بسم الله الرحمن الرحيم
بندر الأسطورة :
شاعر مميز .. و شاعر فريد .. قل أن تشهد أرض الجزيرة مثله...
قبل ان نبدى اشكر بأسمكم من قام بهذا المجهود العضيم
الموضوع طويل نبدى با هاذه النبذه وللموضوع بقيه
لماذا قلنا عنه انه أسطوري ؟
لأنه في الواقع ، ملأ الدنيا و شغل الناس . و اختلف الناس حوله اختلافا كبيرا . و تناقلوا عنه الروايات الكثيرة، فيما يتعلق بموته و حياته و ميلاده و حياته و دراسته و تعليمه.
فلكل شخص رواية، و لكل شخص عنه انطباع.
مابي أطوّل عليكم، لأني مهما تكلمت عن بندر فلن أوفيه حقه، بل سأترك شعره يتكلم نيابة عنه.
فمن هو بندر بن سرور؟
هو بندر بن سرور بن خضير القسامي العتيبي.
من مواليد القرارة أحدى توابع منطقة الدوادمي
ولد في عام الف و ثلا ث مية و ستين هجري، في سنة عرفت بربيع ربلان
نترك بندر يصف نفسه بنفسه . يقول :
ماني وانا بندر براعٍ ولد راع ... انا الحصان اللي طوالٍ حباله
إبن سلايل خير من شالت القاع ... المصطفى الهادي وديع الرسالة
ماني وانا بندر ببيّاع دمه ... يقطعك يا بياع دمه و مهفيه
اللي يبيّع لابسات الأزمه .. ثورن يبي بيض العماهيج تغنيه
ماني وانا بندر بهيسن ولد هيس ...... هيسٍ يدنع عند حرمة قصيره
ليا بغيت اجلس ترى لي مجاليس ... وليا بغيت انهج دروبي عسيرة
ماني وانا بندر بهيتٍ ولد هيت ... ........هيت مقابل خمّةٍ يكرهونه
من كثر ما جرّبت وأقبلت و أقفيت ... قولة هلا من لا يودّك مهونة
ماني وانا بندر على درب الأنجاس ...... اللي قريبٍ تفلها من لحاها
أنا بدرب الصيرمي عدم الأجناس ... زيزوم روق ليا تنصّت عداها
ماني وانا بندر بنصّاي جابان ........ شوخ الجموش مناقرين الحليلة
ليا صار لي لازم نصيت ابو فيحان ... شيخ الشيوخ مكمّلين الجميلة
عاش بندر رحمه الله طفولة فيها من القسوة الشيء الكثير . فبعد وفاة والده تزوجت والدته رجلا اخر و انتقلت للعيش معه.
انتقل بندر للعيش مع أمه و زوجها في رواية، و جلس عند عمه اخو ابوه في رواية اخرى, ولكنها-على كل حال- حياة افتقدت لحنان الاب و احتوت على ما تحتوي عليه حياة البادية عادة من قسوة و ترحال خلف الماء و الكلأ. لكن هذا لم يمنع بندر من قول الشعر , و لم يمنع الموهبة الشعرية من التفجر ابداعا على شفاه هذا الاسطورة:
صوتي وانا بندر طويل ليا بان ... إن ما خشيت الرب ويش اختشي له
ما ينرمي قولن على غير نيشان ..... و من لا يثبّت حجته ويش هي له
درس بندر الابتدائية , و قالوا انه اخذ المتوسطة , ثم بدا بالبحث عن وظيفة , و لقى وظيفة في الجيش السعودي و توظف فيها, و أرسلوه للكويت على أيام حصار عبدالكريم قاسم لها , و تدرج في الرتب لين وصل لرتبة رقيب في الجيش الكويتي.
و قد أثرت هذه المرحلة العملية على حياة بندر بن سرور الشاعر , و بندر بن سرور الإنسان. استفاد من احتكاكه بالاجانب هناك و عرف شوي انقليزي , و لعلنا سنلاحظ بعض الكلمات الاجنبية في شعره , و حتى بعض الكلمات المستخدمة في الكويت, و سنشير لها في موضعها.
يقول بندر في قصيدة لأحد دائنيه :
الدين واجد و الوظايف تعيسة ... و العسكرية خلت الراس شايب
ولكن هذا الدين , و الشيب اللي بالراس من العسكرية , ما منعه لا يقول هالقصيدة اللي تعتبر من احدى قصائد الاعتزاز بالنفس و الحكمة, اللي نبي نفرد لها بحث كامل :
أنا الذي ما ابدي على الناس سرّي
من خوف سودان الوجيه تحكي به
أصبر على ظيم الدهـر و التعـرّي
من شان من يرضى عليّ الغليبـة
و ابعد مجالي عن عيـال التـزرّي
من لا هـوى قلبـي دواه المغيبـة
واخاف لي من مجلسٍ مـا يـذرّي
في جانبه بـومٍ حساسـه صليبـه
و سوالفٍ مابين بحـث و تحـرّي
يجرح فؤادي عيّـه و ابتلـي بـه
يرضيني المقسوم خيري و شـري
سبحان من لا تعلم النـاس غيبـه
أحدٍ علـى ربعـه يحـب التحـري
للشـر بـلاس و خيـره بجيـبـه
هذاك يالربـع انـا منـه متبـرّي
لو عضّني ناب الدهر ما انتخي بـه
من خوف يضحك لي و هو يستغرّي
يفتل حبال السّوْ مـا ينـدري بـه
يفـرح علـيّ بكـل شـيٍّ يمـرّي
و ان شاف يمّي خير عنّـي نهيبـه
وئف تـ ئهو :
قم سو فنجال ترى الشاي لبتون ... و الما الشريعة و الهوى مستهيدي
من الشوارد في شعره رحمه الله , هو تكرار كلمة معينة , أو جملة معينة في العديد من أبياته الشعرية
متفاوتة بين المدح و الفخر و النصح و الدعاء و الغزل . مثل ما مر معنا في أول الابيات, جملة " ماني و انا بندر " تكررت في ست قصايد , و مثلها العديد من القصايد و المقاطع اللي نبي نعرض لبعضها بإختصار.
مقطع " الله من عين " تكرر في بداية ثلاث قصايد :
الله من عينٍ ليا عسعس الليل ... عافت لذيذ النوم ما تهتني به
يا وين انا القى من يحب التعاليل ... يبدى بزين القول والا ابتدي به
الله من عينٍ تزايد صلفها ..... بيّن كداها بالعروق الصخيفة
كم واحد له حاجة ما صرفها ... يصد عن صرّافها لا يظيفه
الله من عينٍ طرقها صواديف .............. عميت و يبسن العروق الصخافي
شفت الوزا بالعين من عرض ما شيف ... شفته و غيري ما فطن له و شافي
أما مقطع " يا مل قلبن " تكرر في بداية قصيدتين الأولى في الحكمة و الثانية في الغزل
يا مل قلبن كل ما مات همه ... دارت دواليب الدهر لين تحييه
فرّاق شمل الناس عيّا يلمه ... وقتن يشيب الراس من شاية فيه
يا مل قلبن تلّه الود تلّي ............... تل الرشا من فوق ملحا جلاله
في غربها تسعين فري و مشلّي ... تجفل ليا سمعت ظريس المحالة
من واحدن طرق عليّه يهلّي ........ لحق بواقِ القلب مع ما جرى له
و اما " انا اللذي شفت الوزا " تكرر كثيرا , و أشهر المقاطع كانت في الحكمة :
أنا اللذي شفت الوزا ياسماعيل ... طاوعت نفسي لين شفت الغليبة
النفس طير و الخطايا محابيل ..... و الناس روّاي الحديث تحكي به
وانا الذي شفت الوزا يا سليمان ......... برد الشتا و القيظ اكلني لهيبه
مانيب اهين النفس لو كنت جيعان ... ما يدنع الا الكلب عقب انزي به
و لعل من اشهر الجمل , هي " يا سهيّف الذرعان " اللي مع " ماني و انا بندر " تكرروا بشكل أوضح من غيرها
يقول بندر في سهيف الذرعان متغزلا و واصفا فرته :
يا سهيف الذرعان انا منك مخطور ... مثلي و مثل اللي غدى له بديرة
فرتن مخيف و حدّه الحمل و الجور.. ... زاع أسود الما لين ولع انبيره
سهيف الذرعان متغزلا فيه و واصفا طيره:
يا سهيف الذرعان زين الدلالي ... قلبي تغير ما سمعتي صريره
صرير فرخٍ حده اقطم كحالي ... طقه مقافي ريش و اخلف مطيره
يا سهيف الذرعان ويلك من العار ... حتى أيش لو لعنت ماني بملعون
يستاهل اللعنات ثارٍ ولد ثار........ ... اللي ليا جا باخر الوقت ممهون
يا سهيّف الذرعان مافي وسواس ... لي حاجة بالعرش و أسعى وراها
اسجد لقادرها على غفلة الناس ............. أساله الجنة و نكمل عطاها
و للابيات هذي قصة سنتطرق اليها ان كان المقص ما ناشها:
يا سهيّف الذرعان مانيب مرجوج ... رجتني الايام غدرٍ و حيلة
يا بنت لولا الذي على تاسع الفوج ... لاترك نجد و عزوة بالقبيلة
يا سهيّف الذرعان لو قلت لا باس ... مانيب من يجري الخبيث بوريده
كم فرجةٍ من خوفها الراي ينحاس ........ على عيال البوم عسرٍ مديده
و الكلام عن سهيف الذرعان , يقودنا الى شعر بندر بن سرور الغزلي
اللي يتضمن بعض الاشارات الى الفرت و الوانيت. اللي أظنهم من متلازمات القصيدة لدى بندر بن سرور , كما كان الشعراء القدامى يبدأون قصائدهم بوصف مركوبهم , من جمال أو خيول , فإن بندر قد ابدع في هذا السياق.
ذكر بندر بن سرور رحمه الله في شعره الكثير من الأسماء , فـ من منيرة , و سارة , إلى ميثا و حصة . فهل شاعرنا حب كل هذولي ؟ و هو اللي تزوج مرة واحدة و فشل زواجه ؟؟ أم ان الأسامي هذي تمويه , لتغطي على الاسم الحقيقي كما هي عادة الشعراء.
ان كان ابو نورة قال لعيون سارة تشرق الشمس و تغيب , فـ بندر قال فيها:
عز الله اني عن هوى البيض تايب ... لكن ردتني على القول سارة
لا وا هني من لا طرت له عجايب ... و عيونها اللي للمهاوين إشارة
أما منيرة , قال فيها :
يا راكبين أكوار شيبن محاقيب ...... اللي عليهنّه من البعد غيره
ضد السلاح و ضد كل المناصيب ... ودّوا سلامي فوقهنّه منيرة
و ضيحة لها حقها بعد:
عز الله اني جزت عن كل ما اقول .. .لا شك ردتني على القول ضيحة
يا شيخة الخفرات من زين و دلول..... .. من مات من سبّتك ربه يبيحه
واذا كان محمد عبده جا ببنت النور , فإن بندر بن سرور سبقه بأمها :
يا بنت ياللي صوتوا لك بام النور ... نادوك يا ام النور و اسمك منيرة
لولا الجديل اللي على المتن منثور ... والا لريم الصيد صرتي خشيرة
و برضه منيرة :
اخذ القلم و اكتب يمين و شمالي.. ... ثم أطول التاريخ و اكتب منيرة
و اكتب ترى بالشرق مابه رجالي ... الا الحسد و مغامزن بالقصيرة
حصة:
على شان " حصّة " جعل يسقيهم الوبّال ... ليا عوّدت مالي و مال الحبردية
ميثا و الغرابي :
ياليتني سيّرت يم الغرابي ... من شان " ميثا " شوفها رحمة لي
ابو جديلٍ ماشطه بالخضابي... ... زوده على حد الردوف متدلّي
والعين عين اللي يويق الهضابي.. ... حرّ على كل الحرار متعلّي
و الخد بارق مستهل السحابي.. ... و كلامه أحلى من حليب المتلّي
يا زينه :
يا زين فنجال على نومة الناس ... زرع اليمن و اللي مسوّيه عيده
يبري العماس اللي فضى خوتة الراس ... روابع يقفي و يقبل بريده
أما في هالبيت الغزلي , يلاحظ تأثر الشاعر في بيئته , و يبدو انه قاله يوم كان بالكويت , " ثاني إعدادي " :
يا بجاد لو صادفت وِرعٍ صدفناه ,,, على طلوع صفوف ثاني إعدادي
ابو جديل يوم تدلج زواياه ... سبّاح غبّات مع الموج غادي
يمكن يصبّون الذهب من شفاياه .. والا بخده يزرعون الزبادي
هذي اللي اعجبته ولا يعرفها :
يا بنت ياللي عينها عين شيهان ............ حرّ قطامي فعوله عطيبه
والقرن ذيل اللي تشعشع للاكوان .... بنت الاصيل اللي طويلٍ سبيبه
و الردف يطوي الثوب و العود ريّان ... و الخد بارق مزنةٍ مستجيبة
أسايلك بالله خلاق الانسان ................ الله عليك انتي من أيّا عتيبة ؟؟؟
يا بنت ياللي عمرها صدر و ردوف ... بيض محاجرها و حلو نباها
ودي بشوفك مير يوم اقصر الشوف ... عيني بعد هاك الرمد قل ماها
الفزعة:
يا علي صوت بالقلم و اشعل الليت ... افزع لقلبن كاثراتن شطونه
أما بالنسبة للسيارات في شعر بندر رحمه الله , فإنه قد وصف في الفرت ما لم يصفه غيره , في مناسبات عديدة و في أبيات متنوعة
نترككم مع بندر و معشوقته الفرت ...
من فوق فرت يوم يرخي المتوني ... جول القطا اللي واردن عقب مرواس
من مارده يا عبيت شابت عيوني ... و من مصدره يا عبيد شاب أسودالراس
قصيدة يتوجد فيها على معشوقته بفرت :
الا وا وجودي وجـد مـن صـك دونـه بـاب
بـقـفــل اعـجـمــي مـغـلـقـات مـسـامـيــره
عَدَو به على اللـي كنـه النسـر بالمرقـاب
على الجمس الأصفـر كامـلات شراشيـره
معـه فـرت خمسـة طـن ياخـذ ميـة ركـاب
مــــن الــمــال عــيّــن ينـقـلـنّـه تـغـايـيـره
دخل هـو و حِملـه للحكومـة بغيـر حسـاب
و راعـيـه عـشـر سنـيـن و يـعـاد تقـريـره
على اللـي كوانـي كيّـة العظـم بالمشهـاب
على أقصى عراوِ القلب محمي مناشيـره
عشيري ورا الكوده وانا من ورا مشعاب
بعـيـد قـريـب تـعـيـب يـــا هـــون تيـسـيـره
ولا يوصله كود " فـرت " عليـه اسطـاب
لـيـا حـاسـب الـســوّاق تـقــدح مـواخـيـره
صنـايـع بياطـيـر الكـفـر لابسـيـن الـكــاب
عـصـاة اليـهـود الـلـي مشاريبـهـا البـيـرة
ألا يا نديبي فوق فرتٍ ورد من شرق ... علـى راس قيـره للعليمـي تعاشيقـه
من الوارد اللي جمركه عند راعي عرق ... على المطرق مجبور ياخذ قماريقـه
اما في هذا البيت , فكما أسلفت , تأثر الشاعر في بيئته عندما سافر للكويت , و واضح أختلاطه بالغرب
و تأثره باللغة الانقليزية هناك .. فالمقصود في كلمة " ويله " هي " كفراته " , حيث أن ويل بالانقليزي تعني كفر
راكب اللي يوم طب مع النفودي ....... كن صلفات الهبايب عج ويله
صوت سيره يوم غنّى بالعمودي ... صوت ذيبن وايق براس الطويلة
من فوق فرت ما يشيل الصقاقير ... من زود فنّه صافيات بلوفه
بعريبيا ما رهّموا له مسامير.. ... من دولة النجمة مبادي حروفة
يا هل الونيت اللي على مدقره ميم ... نقل الرياض الخط ما توصلونه
صنّاعته مخطين ملّة ابراهيم ............. حمران رومٍ لونهم مثل لونه
والله لو أمسك طارته يا مغانيم ............. ما عاد أقلّد دولةٍ يصنعونه
راكب اللي يعجب اللي يوم حافه ... زين صوته بالسيور المعدنية
زيّن الصناع شغله بالكيافة ........ ناسجٍ حوضه على ذوق الحنيّة
يوصل اللي بان بالقلب أختلافه.... ... عيّت الأيام تسمح لي مجيّه
الله على اللي يوم يفتل عموده ... يطلع ثرى ارضٍ بعّد القيظ ماها
ليا أونس ثقيل الترس يرخي عضوده ... شيهانة ترخي المتون لعشاها
في مدح الشيخ سعيد بن مبارك السالمين المنصوري من العين
يا اهل الونيت اللي تزايد عويله ... مكينته ذيب النصارى شغلها
حدّه وقود النار و أبعد مقيله ... شرقٍ يريد العين و أدنى جبلها
راكب اللي من حفيزه للحدودي..... ... عَقّب العشرين طبلون اميتينه
فرت نوع كلاسيكي ماله طرودي ... أبيضٍ في البيت الأبيض فارقينه
يرفعنّه نايماتٍ بالعمودي ............... و الهوى و النار يرخنّ المكينة
يوم مرّ خريص مع عرق النفودي .. قاومه صوت القيامة في المدينة
يا منير دوك الفرت و اخذ الفواتير ... افحص عليه و دخله بالكراجي
اللي يبى البنزين ركّب مواصير ... و اللي تبيه النار ركّب بواجي
قصة خط على فرت من الشام :
مـن بـلاد الشـام جينـا بالمكينـة
فـوق فـرتٍ مـا تخثـع بالطمانـي
يحتدي مثل الجمـل تسمـع رطينـه
مع طمـان القـاع مثـل الثعلبانـي
والشُفير مـن المـدارس مطلعينـه
عن ظـلام الليـل شـب الكهربانـي
كل مـا جـاه تـل يلعـن والدينـه
باليمين اللـي علـى كـل اليمانـي
ما تجيه يسار رجلـه شـوف عينـه
غير يسرى الطـار شـيٍّ بالامانـي
يوم قال له الخـوي عاشـت يدينـه
شد رجلـه للكمـك واحـد و ثانـي
يالله انك تنصـره مـن نصـر دينـه
إن عطى لـه مـع غبـا ولا بيانـي
قلت يالمطنـوخ أنـا عينـي حزينـه
من شراب اللف أبيه و عنـك كانـي
قد رمى بالكيس قدمـي قـال وينـه
دوك ما بالجيب عـن شـيٍ لهانـي
قلـت ثالـث قـال يالله لا تهيـنـه
قلت خامس قال يطلـب نقـل ثانـي
قال واحد و الكمـك واسمـع حنينـه
كيف مـا ترضـى عليّـه بالهوانـي
قلت واحد و الكمـك ضـام المكينـة
قال لي من يرحـم القاسـي ليانـي
قلـت والله يرحمـونـه صانعيـنـه
قد زعلت من اللهيـب اللـي حدانـي
قال مـا ناثـق بمـن هـم متقنينـه
عن مشاور غير عرفي قـد كفانـي
قاطع عرقين مـادري ويـن وينـه
قد وصلت الأرض و اسمع صوت ثاني
قلـت دوك اللـف خابـوا شاربينـه
غطّني عن شوف شـي مـا خفانـي
راكب اللي مخ رجليه خنزير و هوا .......... أشهب في مقدمه باقين و عكس تاج
متر في مترين مستبرم كله سوا ............ حايفه حطاب ما سمكره راعي الكراج
إن نعشته بالثلاثة مع اللفة عوا .................... عوي ذيب محتدينه مربية النعاج
ثابت ما يختلف كلما لف إنزوا ............... و ارتفع ثم ارتخى مثل طايرة المراج
كن ضرب المرو في الويل قدام و ورا...... ضرب هملول البرد و ان تقفاه العجاج
منوة اللي مشفقن لهله و لهم نوا ... من بعد طول المسافة يبي فلّة الحجاج
و في القصيدة السابقة يلاحظ أيضا تأثره , فنجد " ويل " مرة أخرى , و نجد الميراج , الطائرة الحربية المعروفة
واهني من ظفّ عفشه و لمّه للسفر ... فوق هافن من قطع وارده يقطع رجاه
يوم لزّه بالثلاثة مع العرق الحمر....... ... شال صدره من عوا الذيب ما تفرق عواه
واهني من ظفّ عفشه و لمّه للسفر ... فوق هافن من قطع وارده يقطع رجاه
يوم لزّه بالثلاثة مع العرق الحمر. شال صدره من عوا الذيب ما تفرق عواه
يا اهل الونيت اللي يشق الدهو شق .. يصفر صفير مفجّرات السراعة
اما اركبوني يالنشاما بلا حق ........ ولا اوصلوا مرزوق منّي وداعة
من الفرت الى الدوج :
الا يا نديبي فوق دوج عليـه شـراع
ما قال انفخ التشريق جا في مواصيره
ليا هبّت العليا و قام العجـاج و راع
يهيضك مع السكة تثاوع معاصيـره
صنايـع يهـودٍ لا يبـدّل ولا ينبـاع
يقربك من دار و يقلعك عـن ديـرة
بعد طلّعوه مجَيّكٍ ما يبـى المرجـاع
سمع من وراه الفوج غنّت مواطيـره
ليا دق سلفه قام حسّه يـرجّ القـاع
ما جاه المعاون يشتغل في مساميره
عطاه الثنين و زاد له بالأبنص و فاع
رزيمه رعد مـزنٍ تهلّـع دناقيـره
خرط له بثالث عقب نشّه بعزم و زاع
و شتل له برابع ما يضيّـع تغاييـره
ليا شال عزمه ريّحه وامنٍ مارتـاع
مسك مع يمين الخط و يلـدّ لانبيـره
اشرب من ابو بـس و أنسهـا نـس
نس المهرب مـع خطـوط الجزيـرة
ليا من عطى له ثالث قـام يضـرس
خفر السواحل فـي طريقـه خطيـرة
شـدة قصيـر ولا يمـر المهنـدس
تـوّه جديـد و عالـمٍ بـه خبيـره
يسري من الحدّين و يصابح الـرس
عليـه بنـدر مـا يخونـه ضميـره
جاب البضاعة من مغانيـه بالـدس
ماهوب شـاةٍ ميتـة فـي حظيـرة
يالله يا منشـي السحـاب المطمّـس
تفرج لمن مثلـي عيونـه سهيـرة
الله عــلــى الــلـــي شـــــد مــاهـــوب جــابـــان.... أبـــــو ثـــــلاث حـــــلاق إس و حـنــيّــة
الــلــي انـبـيــره يـعـلــن الــحــرب فــتّـــان ....... بـيــنــك و بــيـــن الــلـــي بـعــيــدٍ نــويّـــه
مـلــفــاك زيـــــزوم الـمـشـاكــل كـحــيــلان .... مـــهـــوب ذاك الـــلـــي طــبــوعــه رديّــــــة
ألا يـــا نـديـبـي فـــوق مـــن يـنـطـح التـهـريـب ... لـيــا عــــد مــيــة قــــام يـلـعــب دركـسـونــه
أبـــي ابـعــد عـــن الـشـرطـة و افـــارق جـنــود الـذيــب ... لـــدارٍ يـبـيـدن الونـيـتـات مــــن دونــــه
و يــا حــن قلـبـي حــنّ فــرت بـعـد توضـيـب ... تـحـت خـارجـي مـــا طـفــت نـــار غلـيـونـه << تشـبـيـه
الله عـلــى الــلــي كــــن سـلـفــه لــيــا نــيــش ... خــطــو الـمـحـالـة مــغــردٍ مــــن رشــاهــا
يـلـحــق فــــروخ مـصـخــرات ابــــرق الــريــش ... شــقــر الــوحــوش الــلــي عــزيــزٍ غــذاهــا
يـــــا عـبــيــد غــنّـــن ســيـــور الــهـــاف ... لا يـــــا بــعـــد كـــــلّ مـــــن غــنّـــا
عـــــرق الابـيــتــر رمـــــاه خـــــلاف ... مــــــا طــــــب لــــــه واحــــــدٍ مـــنّـــا
يــاهــل الـونـيــت الــلــي نــــوى مـشـتــل الـبـيــب ... مــــا دق صــــدره بـالـخـطـوط الـغـزيــره
يــــوم يـتـخـضّـع فــــي مـحـيــر الاداعــيــب ... يــشــدي تـخـنّــع جـــــادلٍ فـــــي حــريـــره
لا تجـربـونـه مـــا يـبــي الـفــرت تـجـريــب ... قــــد جــرّبــه فــــي الـبـيــت الأبــيــض خـبـيــره
راكــــب الــلـــي زوّد الـيــابــان فــنّـــه ... و اخــتـــرع فــيـــه الــدبـــل ضـــــد الـحـتـيـفـة
الله عـلــى الـلــي يـهـيــض الـقـلــب مـنـهـاجـه ... مــــن مـصـنــع الـبـيــت الأبــيــض ورّده زيــنــي
لـيــا عـــوت قـربـتـه ارتـفــع تـاجــه ... مـــا عــــاد ابــــي الــلــي مــــع الـطـرقــة يـخـاويـنـي
يـــا راكـبــن مــــن فــــوق صــافــي الـبـلـوفـي ... مـقـعــد انـبـيــر الــزيــت نــيــم الــحــرارة
فــــرّاق مــــا بــيــن الـقـلــوب الـولـوفــي ... فــــرتٍ كــمـــا وبـــــل الـسـحـايــب غــبـــاره
يـــا اهـــل الـونـيـت اركـبـونـي واصـــل تـيـمـي ... مـــا تـوصـلـون الـغـريـب الـلــي خِــــرِب فــنّــه
وجـــدي علـيـهـا وجـــد مـــن هـــرّب الـجـمـس ... فـــي حـمـلـتـه يــــا عـبـيــد ســبــع الـمـثـانـي
يـــوم الــطــرد غــــدت ثــلاثــه كــمــا الـخـمــس ... قــامــت تـقـطّــع قـربـتــه جــــدّ عــانــي
مــــدّوا لــــه الـدربـيــل مــــع طـلـعــة الـشـمــس ... و جــــاه الـعـريــف و حــــدّره لـسـفـوانــي
يـــــــا وجـــــــدي عـــلــــى شـــاهــــي , لاهـــــــوب بـنـتـلــيــز ولا ربــيـــعـــي :
يـــا عـبـيـد يـــا وجـــدي عـلــى شـــاي قـبــل امـــس ... شـــاي مـــزج يـــا عـبـيـد بالـزعـفـرانـي
مـصـلّـحــه مــركـــوز الانــهـــاد بـالـخـمــس ... راعــــــي ثــمــانــن كــنــهــا الـقـحـويـانــي
و ننتقل من السيارات و شجون السيارات , إلى الحكمة و العظه , اللتي بجانب السيارات, اشتهرت في شعر بندر و أبدع في أخراج درر الحكمة و نظمها
فـــــــــــــــي الـــكــــثــــيــــر مــــــــــــــــن الـــمـــنـــاســـبــــات ..
كــــان الــرجــال الــلــي مــضــوا يـصـدقـونـي ... وحــــدك ولا خـــــوة مـغــاريــف الانــجـــاس
طـــــوال الـظــهــور مـخـيـبـيـن الـظـنـونــي ... جـــــرّارة الـطــرقــة ســرابــيــل الأكـــيـــاس
الـبــوم بـيــت الــبــوم مــــا يفـلـحـونـي ... مــــا طـلّـعــت ســــود الـتـنــك فــــض و نــحــاس
و هــنــا يـنـصــح امــــرأة تــريــد الــــزواج , مـبـيـنـا لــهــا صــفــات الـــــزوج الـصــالــح :
حـتــى أيـــش لــــو يــفــرش لــــك الــقــاع زلّــــي
مــــن لا يــخــاف الله حــــرامٍ حــلالــه
عـلــيــك بـالــلــي لـلـجـمـاعـة يـهــلّــي
الــلـــي كــمـــا الـنـثــلــة مـــنـــارة دلالــــــه
بـالــرجــل شـايـتـيــن حــداهـــن يــدلّـــي ... و ان كــبــهــن مـــاهـــوب ويّــــــا الــرجــالــة
لـيــا صـــار مـــا بـــه ديـــن مـــع زيـــن دلّـــي ... جـعـلــه مــــن الـدنـيــا تـقـطّــع حـبـالــه
--
يــقــول بــنــدر مــــن خــيــار الــدلايــل ... مـــــا كــثّـــر الـخــالــق بـخــلــق الأجــاويـــد
كـثّــر بـخـلــق الــلــي هــداهــم ظــلايــل ... مــــا غــــرّت الــلــي يــبــدي الـخـلــق و يـعـيــد
كـــــم واحـــــدٍ بــيـــن الـعـمـاهـيـج هـــــذّار ... مـغـتـرتــه نـفــســه بـكــبــر الــظــلالــي
يـبـلــس عــلــى ربــعــه و يــدنــع بــالاســوار ... و يــعــد نـفـســه مــــن حــســاب الـرجــالــي
كـفــه بـخـيـل و قـلـبـه انـجــس مــــن الــفــار ...
أســــود طــــرف و أدغــــم مــــن الـسـرمـدالـي
هـــذاك بِـعــدِه خـيــر مــــا كــنــت ابــــي اخــتــار ...
اجــــزاه بـالـصــدات و ابــعــد مـجـالــي
ولــيــا وطـتـنــي غــبــر الايــــام بــــأزوار ...
غــيــري جـمـاعــة مــــا وطـتــنــي لـحــالــي
شـفــت الـــوزا و اشـتـلـت لــــي مــنــه قـنـطــار ...
ولــيــا عـدلـتــه شــــرق لـلـغــرب مــالــي
حـــــرام لـلـفـنـجـال ســوقـــه لــيـــا فـــــار ..
إلا عــلـــى الــلـــي يـرخــصــون الـريــالــي
خـطــو الـولــد يـــا مـــال قـصــف التمـاهـيـل ...
يـشــرح عـيــوب الـنــاس مــــا شــــاف عـيـبــه
يــفــرح لــيــا شــــاف الـمـجـالـس هـرامـيــل ...
و يــكــره لــيــا شــــاف الـمـجـالـس مـريــبــه
مــــا شـوّقـنــه طـيّـبــات التـمـاثـيـل ...
مـــــع شــايـــبٍ قـــــد بــيّـــن الــوقـــت شـيــبــه
مــاهـــوب شــايـــب شـيّـبـنّــه غـرابــيــل .. عــيـــد يـقــفــي بـــــه و عـــيـــدٍ يـجـيــبــه
أنـصـحــك يـالـلـلـي تــايـــه بـالـدوالـيــل ... إن تـــــاه فــكـــرك تـــــاه مــســـرى الـنـجـيـبـه
احــــذر تـصـلّــي بـالـهــدوم الـمـسـابـيـل ... و احـــــذر تــخـــاوي الـــــلاش تــابـــع نـسـيـبــه
أنـصـحــك يـالـلــي غــرّتــه مــــا عـرفـهــا ... شـيــبــا تـشــيّــب مـــــا يــحـــوّل رديــفـــه
رديـفـهــا يــركــض و يــركــز هـدفـهــا ... وقــــت يــقــص الـعـظــم مـــــن حـــــد سـيــفــه
و ان جــــت بــــك الـدنـيــا و جــابــك صـدفـهــا ... لا تـغـتــزي بــاهـــل الـنــفــوس الـضـعـيـفـة
وانـصـحــك نـفـســك لا تـسـقّــط شـرفـهــا ... تـــــرى بــعـــض بــيـــض الـمـجـالــس مـجـيـفــة
من القصائد المشهورة لبندر , و كلها حكمة, و كل بيت منها يحتاج لصفحات لشرحه :
يالله يـا جـال الأمـور المهمـة
تجلى وهق قلب برى حال راعيه
البر دجته و البحـر رحـت يمّـه
أدرج سبب حظ على الله مساعيه
يوم إن ولد اللاش رزقه على أمه
رزقي على اللي ميّت القشع يحييه
ماني وانـا بنـدر ببيـاع دمـه
يقطعك يا بيّـاع دمّـه و مهفيـه
اللـي يبيّـع لابسـات الأزمــه
ثور يبي بيض العماهيـج تغنيـه
يزعل ليا جت ليلة الـدول يمّـه
يرضى بسوق المال بأخيه و أبيه
خطو البخيل اللـي يكبّـر معمـه
يقرا الكتاب و واجب الله مخليـه
أما هرج له فـي رفيقـه بنمّـه
والا عطا و أمه تضيّـع هقاويـه
يا مل قلب كل مـا مـات همّـه
دارت دواليب الدهر ليـن تحييـه
فرّاق شمل النـاس عيّـا يلمـه
وقتن يشيب الراس من شاية فيه
أحدن ينام و حـط راسـه بكمـه
و أحد تخم النوم عينه و تخطيـه
و أحدن يحاول بالردى بنت عمـه
و أحدن يحاول ستر عذرا عوانيه
تخالف الأنظـار شرقـن و يمّـه
كلٍ هدف رايه من الناس مرضيه
أنشدك ياللـي كـل شـي تتمـه
تقرا الكتاب كـل فـرض تصليّـه
ويش القليب اللي عميق مجمّـه
ما سرّ غرسه ماه عطشى سوانيه
سم السبب يا عارفن عنه سمـه
سم السبب يا عارفه قبل اسميـه
والله يا لا لا كلمة قيل ذلّيت ... لاترك مقاصى اللاش نقص و مهونة
لا شك ضرّاب المثل به تقدّيت .... من حرّك المجنون ناطح جنونـه
رد مع اقتباس
المفضلات