مسكت القلم والبوك والظرف ابشكيبه
قلب عليل من الهوى هاظة أشجانه
عشقت البحر وشفت موجه وتقليبه
وعشقت النسيم وصبغة الورد واللوانه
وعقشت الطرب والفن بالحيل مصغيبه
وعقشت صوت السامري ورجف طيرانه
وعشقت نوع العشق والعشق تعذيبه
عشق الحبايب داخل القلب مسكانه
ونخيت شيخ قرم نشمي يعــنيبه
رسالتي والساحل الشرق عنوانه
يركب على اللي يشرح البال تركيبه
صنعة يهودي ماعرف دين وارانه
طرازه جديد الميج كثرة مطاليبه
بتفز فزة شايق شاف خلانــــه
تم الموادع ثم حمل مكـــاتــيــبه
مع الدرج غادر نصى صوب بيبانه
نص السفر قاله وكرر مـــطاليــبه
يوم أقلعت نسمع تعازيــف ويــلانه
صوته يشادي لصوت سرحان يعويبه
صوب الثريا حاشة الريح جـــنحانه
ثم وجهه لساحل الشرق تــصويبه
والبوصله يعرف مقادير مـــيزانه
فوق الحساء خفف لسرعه يــهديبه
يعلن هبوطه ثم يعــلن المـــيــــدانــه
لمبة رداد تعلن وصوله وتــرحيبه
بر الكرم مطار ظهران مــيدانه
ويركب على بنز جديد وينصيبه
صوب الجبيل يم الفناتير مــسكانه
تلفي على نشمي كريم يحيبه
وتلقى الدلال بمجلسه دوم مليانه
وتقلط على كبش سمين بترحيبه
شخص كريم ومسكن الضيف بعيانه
ومن بعد ذا تسلم خطابي بتوجيبه
لناصر ابو صالح له النفس والهانه
كتيت شعري لك والظرف بشكيبه
حالي قضت ياخوك من بعد خلانه
بعده صعيب وسم بالقلب يسريبه
ونفس العليل لشوفة الزين والهانه
مهما مسكت البوك لشعر ابعطيبه
ومهما كبت الشعر كله على شانه
واطلب من المولى يعجل بتقريبه
واعيش انا مثل اللبشر مع خلانه
وسلامت الجميع.
رد مع اقتباس
المفضلات