يالله حيهم
هذي القصه حصلت يوم الرزق مقلول بنجد فكان اكثر الرجال يطرشون
لسوريا والعراق والاردن يطلبون العيشه
من ضمن هاللي راحوا عادي بن رمال واخوه رخي "وللمعلوميه عادي من الرمال من شمر"
الوكاد ان عادي واخوه رخي راحوا يم فلسطين
اليا مار عادي عاشقٍ وحده اسمه هلاله ساكنتن بجبه قريه من قرايا حايل
وكل ماهذا تطري عليه ويقصد به
الوكاد يوم جاء اكاليوم يامار يتمشى هو واخوه رخي وهو يشوف اكالرجل مربط ويضربونه العسكر
قال منهو هذا قالوا هذا فلسطيني ويضربونه اليهود
يامار عادي رجالٍ به حميا وهو ينغث ولابيده شي
قال والله مالي مقعاد بفلسطين وهو ينوي المشوه لحايل
يامار معة ناقة وحواره وهو يعمل الناقه يبيه تمشي من المغثه
وهو يقوم الحوار يلوج بوجه الناقه وهي تعجز تمشي
من زود المغثه وهو يقوم عادي ويذبح الحوار وهو يعطيه اكالعرب قال كولوه
وهو يمشي الناقه يوم جاء وقت الغداء ويتغدون هو ورخي
وهو يلتفت يامار القاع ثرى وهو يراعي للناقه يامار الناقه تبكي وتحن على حواره
وهو تعوكس معه الامور
وهو يقصد
[poem=font="Simplified Arabic,4,black,normal,normal" bkcolor="transparent" bkimage="backgrounds/17.gif" border="none,4,gray" type=0 line=0 align=center use=ex num="0,black"]
ياوجودي وجد من سيق مكتوفي=سايقينه دولة الروم غرباله
او وجود اللي على الهجن مشنوفي=ساق رجله من عطيب توتاله
مع مناكيف عقب سرد وحفوفي=وايسوا من بارد المي وظلاله
بطلعة الجوزاء على الكبد ذايوفي=وافختوا نقرن تنصوه بدلاله
يارخي من دونهم راه والجوفي=والحماد وديرة التنف وسهاله
طرشتي صارة مع الحضر صادوفي=قلعوني وانتحوا عنك ياهلاله
متعب نفسي على غير مصروفي=يم يافا والمداريج وجباله
يارخي قم وارتحل فوق منحوفي=يطوي الدو البعيده بزوماله
شل سلامي تر حلاياه ووصوفي=نوطا رويانة العود قتاله
ليت عمي يصخره لي بمعروفي=ويصخره رب المقادير بحباله
مالقيت انا حلاياه ووصوفي=ولامشى مثله مع البيض حفاله
مهرة تزهى اللوابيس وصنوفي=كاسبن كل النواميس خياله
قطعتين بس متنيين وردوفي=مهرة الحاكم حلاياك ياهلاله
والجدايل كالقياطين مصفوفي=مثل شرطان الذهب عند عماله
مثل عين اللي ياطالعة شوفي=جافلة وبروق الاروام تبراله
ذاكر له مع هوى الشرق عاطوفي=مرتعه بارض بياح ومقياله
عينها جمة غدير بقفقوفي=في محاجر فيضة عقب ماساله
وعسى عشب الحيا يمها الطوفي=بخب جبه والمرابيب مدهاله[/poem]
عقب هالقصيده وصل انت ياعادي لجبه
يامار هلاله يتيمه وامه تبيه لولد اخته وعادي مايدري
وهي تجي هلاله لعادي
قالت ياعادي انا ابوي ميت ولالي والي وابيك اخو لي
ابي اليامني تزوجت غيرك وازعلن ازبن عليك "يامار هلاله ماتدري ان عادي يبيه"
قال عادي ابشري والله مار اسمعي وهو يقول القصيدة السابقه
الوكاد وهي تحسف هلاله قالت :عادي ياعادي.....
وقبل لاتكمل كلامه قال عادي روحي واعتبريني زي اخوك والله انك مثل ظهر امي
وهو يتوفى الله يرحمه ولاتزوجه
المفضلات