ثامن رحلة هودجيّة مع الدهور

[الجازي]

[align=center]

(( مريم )) و انا من الصبح اقول من تقصد بمريمنا و جا على بالي قلت يمكن مجمج اسمها مريم
و أخيرا فهمت ،، لكنك قربتي من الإجابة و إن لم تصيبي الهدف

اختنا سارا الرياض قالت مريم ,, ومادام انه طلع غلط ,, وش رايك بـ ((البتول ))

<<<<<<<<<< وحدة ضاع وقتها وهي تفكر بالاسم

الدهور ,, شرفتي الهودج ولو إني مدري وشلون عرفتي تركبينه وانتي حامل

دهورة ,,

- أول ماشاركتي في المضايف كنتي شعلة نشاط في مضيف الفصيح ,, لكن الفترة الأخيرة صرنا مانشوفك إلا في المناسبات ,, هل السبب في المضيف نفسه أو عندك أسباب ثانية ؟؟

- لو فكرتي في زيارة سريعة للرياض ,, تتوقعين عندك استعداد تواعديني عشان نتعرف على بعض أكثر أو بتصيرين مثل بنات الرياض ماطاعوا يتجمعون الله يخلف ؟؟ والله لو تسوينها كان يزيد غلاك عندي

- في أي وقت بالتحديد تحسين إنك مستعدة لكتابة قصيدة ,, أو هذا يعتمد على حسب الظروف اللي تدفعك لكتابتها ؟؟

الدهور ترى اللي فوق كله على بالي أسئلة بس شكلها طلعت سواليف

كان الله بعونك في هالرحلة واذا تبين فزعة تراني ماأقصر >>> راعية فزعات

يسلمو مجمج على استضافة الدهور ,, وحيا الله تماضر رفيقة دربي في مطبخي [/align]

[مجموعة إنسان]

[align=center]
8
8
8


اخخخخخخخخخخخ بس

نسيت أتهمك وانتِ مسجونه وآخذ النجومية ريّووومه


[لوحة]تراك متّهمه انك أكبر حرووووش بالمضايف [/لوحة]


ماينقال لك شئ نهائي


...



دهّورتنا الغاليه :


1- وظيفتك ؟؟

2- طبخة تتقنينها ؟؟ ويحبون ياكلونها من يدينك ؟؟

3- طبخة تشيلين همّها لأنك تستصعبينها ويمكن ماتضبط معك ؟؟

4- إعترفي لنا 3 إعترافات حالاً بالاً ؟

5- وش أسوأ شئ بالإشراف على الديوان ؟؟ ووش أحلى شئ فيه ؟؟

6- سبق لك وزرتي السعودية أو لا ؟؟ وأي مناطقها زرتي ؟؟

7- وش زرتي من دول العالم ؟؟ ووش تتمنين تزورين منهم ؟؟

8- شخصية معروفة تعجبك مرّة ( من ناحية الفكر وبناء الشخصية ) رجل ؟؟

9- تسوقين سيارة ؟؟؟ إذا تسوقين ( وش نوع سيارتك ) ؟؟؟

10 - نصيحة تقدمينها لمضيف الأسرة عندنا ؟؟


مشكورة ياذوووووق




شكري وتقديري لكل من يتابع الرحلة معنا ومن تشارك بها[/align].

[مجد]

[align=center]

السلااااااااام عليكم جميعاً ..

اعتذر عن التاخير
مجموعة انسان .. أختيارك موفق ..
الدهور .. هذه وردة هدية مني لك



استلمي اسئلتي ..
س1/
س2/
:0026:
ماعندي اسئلة بصراحة ..
بس جيت أسلم عليك ..

وجيت اسأل ..
لما قرأت استمارة الهودج
وجدت اسمي ..
وشوله قلت أنك بتسألين عن قيمة هاتفي الثابت ؟!



أقدع سلااام للصبايا
أختكم المجد


[/align]

[بتول آل علي]

[align=center]
ريوووومه

أفا عليج احنا فدا الشطانة و أهلها

و السموحه على التأخير في الرد بسبب بعض الظروف

و نبدأ بالأسئلة الله يعين :s

1- لماذا أخترتي اسم الدهور ؟!! وهل لديك نيه لتغييره ؟؟!!

الدهور لازمني من أول منتدى سجلت فيه ،، و كذا جا على بالي من غير مقدمات و حبيته لأن مافي منه اثنين
أما نية لتغييره ،،، ما أعتقد ،، معجبني الاسم و فيه ريحة من تخصصي

2- بكلمات تحددينها أنت بالطبع وأقترح أن تكون مختصرة ....
من هي الدهور ؟!!

وحده حالي حالكم

3- فلا يغرك أبد طيبي ولا احساسي ولاليني
لأني شامخ قلبي ..جبل ماهزه الإعصار
هل تتحدث الدهور عن نفسها هنا!!

نعم هنا تتحدث الدهور عن نفسها

4- نتيجة لتجربتك هل ترين ان التعامل
مع الرجل من المسائل المعقده والصعبه
او انك توصلتي لسر (الطبخه ) :b:

والله التعامل مع رجل غريب غير عنه لما يكون رجل قريب و غير عنه لما يكون زوج و إلى الآن لم أجد صعوبة تذكر في التعامل مع الرجل و لله الحمد

5- وينك عن مضيف الاهداءات يابنت
8
8
تهديد مو سؤال

هههه و الله تبغين الصراحه اشقّر عليه بين فترة و فترة يعني مو مهملتنه

6- هل دمعتك قريبه ؟!!! ام ابتسامتك اقرب ؟!!

الاثنين على حد سواء

7- هل زرتي الرياض ؟؟!! واذا كان الجواب لا فهل عندك نيه للزياره ؟!!

لا والله ما حصلي الشرف ،، أما نية للزيارة خلينا نروح مكه أول

8- من اقرب لك والدك ام والدتك ؟!! اختك ام اخوك ؟!!

شيء طبيعي الأم تكون أقرب لابنتها من الأب وإن كان لا يمنع أن يكون هناك آباء أقرب لبناتهم من أمهاتهم و لكن قله و أنا من النوع الأول
أما أخوتي فهم على السواء ..!!

9- دهوره مين من بنات المضايف ترتاحين لهم وتغلينهم غيري طبعا

يعني يا ريومة ما تبغين اجابة دبلوماسية .. يعني تبغيني أحدد اسم اسم ،، فبدل ما أحط لستة الأسماء كلها خليني أقول كلكم أحسن

10- مين من اعضاء المضايف تعتبرينهم بمثابة اخوان لك

والله ماهي إجابة دبلوماسية بس فعلا الكل بلا استثناء

11 - متى عرفتي المضايف وكيف عرفتيها ؟!

بالصدفة وأنا أدور في الجوجل عن تأكيد لخبر وفاة طلال الرشيد الله يرحمه و شوفي تاريخ التسجيل و بتعرفين متى عرفتها

12- اي الصفات التاليه تعتبرينها من صفاتك وايها بعيده عنك؟!

الهدؤ : قريب جدا
الصبر : قريب
العصبيه : قريبة بعد
سرعة البديهه : يعتمد على حسب المزاج
النسيان : قريب :s
الكسل : بعيد
الشجاعه : ما جربتها للحين
الحنان : ضروري ،، نقربه حتى لو بعيد

13- هل هناك قصيده او خاطره قرأتيهاا فترجمت إحساسك ومشاعرك لدرجه انك تمنيتِ لو كنتِ انتِ قائلتها ؟؟

والله كثير أشياء حلوه لكن ما أعتقد إني قريت شي تمنيت أن أكون قائلته ،، فأنا أحب أن تكون أفكاري لم تخطر على بال شخص سابقا

14- سؤال غبي >>>>>(هل تحبين الاطفال؟! )

إجابة أغبى ،، في سن الطفولة بس

15- معك الان خمس الاف ريال
ولازم تصرفينها خلال يومين وتعطينها لطرف واحد فقط
بدون تقسيم

1- متسول في الشارع
2- احداقربائك
3- جمعية خيريه
4- تتسوقين
5- تشترين كمبيوتر جديد
6- هديه لعزيز
7- ترمينها بالبحر

يا أختي فلوسي و أقسمها براحتي ،، مين هذا اللي يجبرني أصرفها بدون تقسيم ؟؟؟


ريووومة يعني ما سدج أسئلة الفارسات الثلاث جاية هنا تهرينا زيادة ؟؟؟

أفااا عليج عزيزة و غالية و احنا في الخدمة و أسئلتج على عيني و راسي و تسلمين يالغالية


الدهور[/align]

[بتول آل علي]

[align=center]

[align=center]قلمها قريب الى نفسي كثير
مبدعه 00 احرص على قراءة القديم والجديد لها
اشعر ان قلمها على صلة وثيقه بقلمي
هذا احساسي 00

كل الشكر لكم على هذه الرحله الرائعه
مع الابداع والتفوق 00

رحلة الدهور وعذب الزهور

ولها هذه مني 00

اختكم 00المهره[/align]

غاليتي المهره

أشكركِ على مشاعركِ النبيلة

و فقط مجرد تفكيركِ بتقارب أحاسيسنا لهو شرف عظيم لي

شكرا من القلب و أتمنى أن أكون دائما عند حسن الظن

أرق تحية

الدهور[/align]

[بتول آل علي]

[align=center]
تماضر الحبيبة

يوم اني شفت اختي الدهور بالهودج قلت لازم اطل على خواتي

والله إطلالة القمر يالغالية ،، تسلمين و الله لا يحرمنا هالتواجد العذب دوووم

س1: من هو قدوتك في الحياة ؟

كل ابن آدم خطّاء و قدوتي الفعل الحَسن قبل أن يكون الفاعل

س2: متى بدأت الشعر ؟

هو من بدأني تقدرين تقولين من خمس سنين بدأت اتقنه ولا قبل ما نقدر نسميه شعر

س3: هل الشعر موهبة ام وراثة ؟

موهبة أكثر منه وراثة

س4: ماهو دور الوظيفة في حياتك ؟

للحين على قائمة الانتظار

س5: هل تشاركين في المواقع الاخرى بنفس الاسم ام اسم اخر ؟

أغلبها بنفس الاسم ،،


ألف شكر بمرورك و أرق تحية لقلبك

الدهور[/align]

[بتول آل علي]

[align=center]
يا هلا و الله بالرماااانه للمرة الثانية

اختنا سارا الرياض قالت مريم ,, ومادام انه طلع غلط ,, وش رايك بـ ((البتول ))
<<<<<<<<<< وحدة ضاع وقتها وهي تفكر بالاسم

>>>> هههههههه ما ضاع وقتج سدى

الدهور ,, شرفتي الهودج ولو إني مدري وشلون عرفتي تركبينه وانتي حامل

لا تحاتين ،، ركبت هودج فاضي بدون ناقة

- أول ماشاركتي في المضايف كنتي شعلة نشاط في مضيف الفصيح ,, لكن الفترة الأخيرة صرنا مانشوفك إلا في المناسبات ,, هل السبب في المضيف نفسه أو عندك أسباب ثانية ؟؟

المضيف الفصيح صاير مضيف تعليمي وهذا شي إجابي يعني لا تفهمين إنه سلبي و لكنه يحتاج شخص متفرغ و وقت و رواااااااقه و شي ثاني أحيانا يكون مزاجي فصيح تلقيني مرابطة فيه و غالبا نبطي و تشوفيني مرتزة فيه و مؤخرا صاير مزاجي مطبخي مثل ما تلاحظين و أحيان مزاجي ضحك و سوالف و ما انقلع من الفله يعني كل شي يعتمد على المزاج ،، مدلعينه ع الأخير

- لو فكرتي في زيارة سريعة للرياض ,, تتوقعين عندك استعداد تواعديني عشان نتعرف على بعض أكثر أو بتصيرين مثل بنات الرياض ماطاعوا يتجمعون الله يخلف ؟؟ والله لو تسوينها كان يزيد غلاك عندي

الله يا الرمااانه أنا لو أجي الرياض و حايل ألف عليكم وحده وحده
تصدقين منزمان أفكر في هالشي بس ما فكرت أحققه للحين بصراحه لأن الوقت ما يساعد أبد بس لو حصل بتشوفيني أعزم عمري من دون عزيمة حتى >>> رزة فيس

- في أي وقت بالتحديد تحسين إنك مستعدة لكتابة قصيدة ,, أو هذا يعتمد على حسب الظروف اللي تدفعك لكتابتها ؟؟

الظروف تلعب دور و المذكور أعلاه ((المزاج)) يلعب دور أكبر

الدهور ترى اللي فوق كله على بالي أسئلة بس شكلها طلعت سواليف

أفاااا عليج و إيش هي الأسئلة غير سواليف ؟؟؟؟؟


تسلمين حبيبتي و مااا تقصرين و ألف ألف شكــــر يا سُكّرة

الدهور[/align]

[بتول آل علي]

[align=center]
بسم الله و الله أكبر
>>> عندها ذبيحة البنت

مجمج

1- وظيفتك ؟؟

عاطلة :s

2- طبخة تتقنينها ؟؟ ويحبون ياكلونها من يدينك ؟؟

ما أتقن شي لأني من كم شهر بس فكرت أدخل المطبخ

3- طبخة تشيلين همّها لأنك تستصعبينها ويمكن ماتضبط معك ؟؟

ههههههههههه كل ما يخطر على بالك

4- إعترفي لنا 3 إعترافات حالاً بالاً ؟

>>> يمّه خافت
ما شاء الله عليكم ما خليتوا شي أعترفلكم فيه
جبتوا العيد و ما وراه

5- وش أسوأ شئ بالإشراف على الديوان ؟؟ ووش أحلى شئ فيه ؟؟

أسوأ شي إن الشعراء مو متساعدين و القصايد إذا ما ضفتها بنفسي محد راح يضيفها ،،،
و أحلى شي ... إحساسك إنك أنجزتي شي

6- سبق لك وزرتي السعودية أو لا ؟؟ وأي مناطقها زرتي ؟؟

لا للأسف ما حصلي الشرف

7- وش زرتي من دول العالم ؟؟ ووش تتمنين تزورين منهم ؟؟

زرت لندن و قطر و أنا صغيرة مرة ما أتذكرهم ،، و باريس بشهر قصدي اسبوع العسل ... و بس الحمدلله و الشكر

8- شخصية معروفة تعجبك مرّة ( من ناحية الفكر وبناء الشخصية ) رجل ؟؟

للحين ما لقيت شخص معين

9- تسوقين سيارة ؟؟؟ إذا تسوقين ( وش نوع سيارتك ) ؟؟؟

لا ما أسوق لأني أخاف أصلا بس لأن زوجي معارض إني أسوق قمت أحن على راسه عشان يوافق >>> تحب لعناد

10 - نصيحة تقدمينها لمضيف الأسرة عندنا ؟؟

أعتقد أن استضافة شخصيات بارزة كأطباء النفس أو مشرفين اجتماعيين أو غيرهم من ذوي التخصص في الشؤون الاسرية و الاجتماعية و شؤون المرأة و الطفل سيكون شيء جميل و إضافة مميزة للمضيف


ألف شكر لكِ عزيزتي مجموعة إنسان
و بصراحة وجودك في مضيف الأسرة بشكل خاص و المضايف بشكل عام لهو أكبر غنيمة

شكرا من الأعماق
الدهور[/align]

[بتول آل علي]

[align=center]الغااالية مجد


وعليكم السلام و رحمة الله و بركااااته

يا هلاااا بالنوووور ،، تسلمين يالغالية على الورده

ما نقدر على أهل الذوق يا ناااس

بصراحة تشرفنا بهذا المرور و الله لا يحرمنا منه

بالنسبة للسؤال ،،،

وشوله قلت أنك بتسألين عن قيمة هاتفي الثابت ؟!

أبدااا يالغالية ،، السبب مذكور في الاستمارة نفسها

و هو ... (( بس شفايه ))

بصراحة حيرتنا مجمج بسؤالها و قلت أحط أي اسم و كنتي انتي على بالي

و هذا كل شي ،، بس ما اعطيتينا جواب السؤال



مرة ثانية تسلمين و الله لا يحرمنا من تواجدك معانا

الدهور[/align]

[مجموعة إنسان]

.
[align=center]7
7

8
8

دهور الغاليه

عزالله إنك ماقصّرتي

وافيه

نشكرك جميعنا لهذه الرحله الممتعه

وصحيح إننا كثّرنا عليك الأسئله

لكن إنتِ ماشاء الله عليك

فلته

هنا

وهنا فقط

تُنـيخ غاليتنا الدهور راحلتها

في مناخ الرحلات الهودجيه

لتعلن لنا عن انتهاء الرحله

شكرا لها ولكل من شارك أو تابع

دمتم بخير[/align]
.