[align=center]اليكم اخواني واخواتي اخر اجزاء مخيم الخفجي
وفي هالجزء نبي نسرد لكم جميع الاعضاء اللي جو للمخيم
حتى اللي سلمو ومشو
واليكم الاسماء :
ابو سلطان
والله يالربع اني اول ماكنت احسب ابو سلطان بهالاوصاف
رجل خفيف نفس ودايم يضحك ويشارك اخوانوه باي شي
حتى الكوره لعبه وبغى يروح فيها من الشد العضلي .
ومن يوم جاء للمخيم صباح الخميس لين راح لهلوه وكاميرتوه بيدوه وبس يصور
وبكل صراحه اشكر ابو سلطان وكلنا لازم نشكروه لانوه هو اللي جمعنا هنا
وهو رجل حكيم وبينت الحمكه يوم صرفن بالخطبه .
فلاح السعد
قمه الكرم والطيبه والاخلاق الحميده رجل لو اتكلم من هنا الى السنة الجايه ما اوفيه حقوه
انا مادري شلون ينام هالادمي ؟ والله يالربع انوه يمشي من عندنا متاخر ويجي الفجور
وليتوه يجي هاللون الا يجي ومحملتن يدوه .
ومن كثر ماهو مشتط ماجلسنا معوه ولا خذينا علوموه . ياربي بس يروح ويجي
وانا ماقول الا الله يوفقوه وين ماراح قولوا امين
خلف الرويتع
هذا من اليوم ورايح سموه شيبت المضايف . وهالشيبه يالربع تقلدن من يوم جاء
ولا على لسانوه الا الشبث راح والشبث جاء
والزينه زولوه يوم لعب كوره مثل ماردونا على عزوه .
بس تبون الصحيح والله انوه اطيب من الطيب
وعرفوه يشرف ويرفع الراس
والله يحفظوه ويطول بعمروه ويخليه لنا .
ذعار
رجل كل من شافوه يحبوه
مثقف طيب حبيب حتسيوه يشدك
وهالرجل عزم الزقرت لمخيموه اللي كان حولنا (على حجاجك الايمن ليا لقيت المخيم قفاك )
ومن باتسر راحو يمون قطعت ربع من اللي بالمخيم
ولا اقول الا الله يخليه لعينن ترجيه
سلمان النبهان
ابو سند شهادتي فيه مجروحه
بس الغريب ان ابو سند من اميز الشباب بلعب الكوره وهو شويب يالله يمشي
بس بحق كان هو المشرف على الجلسه
وكل شوين راجفن الشبث مع دماغوه تقل مايشوف الا الشبث
الله يسعدوه دنيا واخره .
sawa7net
الدكتور الضاحك
والله يالربع اني ما اراعيلوه الا يضحك
بس فيه سويلفتن مسكه علي وكل شوين يذكرن به
اخوي سواح نت ما جاء الا الجمعه عقب الصلاة وسلم وتوكل بس وش عقبوه
عقب ماخذا قلوبنا معوه ( يارب ينسى السالفه )
الله يوسعلوه ويجزاه عنا كل خير
سنجار
هالشاعر غريب وبس ساكت وليا جا للمضايف حرثه حرث
طبعا اخونا سنجار شرف مع خلف الرويتع ( شيبان ويمشون سوا )
لكن الله حق مهو مثل خلف خلف حرتس الله يخليه اما هذا هدي
وبالمضايف العكس .
وعزالله اني تشرفت بشوفتوه
والله يرفع من قدروه ويعزوه ولا يهينوه
الاصمعي
ابو خالد عاد هو ونست المخيم
رجالن دايم يضحك
ولا يسري الا تالي الليل ويرجع قبل الظهر
ورجلن بوه حركه بس حركتوه بركه
ولا تشوفوه الا يا يقول الغاز ولا قصايد ولا يسولفسوالفن حلوه
ولا يجيب الحطب ولا يصلح القهوه .
الوكاد سالفت انك تلقاه جالسن هاللون مافيه امل
وللمعلوميه ساعتي للحين مقطوعه ولا صلحته بسببوه
ولاني مصلحه لانه تذكرن بوه وادعيلوه
الله يطول بعمرك يابو خالد ويرزقك
ابو فارس
ابو فارس تبيه تلقاه عند الدلال
ولا واقف يتشوف كاستن فاضيه ولا فنجالن فاضي
تلقاه يجيب هذا ويودي هذاك
ويناقش في كل الامور وهذا يدل على ثقافته
يحترم الجميع والجميع يحترمونه
انا كانت معرفتي بوه خفيفه لانه بالمضيف الاعلامي وانا ماعمري جيت الاعلامي
بس يوم عرفتوه اغليت هالمضيف وكل شوين مارن بوه
الله يبارك بالساعة اللي شفتوه به والله يرزقوه ويطول عمروه
فيصل اللويش
عاد هذا هو ملح هالمخيم
يالربع تسيف اذا ماشفتوه اتضايق
من اول يوم جينا بوه ليمار يهلي ويرحب
بس علّق على اسمي تقل مهو معجبوه
وهالحين صار غالين علي بالحيل وخصوصا عقب وقعت الدباب
هذا من غير سوالفوه وقصايدوه اللي يونسن اللي مايتونس
وخصوصا سالفت ( يسلمو )
ابو طلال هذا مكسب لهالمضايف هو و باقي الاخوان
الله يكثر من امثالوه ويرزقوه ويشفي يدوه ويصلح ساعتوه
محمد العربي
رجل هادئ
وشاعر كبير بس للاسف ماسمعت شين من قصايدوه
الا تسان هو قاصدن وانا لاهين بتغسيل الكاسات
بس الحمد لله اني تشرفت بمعرفتوه ومواجهتوه
وللاسف بعد مامسكت عليه شين
الله يخليه لاهلوه ويطول بعمروه ويرزقوه
شمالي
امام المخيم دايم يضحك ( نوبن اراعيلوه ليمار يضحك واشك بروحي )
حبيب مزوح ومرح
يحب يناقش في اي شي
ونشب بينوه هو والشباب نقاش حاد عن كيفية الجمع والقصر
هو وابو فارس على ابو سلطان وابو طلال واللي معهم
ليما استسلم ابو سلطان وقال مادري عن شين
شمالي كان مسوي حركه ووناسه بيننا واح والله يستر عليه
بس اهم شين اننا شفناه وسلمنا عليه
الله يجزاه خير ويخليه ويطول عمره
سويلم الشمري
كل الهدوء الا يقهرن بسكوته
بس ليا منوه قصد ارتجفت وذليت منوه
انا ما اعرف بالشعر بس من اهتمام الاخوان الشعار بقصيدوه احس انوه مصيبه بالقصيد
ما شاء الله عليه .
واهم شي اني تشرفت بالتعرف على الاخ سويلم
وسمعت قصيدوه العذب
الله يهنيه ولا يعنّيه ويوفقوه ويرزقوه
راعي الوقيد
هالمشرف المميز من اول مادخليت المخيم ولياوالله هو متمركين على جال النار
ليمار اسمن على مسمى .
لا وازيدكم من الشعر بيت يوم جاء السامري ليمار هذا هو يروج بينهم
والعرضه كذالك والدحه بعد . الوكاد ان ابو فيصل ممتع بكل مافيه
حتى الفصفص اللي مالين مخباااااه يسوى عرب
ولي الشرف اني واجهتوه وجلست معوه
والله يوفقوه ويرفق قدروه ويخليه
فهد الغاطي
انسان هادئ
جاء وجلس ولا طول وكان همه الوحيد انه يسلم على اخوانه
بيض الله وجهه وهالشي يدل على انه رجل
بس ياليت الايام تجمعنا بوه نوبتن اخرى
الله يسعده ويوسع له ويرزقه
اخو سعدى
دكتور المضايف من يوم جاء ليما راح الله العالم انوه ماقال شين
ولا انا غلطان يالربع
بس فيه موقف صار وشد انتباهي
وهو اننا يوم كنا بالسامري ليمار هالحس عندي ولهو غريب
ويوم راعيت ليمار هذا اخو سعدى مع العلم انه المرة الاولى اللي يشارك به بالسامري
وهالشي يدل انه كان بقمت الوناسه مثله مثل باقي الاخوان
والشي الاخر اللي يؤكد وجوده معنا ضحكه على اي شين يصير
فالله يفتحه بوجهه وين ما راح ويطول بعمروه
الوبيري
كان دايم موجود لكن قليل المشاركه بالحوارات الساخنه
ودايم مع الجلسات الهادئه
وهو من اول الموجودين واخر المغادرين
انسان تشوف بياض القلب فيه واضح
لي الشرف اني قابلت هالرجل المميز والمثالي
الله يجعل دربه خضر وين ماراح والله يطول بعمروه
الغازي
هالوليده قمه بالكوميديا وهو صاحب فكرة الخطبه اللي الربع للحين يضحكون منه
ودايم تلقاه متدورعن بفروتوه والفجوووور وهو قاعد
ومن يقوم لياهو يتخطف ذبان وجهوه ويدور الشر
وباول صبح واللي هو صبح الخميس طرحن هو واليم لاني جيت اقومهم من النوم
بس هين والله ماخليه لك يالغازي
الغازي هذا يشرف القاع اللي يمشي عليه
حبوب ونضيف قلب
الله يبارك فيه ويطول بعمروه ويخليه لاهلوه ولا يضروه
اليم
هذا عاد رفيق الغازي بطرحتي
انسان بس يضحك ويجيد تقليد الاخوه العراقيين باللباس
مهو حق الغاز وبس هذا مصور صحفي
كاميرتوه بس بيديتوه ويصور هذا ويلغش هذاك
وهو اللي قردنا وودانا للدبابات وكان صاحب مؤامره لسرقة الدفتر اللي معي
بس فشلة هالخطه
الاخ اليم رائع بكل ماتحمله هالكلمه من معنى
الله يوفقه دنيا واخره والله يعطيه ويرضيه
عايش العنزي
انسان رائع مثقف مرح شاعر
لي الشرف اني عرفته وعرفه يشرف
بالبدايه كان نشيط وفي يوم الخميس ماشفناه الا قليل
وذلك يعود لان الشبث سهروه ليما جاء الصبح
ونام متأخر وكل يوموه نوووووم ويوم جاء بالليل قام وليا عليه طرف زكمه
وراح ولا حضر السامري والدحه وهو من المطالبين بهن
الله يوفقه ويستر عليه ويرزقه
فهد المويهي
شاعرنا من الكويت
والله يالربع من شفت هالادمي دخل بقلبي
ويازين قصيدتن قاله بس ماني حافظن منه شين ولاني حافظن عنوانه
بس والله ياقال كلااااااااااام يخرع من زينه
وكل ما اشوف هالادمي ولا يضحك
ماشاء الله عليه
الله يوفقه بدراسته والله ينوله مراده
محارش
شيخ الفله وشيخ بالمخيم وشيخ وين ماراح
بس جلستوه عندك تسوى عرب
وبالسامري جاب من هالسامريات ليما عجس
طبعا مايستغني عن الشماغ العراقي ( ابيض واسود )
ولا يحب يسبب ازعاج ولا لوه بالمناقشات اللي تصير
ويسوي روحه مايعرف شين وهو يعرف اللي حدر القاع
بس بصراحه الطلعة اللي به محارش هي الطلعه
ولي الشرف اني واجهت انسان كبير بحجم محارش
الله يطول بعمروه ويخليه ويرزقه
ابن جشعم
مثالي بكل ماتحمله هالكلمه من معنى
ومن شابه اخاه فما ظلم
صحيح اننا ما استانسنا معه كثير لظرف صارله بس لحظه معه تسوى عرب
يجيبلك الوناسه وهو جالس بدون كلام وشلون اذا تكلم
الله يبارك بالساعة اللي عرفتوه به
والله يطول بعمروه ويسعدوه ويرزقوه
بركات الشمري
الشاعر الكبير
دايم خناق معالزقرت وليا قالو يمين قال يسار
وبس يضحك ( ياعله دايم ) وبكل موضوع يشارك
وباول يوم تقابلت معوه بالورقه والله يجزاه خير فوزن عليهم
ليما عاد جبت العيد واطلعته
وكل شوين يوصيني على الفضايح ويقول لا تطلع شين منهن
والله حق اني ماقصرت معه ولا طلعت من فضايحه شين
مع العلم انهم ......
ولا خلوه تولي
تشرفت بمعرفت شاعرنا الكبير ومواجهته
الله يبارك فيه ويطول عمره ويجزاه خير
سرحان
عاد هذا هو ابو كاميره صحيح
وكل شوين وهو رايح ولا ندري وين يروح حتى الامراحه مايمرحه معنا
وباول ليله بغى يكفخ السوداني حارس المخيم مار الله ستر
يسوى قبيله بس ودك تحتسي معه
وجلست وتكلمت معه وكان انسان مختلف ومثقف وفاهم
وسوالفه ماينملن بس الله يقطع ابليسه السوداني طفا النور علينا
وخربت الجلسه وهد عليه سرحان
تشرفت بمقابلته ومعرفته
الله يطول عمره ويسهل دربه وين ماراح ويرزقه
بشير اللويش
الشاعر المتميز
حتى بسوالفه متميز
بس هكا اليوم زعل علي لاني فزت عليه بالورقه
وبغا يصفقن مار طلبوه الربع وهون
وفيه سويلفاتن وعدن يعلمن بهن مار ماش ماقالي عنهن
وابيه هالحين ينزلهن على شكل موضوع لحاله
بصراحه غير اللي توقعته
اول احسبه مايضحك ولا يسولف
طلع ورده ولا فيه احسن من سوالفه
بارك الله بالساعة الحلوه اللي جمعتن بوه
والله يخليه لعينن ترجيه ويطول بعمروه ويهنيه
متخلف بكيفي
ياربي سترك يهالادمي بس طاير
تسيف جانا المغرب وجلس ربع ساعه ومشى
ولا امدانا نسولف معه ولا نشوفه
بس والله انا وياه طحنا موقف محرج وهو اسامينا اللي مثل وجيهنا
واتمنى اجتمع معه وهو مهدي شوين
الله يطول بعمره ويرزقه ويخليه
المخاوي
شاعر الفله
وهالادمي من اكثر الشباب اللي تمنيت اشوفهم لانه بس يضحك
وفعلا طلع مثل ماهو بس يضحك ومستانس
ومن يوم جاء وانا بس اراعيلوه تقل متهول هذا المخاوي اللي بس يضحك
الله يديم هالضحكه عليه
لا ويم جاء السامري لياهو يتنطط بينهم ( حلوك زول )
لي الشرف يوم عرفته وواجهته
الله يطول بعمره ويرزقه
قاسي الباس
الشاعر اللي بس يضحك
وهالادمي مشى من الرياض للخفجي وسرا من الخفجي عقب المخيم للكويت
انا مادري هو راعي خطوط ولا القصايد الزينه اللي معه ماتجي الا بالخط
وتسيف يالربع اول ماشفتوه قمت اضحك معوه ويوم شفتوه يتناقر مع الشعار ذليت منوه
وقمت اتجنبوه
بس ماش عفسن بالورقه وطلعن انا والمويهي وللحين وانا حاقدن عليه
بس اهم شين اني واجهتوه وتشرفت بمعرفتوه
والله يوفقه ويطول بعمره
الكاسب
حتى الكاسب منجن مع الشباب ولابسن شماغ عراقي
وبوقت المخيم كان مخيم مع خوياه بالسفانيه
بس تركهم وجاء علشان يشوف خوياه ويسلم عليهم
ومن الشباب اللي ماينامون الا الصبح
وليا جاء بالليل اطربهم بكم قصيده
الله يخليه لاهله ويطول بعمره
ميزان
من الاعضاء اللي قليله مشاركتهم
بس والله انه وليده ولا اشوفه الا والدله بيده ولا البيدز
ويوم السامري وليا الطار بيده
واتمنى مقابلته مره ثانيه لانه رجل بكل ماتعنيه هالكلمه
الله يرزقه وينوله مراده
المهيني
مشرف ذوي الاحتياجات الخاصه
ويستاهل هالمنصب
وانتم لو انتم شايفين وشلون يدافع عن مضيفه هكا اليوم تسان تقولون زيي
حبوب ويشارك بكل موضوع
وتروه شاعر مار عندكم ياه وخلوه يطلع من هالدفين
نشيط ونبن تشوفه يجيب الحطب ونوبن يضبط الدله ونوبن يغسل الكاسات والفناجيل
الله يطول بعمروه ويخليه ويرزقه
الغثه
انتم لو تشوفون هالادمي تسان تحلفون انوه مهو الغثه
تسيف بس ساكت ولا يحتسي ليما تنشدوه
وعلى مايقولون الربع انوه ماياخذ من اسموه شي يعني هو بجهه والمغثه بجهه
ويوم مشى ليلة الجمعه نسيت ملابسي معوه انا وشنقل
مار اشوى نزلهن عند يماني على الخط ومرينا وخذيناهن
رجل قطع اكثر من 1500 كيلو علشان يسلم على اخوانه
الله يطول بعمره ويخليه لاهله
شنقل
العشير الموالي
وهذا بعد يوم شافوه الشباب ماصدقوا انه شنقل
بس ساكت ولا يحتسي تقل نازلن عليه وحي
بس انا اعرفوه يشوف هاللي ساكتين ويقلدهم ولا هو مجنون ويجنن بلد
اعرفوه منذ مبطي
طيب وحبوب ويدش القلوب
الله يخليه لنا ويطول بعمره ويرزقه
ابن فاران و روز خان
للاسف ما تشرفت بمواجهتهم
وهم جو وانا نويم ومشو بساااع ولا ابطو
والله يجمعنا بهم عن قريب
والله يستر عليهم ويوفقهم
الشبث
شبيثان طويل الاذان
واستروا ما واجهتوا
وتقلدوا تحيتي[/align]
رد مع اقتباس
[/لوحة]
[/align]
المفضلات