عندي سوعااال خطير !! وبدون تعليقات يالريم !!

[ريم شمر]

[align=center]
الله يسلمكن يابنيات

انا احب التوفي واي شي يدخل فيه التوفي اموت عليه

بس للاسف ماانجح ابدا في عمله

مع انه سهل جدا


بس دايم يطلع معي بالاخير

حلاوو مصاص بنكهة التوفي

يعني مستحيل يكون طري وسهل الدهن

بحيث اقدر استخدمه مع الكيك او اي شي ثاني

مؤكد هناك خطأ ما

مع العلم اني جربت اكثر من طريقه بمقادير مختلفه

ومع ذلك النتيجه نفسها

حتى اني بديت اشك ان التوفي مسوي مؤامره ضدي


المهم

ابي الخبيرات السنعات بنات المضايف

يساعدوني في حل مشكلتي








.مليحيظه
الريم اياني واياتس اشوف كشرتس هنا




خيتكم ريموو[/align]

[غاده]

[align=center]تبي الصدق لطشته من موقع وجبته ههههههه


ريمو و انا اموت باي حلا علي توفي خصوصا مع التركش كوفي 000
لذلك اتحاشاه حتى لااصير دبه واعنس 000



&& الحليب المركز مع التوفي &&


** المقادير **
بيضه + حليب مركز كبير + 7 جبنه كيري + علبه قشطه
علبه بسكوت الشاهي الفرنسي + زبده حجم صغير
مقادير التوفي نضع ملعقه زبده ثم كاس صغير سكر حتي يحمر نضع علبه قشطه

*** الطريقه ***

نضع البسكوت مع الزبده وملعقه قشطه ويكبس في صينيه بايركس
نضع عليه خلطه الحليب ثم يوضع في الفرن حتي تجف الطبقه نخرج الصينيه ونضع عليه التوفي ............... ويوضع في الثلاجه

ممكن حلا سفره او يقطع مكعبات[/align] دلاله اني لاطشته جبته مع كل الطبخه ههههههههههه


اذا تسمح مشرفه القسم اسوي موضوع عن مواقع نسائيه تفيد بالأزمات للي مثلنا حاضرين

[غاده]

حبتين كريم كرمل
علبتان قشطة
نصف كاس ماء تخلط جيدا وتترك وثم
ضعي كاس واحد سكر في قدر (طنجرة-وعاء) طنجره دليل اني لاطشته ههههههه واتركية على نار هادئة حتى يصبح لونة غامق ثم اضيفي الخلطة السابقة وحركيها جيدا حتى يذوب السكر وثم يصفى بمصفاة وبسرعة على طبقة البسكويت



طريقه ثانيه انتي جربي حتى تظبط ههههههههه

[الجازي]

[align=center]سااااااااااااااااااااااااااااااااااااااا اااااااااااااااااااااااااااااااااااااااا اااااااااد

الحل عندي لكن خلي طردتس لي ينفعتس

تراني كنت مثلتس التوفي حالفن إنه يصير عندي صبة مو توفي لكن لقيت لي طريقة سهلة ولا أريح منها وتخليه أطرى من الطراوة

بس هذا وجهي إن علمتس بها

وإقعدي بها لما تفزع لتس وحدة من هالسنعوسيات

إلا عاد تسانتس ارسلتي لي حبة راس مع حبتين خشم والا تدرين مايحتاج حبة الخشم لأن خشمي مابعد رجعه لي مفتاحوووووووه

وفوقهم أبي عينة من حلاو مصاص بنكهة التوفي عشان أسوي لتس جولة تسويقية على هالفكرة الحلوة

عقب تنفيذ هالشروط يمكن الله يهديني وأعلمتس بالطريقة السهلة

سلااااااااااااااااااااااااااااااام [/align]

[مجموعة إنسان]

.

[align=center]8
8
8

الله لايحيجها لك يالنذلـــــــــــه


ترى أمزح



.........

ريمووووو

افااا عليك انتِ بس اشّري لي بهالسوالف

شوفي وبكل بساطه :

حطي كوب سكر في مقلايه او قدر صغير

وحركيه على نار هاديه وبهالوقت تكونين فاتحه علبة القشطه وحاطته

قريبه من النار عشان تسخن

( لأنه سبب المشكلة اللي تواجهك بارد + حار + دفعة وحده )

المهم :

لمّا يذوب السكر ويصير بني فاااااااتح خوذي بالملعقه من القشطه

واضيفي ملعقة قشطة للسكر وحركي بسرعه ولاتضيفين الملعقة

الثانية من القشطه لين يتجانس اللي اضفتيه من قبل ..

وكل بعد كم ثانيه اضيفي لك ملعقة من القشطة الدافيه

وهكذاااااااااااااااا لين تنتهي الكميّة


وبــــــــــس


[لوحة16]

شفتي شلون سهلــــــــــــــه

[/لوحة16]





:::::::::::::


غيداء :

الله الله عليك

خوذي راحتك يالغاليه بس تأكدي من الوصلات

واكون ممنونه لك [/align]


.

[ريم شمر]

[align=center]هلا غيوده

تسلمين ياغاليه بس انا مو مشكلتي المقادير

هذي اعرفها بس الطريقه نفسها

الظاهر يبي لها دوره تدريبيه

في معهد متخصص علشان اتقنها

ماقصرتي والله

واكيد بجرب كل الثنتين

--------------

الريم

المشكله مطروده وجايه ترز خشمها المقطوع هنا

اول رجعي خشمتس وبعدين تعالي تميلحي

بس وش اسوي مسكتيني مع يدي اللي توجعني


هذا توفي مهو مراصيع

اصبري اذا مالقيت فزعه من غيرتس

الشكوى لله مالي الا حِبة الراس

بس عاد حبة الخشم فكينا منها تكفين



---------------------

مجمج يابعدي والله

انا بجرب واطبق الطريقه اذا نجحت
والله يابعض الناس بتجيهم جلطه

واذا مانجحت شكلي انا اللي بتجيني جلطه

تسلمين ياعمري [/align]

[بتول آل علي]

[align=center]
>>>> ما عمرها جربته ولا أفكّر لأن الأشياء المعقدة هذي مضمون فشلها عندي

بس جيت اسلم عليكم [/align]

[سكون]

هلا والله وغلا فيكم اقول اخيتي الظاهر مالك الاهي ههههههه لاكن شوفي انا أجيبه لك عناد في بعض الناس ههه امزح والله بدون زعل يسلموووو ,,,

[الجازي]

[align=center]ريومة ,,

الله لايحيجتس لي قولي آمين >>>>>>> ناوية تذلها [/align]

[ريم شمر]

ابشررررررررررركم


البارح الساعه الثانيه بعد منتصف الليل

طنت براسي اجرب ( والله المزاج )

وفعلا سميت بالرحمن ودخلت المطبخ

وبديت اخبص وشيل وحط وقربعه

الين صحوا كل جيراننا الارجنتينين

وفي الاخير زبطت معي

بغى يغمى علي من الفرحه

صحيح مهو متقن مره

بس اذا كانت هذي البدايه ان شاء الله بتحسن

مع اني عارفه اذا تعلمت الطريقه زين

بصير اكره التوفي

تسلمين مجمج ياعمري انتي... طبقت طريقتك
ايو الله فكيتيني من خشوم بعض الناس



الدهور

هلا ياغاليه ومرورك شرف لي




سكون اذا عندك طريقه ثانيه هاتي مانقول لا







ام خشم ...انا افدى هالخشم

انا طول امس وانا اتخيلتس مشغلتني عندتس
جيبي وودي وانواع الذل علشان هالتوفي

بس الحمدلله اللي ماحتجت لتس

.