[poem=font="Simplified Arabic,4,white,normal,normal" bkcolor="transparent" bkimage="backgrounds/10.gif" border="none,4,gray" type=0 line=0 align=center use=ex num="0,black"]
ياعقاب ياذيب المناعير ياعقاب=ياعقاب ماعينّت سيد العذارا
عقب المعزه صابنا اليوم ماصاب=درب الهوا ياعقاب صعب المسارا
ياعقاب ترني لاريش العين طلاب=من عقبهم ياعقاب عفت الديارا
العين عين اللي صعد فوق مرقاب=او عين اللي شاف الازوال ذارا
عسى المطر لديارهم دوم سكاب=عقب "المحل"ترجع دياره خضارا
مريت انا سود المباني والاطناب=امس العصر ياعقاب تالي النهارا
مريت دارٍ كان به نزل الاحباب=المراح خالي والزمان استدارا
شفت المرابع صابها قحط واجداب=صديت مار العين دمعه تجارا
وتجددت جروح روحي والاعطاب=والقلب من بين المعاليق طارا
اقفت ركايبهم عن الدار بغياب=تالي "سلفهم" يابن الاجواد سارا
اقفى "ضعنهم" قاصد زين الاعشاب=دار الشمال ودار قومٍ خيارا
وعديت انا من العنا راس مرقاب=راسه طويل وعن دار خلي يسارا
حل الظلام ولجفني النوم ماطاب=الخلق نامت وانا عيوني سهارا
ياليت ابوها من ربوعي والاقراب=عمٍ قريب او ليته اليوم جارا
مار البلا عن ربعنا قومها اجناب=وصار "الردي" من بيننا كالجدارا
مانسى هواهم لو تغطيت بتراب=ياكود تنسى الشمس طلع النهارا
لولا الحيا ياعقاب من عكف الاشناب=واخاف من فعلٍ بتاليه عارا
لرمي طويل الصوت والعمر بحساب=وهذي حياةٍ كل ابوها خسارا[/poem]
رد مع اقتباس
المفضلات