بو رائد

لاعدمنا من بمثل اخوتك ومراعاتك لاخواتك

الاصيل

من أجل عين ... ألف عين تكرم

ولماذا لايكون العكس وتكون العين صاحبة الكرامه

والتكريم هي عيون اخواتكم هنا

ولماذا دائما نطالب نحن بالتضحيه

من اجل عيونكم

واصلا لماذا تحصل التضحيه واكرام عين واهانه عين اخرى

إذا اعتزلت أخواتنا الدكه ... فلن يغضب أحد

طبعا اخواتكم لايعتبرن من ضمن هذا ( الاحد )
بل هن بنظركم لا(احد)

وغضبهن او عتبهن ليس بالحسبان
اهم شي لايغضب اصحاب المعالي
طوال الشوارب !!!

وإذا شاركت النساء في الدكه فربما تضيق بعض الصدور

لا سلامتها من الضيقه

حرام وليش نضايقهم على شي مايسوى

وش حضرة (كــــل )البنات نرضيهم ويزعل (البعــــــض ) من الرجال

البعض اهم من الكل

وعيون البعض تستاهل الاكرام

وعيون الكل تستاهل العكس

والأخوات لهن المكانه المرموقه

في جميع المضايف عدا ... الدكه

صحيح في الدكه ليس لهن الا الطرد والمهونه

ابتعاد البنات عن الدكه يحسم الموقف .. ولن نخسر شيئاً

طبعا لن تخسروا شيئا

لاننا بنظركم لاشئ !!!!!!!

وأتمنى ألا تتأزم المواقف وترتفع حدة الردود ( كما أرى )

كانت المواقف والامور تمام التمام
وخصوصا بعد توضيح اخونا محارش
وعمنا ابو غازي اللي ماقصر الله يعافيه
رجع اكثر من مره وشرح لي وجهة نظره

عندها نسيت السالفه اصلا وحولتها لمزح

وسوالف واصلا مانويت ادخل هنا بعد انتها ء الانتخابات

لكن ردك هو سبب الازمه

بعد كلامك اخوي الاصيل

اعتقد ماعاد فيه مجال للبقاء

بصراحه تمنيت اني ماقريت ردك

كان بامكانك رفض تواجد البنات بكلمتين فقط

بدون كل هالموال

شكرا لك ونعتذر على ازعاجكم

كبريت

جاك يامهنا ماتمنا

ابشررررررررررررررررر

استودعكم الله اخوتي

دخلت وانا اختكم واحمل لكم كل المحبه والاحترام

وساخرج ومازال الوضع على ماهو عليه

ومازلتم اخوتي فقط من اجل ان لاحرج نفسي

اكثر من كذا ولااحرجكم ساغادر كمشاركه

متمنيه لكم التوفيق

وسابقى كمتصفحه ومتابعه احيانا حسب وقتي

واتمنى من اخوي محارش اغلاق الموضوع [/align]

**تركواز** · 02-03-2005 17:42

[align=center]
ريم ماني قارية شي بصراحة هذرتوا واجد وش انتهيتوا عليه ؟

يبوننا في الدكة عشان ماعاد ندخلها
والا مايبوننا عشان نطق خيمتنا ونتكي لهم

[/align]