رد على قصيدة اخونا الاديب

[طلال الزقروطي]

بسم الله الرحمن الرحيم
هذه القصيده رد لقصيدة الاديب وانا اخوكم طلا الشمري من الكويت واحب ان ارد عليه بهذه الابيات

البارحه بالليل شفت القصيده
عبر القمر والفلك ترسل بالاخبار
من ديار المملكه والاراضي الحميده
ديار ابو فيصل مطوع كل خمار
ارد على ضاري من الاسره المجيده
مذكور عنه بالوفاء والطيب والاصرار
انا اشهد انك يا ضاري ضاري وليده
انا اشهد انك يا ضاري مهول للانظار
وهذي قصيده يا ضاري رد لقصيد
مدري كلامي بايت او حاز له اشعار
وصلاة ربي عد ما صلت عبيده
على رسول الله محمد كل ما زانت انوار
واسمحولي ان كان اخطات لاني شاعر مبتدىء ولا استطيع ان اقول شاعر بل هاوي
اخوكم طلال الشمري

[ضاري]

هلا فيك 6000000 ستين مليون
مادري ان كنت انا المقصود ولا لا ؟؟
---------------------------------


يامرحبا ترحيب لجلك نزيده ......... فوق الملايين وفوق درهم ودينار

او عـد مايحسب تاجـر رصيده .......... وصار العدد ستين مع ستة أصفار

ستين مليونن وإدبل .. وعيده ......... أربع مع العشرين وايضا ً بتكرار

ومن بعدها هاك الحروف المفيده ........ تستاهل القيفان من عمق الابحار

(إن كنت اناالمقصود واللى ترده ...... صح الله لسانك من حـيث ماصار)

رديت يوم اني خـفت النقيده ......... واسمي على ماقيل .. ضاري ومغوار

أمون واكتب في جنابك نشيده ......... يصدح بها العصفور من فوق الاشجار

هذا الشعر مثل البيوت المشيده ........... فيه الوصايا والتواريخ واخبار

وفيه البكى وفيه الرثا والنكيده ......... ياما على ماقيل راحوا من الدار

وفيه الغزل وذيك الحروف الفريده ...... في داعج الاعيان والخصر مسمار

والعين لو شافـت زولك تصـيده ....... لا تقرب العينين ثم تقرب النار

لاهنت يالل قلت فينا قصـيده ........ مابين ربعك لك حشمه ومقدار


اسمي تكرر 5 مرات بالقصيده والعنوان باسم الاخ الاديب .. صراحه احترت
بس عساه يسامحنا اخونا الاديب .. ان كان هو المقصود
واعتقد فيه بعد الاخ ضاري2002 ان كان هو المقصود .. عساه يسامحنا
ويسامح لقافتنا بالرد ؟ ..
--------------------------------------------------------------