لكم القلب
[poem=font="Simplified Arabic,4,black,normal,normal" bkcolor="white" bkimage="" border="none,4,gray" type=1 line=1 align=center use=sp num="0,black"]
كررتهـا هالسالفـه عشـر مــرات
وللحين تنشـد وش ورى هالمصيبـه
ياخي اذا هي مسئلـة وقـت اوقـات
خذهـا ولكـن لاتجيـنـي بخيـبـه
وش فائـدة هالاسئلـه والاجـابـات
مادامها مـن ويـن مارحـت سيبـه
ماهي مـدارس واجتهـاد اختبـارات
اكبر مـن همـوم المسيـل وشعيبـه
يعني تعـال ابـدى معـي بالنهايـات
وتعرف وش معنى الظروف العصيبـه
ياخي توفـى صـح ياسـر عرافـات
وللحينهـا ارضـه بديهـم غصيبـه
حاولت اجمّع نظـرة الوقـت هيهـات
لقيت كـل (ن) مبتلـش فـي طليبـه
احد(ن) همومه لا جلس يدخل الشـات
واحد(ن) همومه كيف يرضي حبيبـه
كانت متاهه واصبحت لـي متاهـات
شفت الجفاف فوسط ارض(ن) خصيبه
لوكـان طـول المشكلـه بالمسافـات
قطعت انـا طـول المسافـه وعيبـه
مير البلا من وين مارحت هي جـات
وعجزت احـدد وجهتـي هالغريبـه
يعني تخيـل وانـت بـأول بدايـات
تطيـح وايدينـك قطعـتـه بطيـبـه
ياخي تعبت اكتـب رسـالات لمـوات
ياخي تعبت اجزم على الشـك ريبـه
يعني فهمت الحين وش تعني شتـات
يعنـي تفرقنـا بحـال(ن) عجيـبـه
[/poem]اخوكم
مانع الخالد
رد مع اقتباس
المفضلات