اخبار الفقع من الخفجي بالصور

[ابو فارس]

السلام عليكم
كلنا الخفجي ولاعنك يالخفجي صدود

بالامس وهو الخميس اول ايام السنة الهجرية
طلعت بالبر الى منطقة نملان 50 كم من الخفجي
واخذت لكم صور من البر
ثم بحثت عن الفقع وبصراحةماحصلت شئ مع انه يذكرونه بالمنطقة هذه
على العموم رجعت ومريت على غابة ارامكو
وهي منطقة على البحر تم حمياتها وجعلت منطقة محمية وتم تشجيرها
من قبل شركة ارامكو بالخفجي
وتسللت الى المنطقة مثل كثير من الناس وحصلت بحمد الله بعض الفقع
طبعا ماطولت كثير حوالي ساعة
واترككم مع الصور
فقع ( 1 )

فقع ( 2 )

فقع ( 3 )

فقع ( 4 )

منطقة نملان ( 1 )

منطقة نملان ( 2)

هذه صور مختلفة لبعض النباتات وفراشة وفقع



وكلنا الخفجي
ودمت بخير جميعا

[الاصمعي]

[align=center]
ما شاء الله تبارك الله

كل هالزين بالخفجي

بشّر عسى يوجد بالسوق بيع[/align]
[align=center]
[لوحة3]تسلم يبو فارش على هالصور الي تشرح الصدر[/لوحة3][/align]

[المشرف العام]

ماشاء الله . .

اجل فقع الخفجي ينبت بدون جرّيد

وأنا ادوّر حول المخيّم جرّيد


خبر جميل ، بس الظاهر اننا ما نلحّق على شين مادام الخبر انتشر


تسلم اخي ابو فارس على هذه التغطيه المصوّر الجميله


لاهنت

[فيصل اللويش]

[align=center]تسلم يابوفارس

كل هذا بالخفجي ومادرينا


الا الخفجي وينها

لايكون خفجينا يالربع اللي انا ساكن بها



فيصل اللويش[/align]

[المطنوخ]

[align=center]ياماشالله تبارك الرحمن

والله يوم تشوف الصور عدك تشم ريحته

الله يونسك بالعافيه يابوفارس على هالصور والاخبار الطيبه[/align]

[ابو خليف]

[align=center]الله يعطيك العافيه

يابو فارس

بس بالله ابي وصف مكان الغابه هذي بالظبط وينه

وشكرا مقدمنااااااااا[/align]

[الأدهم]

مشكوووووووووووووور
علي الصور
ويعطيك العافيه

[سنجار]

يعطيك العافيه

ابو فارس على هذه المعلومات وهذه الصور اللي تشرح الصدر

بس أن شاء الله الدخول لهذه المحميه مسموح

ان كان كذا بكرى ان شاء الله من الصبح وحنا هناك

[الغثه]

[align=center]يملا العافيه يابو فارس


اجل وش رايكم نخيم مرتن ثانيه بالخفجي وش قلتوا




ابي اروح للخفجي


الغثه[/align]

[ابو فارس]

هلا اخوي الاصمعي
سمعت بصراحة على حدود عرعر مع بعض الناس يقولون الكيلو بـ1300
وش رايك نسير لهم؟
---------------
المشرف العام
ومن قال سالم
ايه فقعنا ديجتل مايعترف بالجريد
-------------------
ابو طلال لاتسولف معي انت
دق علي وخلنا نتمشى هناك
-------------
المطنوخ وصدرك يارب
وتسلم على المرور
---------------
اخوي ذيب شراف
طق المشوار لين تضرب مطبات نقطة التفتيش ثم بحر(يعني ناظر) يمينك تحصل الغابة
بس عاد مو غابة غابة يعني هاه
---------------
اخوي الادهم
هلا وغلا فيك
----------
هلا باخوي سنجار
الدخول لاهو مسموح ولاهو ممنوع
الناس كلها تدخل بس ماهو بطريقة سليمة مية المية
لكن الى الان ماردوا احد
تشرفنا ليا جيت
------------
هلا اخوي الغثة
جيتك لحالها مخيم بحاله
هلا فيك وغلا
دمتم جميعا