[poem=font="Simplified Arabic,5,white,normal,normal" bkcolor="transparent" bkimage="backgrounds/15.gif" border="none,4,gray" type=2 line=0 align=center use=ex num="0,black"]
غريبه دايم احساسي يقول ان المسا به سر = وانا دايم معه لكن ولاقد باح لي سره
هدوءه ينزف جروحه اذا جيش النهار يجر = سيوفٍ تجرحه ودمه سواده صبحٍ يجره
مسا يكفي نفكربه كريمٍ لوعلينا يمر = يسامرنا .. واذا اقفى ولامنّا يبي يمره
حقيقه من ذكر ربه حمى قلبه وساوس شر = واذا الشيطان ماتلعن تراك بتبلش بشره
به رجالٍ ولاتقبل تصير الخاتم اللي يفر = ورجّالٍ بسبابة حريمه خاتم تفره
دروب اقدار .. مختاره .. وراسٍ فيه عقلك حر = ومن هو ينبح بظهرك سكوتك صدك يحره
بعض ريحٍ لو تْمرك نسايم من هواها يسر = ونفس الريح لوثارت عدّوك مــــــــــاظن يسره
وفيّات الجرايد دوم نقراها ولاننضر = وحبيبك لو طريت الموت بلسانك ترى يضره
ابو عنده ثلاث عيال ساترهم وصاير ذر = وواحد عاق والدهم وهو معهم تحت ذره
ترى بقرآننا آيات لاتحصى تقول البر = تبر امك وياطيبك معاها والدك بره
بحر مليان مرجانٍ وفي قلبه كثير الدر = ولاكل من دخل قلبه كسب مرجانه ودره
ومسانا تقطر دموعه.. وهو بحظنه هموم يصر = وهمنا لا ولاواحد ولاغيره رضى يصره
لانه يفرد حباله وعليها نفوسنا تنشّر = نحاسب نفسنا وبكره على حبل المسا نشره
وبس الحين هاللحظه هنا توّي عرفت السر = وعرفت ان المسا طيّب كريمٍ حافظٍ سره
واذا احدٍ يالمسا سبّك وقال شحدني للمر = ابي تعلمه الحلا وشو اذا ماكان به مره
وش احلى من مسا اصلاً اذا كان المسا به سر = وش اجمل من مسا عندي يجيني يبوح لي سره[/poem]
رد مع اقتباس
مشرف مضيف الترحيب والتعارف
المفضلات