[align=center][glow=FF0000]اصحى ومرقادي على ارض ٍٍ بلا فراش
وصلّي المفروض واذكر ولي الكون
وايقظ معي ضوّي بسمر ٍ به اقشاش
وميقاض فكري شبة الضوء بالعون
واركبت حول النار ماينعش انعاش
وحطيت فالملاّ من البر مطحون
في ديرة ٍ جاها من الوابل ارشاش
وعندي عربها بالكرم مايقاسون
مافيهم ابخيل ٍ ولافيهم اللاش
ولافيهم اللي بجمع الاموال مفتون
ولافيهم اللي عن مواقيفي انحاش
ولاشفت فيهم من رداة العرب لون
في قربهم طيب ٍ ولو حالهم ماش
وفي ذكرهم قولة نعم لو يطرون
عمر الخبل خبل ٍ بدنياه لو عاش
وانا ماذم الخبل وانتم تعرفون
خبل ٍ مع دروب الرجاجيل معتاش
ماشرّع ابواب الكرم للي يلفون
من مات ذكره عدّه اليوم ماعاش
ومن عاش ذكره عاش لو كان مدفون
[/glow][/align]
[glow=FFFF00][align=center]الشاعر لا اعرفه ولكن اعجبتني ونقلتها الى منتداي المحبوب
شمر نت[/align][/glow]
رد مع اقتباس
المشاركة الأصلية كتبت بواسطة مغترب بالشمال
المفضلات