[[poem=font="Arabic Transparent,4,crimson,bold,normal" bkcolor="transparent" bkimage="backgrounds/15.gif" border="double,4,indigo" type=1 line=0 align=center use=ex num="0,black"]
size=2]عصر الاحد نطيت عال الشواهيــق = رجم (ن) بشـرا فيحان لمثلي يروقـي
يمـا رقابـــه مــــــن اسبور ومخاليــق = عسى على دياره تلوح البروقــــي
تمطــر عليــه مــن العشاء لتشاريـــــق = من مدلهم رادم (ن) له طبوقــــــــــي
وتربــع الــدنيا وتــــزيـن التـــــــوافيـق = ويستر خاطر من حلايبه نوقـــــــــي
صفـر (ن) غلاها لاجي(ن) بالمعاليق = مراح (ن) قديم غرسة (ن) له عروقي
مـالفقـت مـن كــل ذود(ن) تلافيــــــق = متكامله على مزاجي وذوقــــــــــي
ممشــاه عجــل ويـاركبلــه مطـافيــــق = قدام مقهوره تغاور فروقـــــــــــــي
إمــرواحهـا مـاسـوقـوهـا المـلاحيــــق = ياجاه راع الصنف لمثله تلوقــــــي
ولاجمـــع اطــرافـه طـوال السماحيق = ولالقي ذهيبه خامل(ن) بالفلوقـــــي
ربيــع يجمــع عـاشــــــق بالمعـاشيق = ويجيك منهو للبشاير يسوقــــــــــــي
الصاحــــب اللي نايف(ن) بالمخاليق = من متعبي نبي نتقاضا الحقوقــــــــي
اللـــــــي مشانـــي حبهـا بالمطابيـق = الله جعل من سبة الترف عوقــــــــــي
كبلنــي بحبالـــه ولامــن مطاليــــق = مستاسر(ن) وانا لاسره شفوقــــــــــي
صافـي ثمان وزاهي(ن) بالمخانيق = له فن بالترويض زين الطروقــــــــــي
ابـــو نهـود فــوق ظلوعه مشاقيق = متمرس(ن) لقلب المولع سروقــــــــــي
عين اشقـر متحفــز(ن) للمطاليق = في مخلب(ن) ضار(ن) لقص الحلوقــي
وليـا نظرة الردف اسكر ولا فيق = ويهيم في بحر غرامه خفــوقــــــــــــــي
كرهة ممشا الغرب ممشاي تشريق = غصب القدم على اتجاهه يســـــوقــــي
امشي ولا ادري دون فكر(ن) وتبريق= هاوي ولاني بالمحبة امروقـــــــــي
صافي ومعطيها عهود ومواثيق = يامشغلي حذراك بالك تبــــــــــوقـــــــــــي
وصلاة ربي عد مادار تحقيق = على النبي اعداد نـــــــــــو يســـوقـــــــــــــي [/poem][/font][/size]
رد مع اقتباس
المفضلات