مفتاح 14

[الأصيل]

[align=center]السلام عليكم

بالخير ياعيال ..

ترو موضوعي مالوه علاقه بصاحب السعادة أخونا ( مفتاح 14 )

لكن ... اسم على مسمى ...

( ويخلأ من الشبه ثنين وثلاثين )

لكن هالموقف زاد من محبة وغلا أخونا ( مفتاح أربعطعش)

.............

قصة حقيقية ..

ويمكن ماتحصلون أكثر من ابتسامه فقط لاغير

****

هذا الله يسلمن ويسلمكم ويسلم شبثان ونطلان وشنيقل والجميع

سنه من السنين ... بالقيظ ..

الساعه حول الوحده الظهر الحمر ( كنايه عن شدة الحر )

كنت بالمجلس ... لالي ولا علي

مافطنت ألا الصياح ...

ونا لك أفوع ( مايحتاج تعليق ... معروفه )

العلم ... عسى ماشر ..

قالو : هذي أم فلان ( جارتنا .. الله يستر عليه )

قلت : شبلاه ؟؟

قالو : ماندري .. جتنا تصيح وتبي اللي يفزع .. وأبوهم بالعمل

ونا لك أطلع ركض ماعلي غير الطاقيه ولالبست مركوبي ( الله يكرمكم )

ونا لك أتسفت البيت

هقيت إن عندهم مريض أو حريقه أو ...

المهم ... دخلت لاشعورياً ..

لقيت وليدهم الصغير ( عمره سنتين )

لوه صياح ..

يلعب بلوه ( سيكل ــ دراجه هوائيه ــ قاري ــ بسكلته ــ )

ياشباب : كلن ينقي الكلمه اللي تعجبوه

المهم

الليد ... منحشرتن يدوه بين الحديد والزنجيل ( السير ) الحديد

وعجزت أموه أنه تطلع يدوه ، ولا تقدر تحرك السير

والوغد يصيييييييييح

مالكم بالطويله

وركضضضضضضضضضضض لبيتنا

ونا لك أخمش العده

به مفاتيح وسكروبات ( درنفيسات ) وصواميل

خذيت معي حول خمس مفاتيح ،، وقلت لأهلي : إلحقوني بالبادزي بسرررعه

قالو : وشعلمك ؟؟

قلت : بعدين أعلمكم

وأجيك موحف(الإيحاف:هو الركض فوق السرعه المحدده)يعني فوق الـ 45 كم

رجعت للوغد ... ليوالله يدوه صايرتن زرقا .. والدم منحشر حشر

ومن كثر الصياح والوجع نشفن دموعوه ..

الحين .. أنا مدري وش أعمل ..

لكن قلت .. أحسن طريقه إني أفك الصاموله اللي شادتن السير ( الزنجيل )

قظبت لي مفيتيح صغير ... مافتح

خذيت أكبر منوه ... برضوه مافتح ( والوقت يمشي .. والليد لوه صياح )

ونا أقضب مفتاح 14 ( ياملا الشحم ياهكا المفتاح )

يوم حطيتوه على الصاموله .. وهو لك ينشب به

قلت : باسم الله

وهو يصيح الليد .. قلت اصبر يالغالي ..

سهل الله .. ونفتحت الصاموله .. ورتخى السير

ونا أسحب يد الوغد .. تقول : فنيلة منتخب اليابان ( زرقااااا)


عاد ... من هكا اليوم لليوم

ونا أحب كل شيء يحمل رقم 14

وأولها ( أخونا الغالي مفتاح 14 )




وسلامتكم

الله يسلمن[/align]

[المطنوخ]

[align=center]يالاصيل

اول شين حمدالله على السلامه

وثاني شين قسم بالله ان ماتسنعت وغديت مسطول مثلنا

لا ارثع بك

يوم انك تغيب كل هالغيبه وشعندك؟؟؟؟

ثالث شين

الحتسي يوم تفك يد الوغد من الدباب!!

الوقت وش كان؟؟

والشمس وين كانت؟؟

كل مسكت المفتاح بيدك اليمين ولا اليسار؟؟

هل كان عليه اثار تشحيم وريحتوه ريحة زيت ولا ريحة صدا الحديد؟؟

الوغد المكروبتن يدوه هل كان خشمه يدرج وهو يبتسي ولا لا؟؟

هل كان لابس رياضه ولا ثوب وداعسن طرفه داخل تكة السروال؟؟

هل كنت تستمتع وانت تقوم بعملية الانقاذ ام انك مغصوب؟؟

هل انا دبلت تسبدك ام لا؟؟[/align]

[الأصيل]

[align=center]يالله مقسوم خير ... أولهم المطنوخ

الغالي المطنوخ ( الله يخليك لأهلك )

خابر بالصباحيه .. بوه شيخ يقرا على الناس اللي بهم بلا

عاد يابعدي ... رح يموه

واعرض حالتك


وبعدين أشوفك ماسعلت عن زرار ثوب الوغد

ولا نشدت عن المسافه اللي بين بيتنا وبيت جيراننا

ولا سعلتن عن أبو حمود

تعرف منهو أبو حمود ؟؟

والله إني ماأعرفوه !!!



ياجماعة الربع

شفتو نطلان سابقاً ... طنخان حالياً وش يقول ؟؟؟[/align]

[ابو غازي]

[align=center]يالله من فضلك

منقذ وأصيل

تصدق لو هو أنا تساان لاهلحين وأنا عاضن ناجدي وعرقي يصب بهالشتاء

أما مفتاااااااح 14 وهل يخفى قمر 14 قمراء والكل يحب مفتاح 14 حلال المصاعب

الأصيل

ماتقولي وين الثويباااات الصوف >>> يامحد نقز الشاء وهن ماعينن هههههههههههه

عاد تصدز إني خيالي لأبعد الحدود وكنت أتخيلك وشوشتك طايرةن وإنت تفتش العدة


[/align]

[اخو سعدى]

[align=center]صارت معي هالسالفه ولكن كنت انا الضحيه

والمساعده كانت من شنقل والشبث

كنت مسوي فيه الكبير واعرف لكل شين ولكن

مافطنت الا واصابعي ناشبه بالزنجيل ..

ولكن جت سلامات ..[/align]

[ابو خليف]

[align=center]اكيد الولد الجاي ان شالله

بتسميه [لوحة]مفتاح اربع طعش[/لوحة][/align]

[الشبث]

[align=center]وبعدين وش صار على الولد

صبعوه ماصار مثل فنيلة المنتخب السعودي




يالله مقسوم خير

اشوى يوم الله فك خشموه من الزنجير

والله نوه خطيرن بالمره









الاصيل

المسفه هذولا لا ترد عليهم ( النطول )

ولا عليك من كثر حتسيوه تر ماعندك احد

هو من تشوف واجهيتوه تقل صرّة عجوز تغسل يدك






تسلم يالشهم الشجاع






جايبن عاد راس الدريعي ( وانا ارجدبوه )







وتقلد تحيتي[/align]

[الأصيل]

[align=center]أبو غــــــــــــــازي

ثلاث ملايين مرحبا

التوفيدز من الله ..

ولا أخوك الأصيل مايعرف بالحاجات أبد

وأما خيالك فهو بمحلوه

أفتش العده .. وركبي يرجفن .. وشوشتي طايره

والوقت راح ...

لكن ..عسى الله لايبلانا












دكتور أخو سعدى

أنا أدري ... ماورا شنيقل وشبثان فود

لكن ... عسى كان معكم مفتاح 14

وسلامات يادختور










ذيب شراف

الله يرزقن بـ بنت

مدري تسان أسميه : مفتاحه 14

تسلم ويسلم الذيب اللي يتمشى بالتوقيع











شبثان

والله العظيم وبالله الكريم

من ساعة تسفت بالمضايف ونا متقلد تحيتك

يعني أنا ماويلك ماواه من كثر ماتكتب : وتقلد تحيتي وتقلد تحيتي



بعدين فنيلة المنتخب السعودي مهي زرقا ...

ليه ؟

لأن المنتخب تعادل مع حدا الفرق

ويوم تعادل ويصير حادث على طريدز خريص

وهو لك يرتفع سعر برميل النفط

مالك بالطويله ... في النهاية : مات البطل




يقول شبثاااااااااااااااان :

( المسفه هذولا لا ترد عليهم ( النطول )

ولا عليك من كثر حتسيوه تر ماعندك احد

هو من تشوف واجهيتوه تقل صرّة عجوز تغسل يدك)


رايك ياولد !!؟؟

إنت أبخص بالشله مني[/align]

[شنقل]

[align=center]

هذا الله يسلمن ويسلمكم ويسلم شبثان ونطلان وشنيقل والجميع

الله يسلمك

الاماتقول لي وينك

لي عشر ايام بالكويت وانا ادورك

مند دوار العظام رجليه ليا نبع العصير

ماخليت جحرن ماندعست به

حتى السكراب رحت له[/align]

[الأصيل]

[align=center]

الله يسلمك

الاماتقول لي وينك

لي عشر ايام بالكويت وانا ادورك

مند دوار العظام رجليه ليا نبع العصير

ماخليت جحرن ماندعست به

حتى السكراب رحت له[/align]

..........

[align=center]اللهم سكّنهم مساكنهم

صاحب السعاده / شنقل

أنا أدلك ( تسانك بدوي )

ياجيت نبع العصير من شمال ..

حطوه على حجاجك الأيسر ..

وتوجه مغيب مطلاع شمس

ليما يصير السالمي بقفاك

بحّر على يمينك ... ماتشوف غير البر

هكا الساعه : ارفع صوتك : الاصييييييل ( ماتلقا الوالي اللي يرد عليك )



بعدين ... وشعندك بالسكراب ؟؟؟

عسى ماخلاف ؟؟

أحد مريض من شباب الفله ؟؟













الله يستر من البحث والتحري[/align]