السلام عليكم ورحمة الله وبركاته
اخي متفاءل اخواني واخواتي المشرفين اخواني واخواتي الاعضاء
اعتذر عن انقاطعي لظرووف خاصه اتمنى ان تعذروني
وقد جئت بجديدي
وهي مرثيه في عمي واعطي عليها الضوء الاخضر للتعديل
[poem=font="Simplified Arabic,4,white,normal,normal" bkcolor="transparent" bkimage="backgrounds/21.gif" border="none,4,gray" type=0 line=0 align=center use=ex num="0,black"]
علم لفانا كسر القلب تكسير = والدمع كله من العين سالي
وعرعر صاحت وجاوبتها عسير = يومٍ توفى اللي عزيز ٍ وغالي
يومٍ توفى الذي زبن المخاسير = ناصر اللي قليلٍ مثله ارجالي
ناصر ياليت الموت يشرى بالدنانير=والله لاشريه لوه يفوق احتمالي
مير الموت ماياخذ الا المناعير = والموت حق وقدرة الرب عالي
ناصر اللي تلقاه بوقت المعاسير = ولا الرخا كلن تلقاله مجالي
ناصر اللي بيفقد اصغير وكبير = وعزالله انه فقيده اول وتالي
عز الله انه تمم حياته دون تقصير =وعز الله انه كان للخير والي
مرحوم ياعون اليتامى المكاسير= مرحوم ياناصر ياكريم السبالي
مرحوم يامصطر المجد تصطير=ياللي واصلٍ صيته جنوب وشمالي
مرحوم ياعون الضعوف المقاصير= مرحوم مرحوم ياسيد الغوالي
الله يبيحه عد ماغردن العصافير=والله يبيحه عد حب الرمالي
والموت حق وكل الليالي مقادير= والقلب مايعلم باللي تجيب الليالي
وختامها صلوا النبي النذير= اعداد ماهبت جنوب وشمالي[/poem]
رد مع اقتباس
المفضلات