ماذا قال الشعراء عن قبيله شمر ... ادخل وشارك

[إلـــجـــنآزه]

وهذي قصيدت الشاعر فهد عافت الزقرووطي الشمري




ياربعنا مايعتذر كود غلطــان .....وانا عجزت القى خطا في خــطايا

ان قلتوا ماتعوذت شــيطان ..... نفسي لاني شفت ســـود النـوايا

قدامكم ربي بلاني بمن شان .....فعله معي لين اظلمت بي ســمايا

زل وكتمت وزل وازددت كتمان ..... وازداد في غيه وجاني بــلايا

اعطيته الصافي من العلم خلصان .....من غير ما اسال من معاه ومعايا

وان كان هو من رشفة ابليس سكران ..... سكران انا بغبار خيل الطنايا

عاداتها تقبل تقل مالها ارسان .....وعاداتنا نهدي ضحانا ضـحايا

من مثل شمر علقوا يوم الاكوان ..... ارواحــــــــهم عقد بجيد المنايا

حنا الضياغم والزقاريط نيشان ..... في جبهتي زاد المزايا مـــزايا

وانا ولد عافت سلايل كحيلان ..... على اسم جدي والاسامي وصـايا

ياشين يوم الطيب نجر وضيفان ..... منا العطايا تستمد العطـايا

ياشين يوم العز خيل وفرسان .....ربعي عصا موسى وربعك حيايــا

ويومك قنعت بسقف واهي وجدران .....الضيغمي للشمس حث المطايا

لاانته بجنبي طيب اوعز او شان ..... ولاانته بقدامي ولا انت بـــورايا

الله بلاني بك ولاني ببلشان .....لاشك ودي ينطـــحوني قوايا

تحياتي

[علي المحيا]

صح لسااااااااان الشااااااااعر
ويعطيك العافيه يالجنازه على هذا النقل الطيب والله يوفقك

ولكم تحيااااتي ،،،،،،،

[الكاسب]

.

وهذي قصيده مسكته


للشاعر


محمد بن ساقان القحطاني( المشارك في مسابقة شاعر المليون

[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=4 line=1 align=center use=ex num="0,black"]
من يم نجد وشرق مكه وطيبه = لين الديار اللي جنوب القريات



جيت بخفوقي شوق ماينحكي به = اكبر من حروف الشعر والكتابات



شوق ِ مهو شوق الحبيب لحبيبه= شوق الطنايا للكرم والجمالات



ولو قالوا ان الدار ماهي قريبه= بقول : يعني ماتهون المسافات



ماهم بربعي بالليالي الصعيبه= أجل وربي ماحسبت المشقات



(شمر) ليا صك الصليب بصليبه= إهجد ياجن وإنس لأهل الطويلات



يرضخ لهم هالطيب حشمه وهيبه= ويرفع لهم بالعز بيرق ورايات



ومن مرهم طرقي بيآخذ ضريبه= فنجال ٍ أشدى من خضاب الخوندات



والموقده تشهد براس الرقيبه=ومن طيبهم ماينزلون الطمانات



(والشمري) من طيب راسه وطيبه= به ميزة ٍ عدّت حدود المروات



لاثارت الفزعات .. لاتنتخي به= لأنه يثور من الطنا دون فزعات



الله خلقهم للمصيبه مصيبه= وللنار نار وللمعالي ريادات



وللموت موت ولللهيبه لهيبه=وللطيب طيب وللمراجل سيادات



لكن بهم حاجه ولاهي غريبه=يمكن يخون إبها الشعر والعبارات



إليا بطشوا خلو المضارب عطيبه=وإليا عطوا مامدوا إلا الجزيلات



ما ارفع مكانتهم بشعر ٍ اجيبه=هم يرفعون حروف شعري مقامات



وآخر ما اقول بهالشعر وانتهي به=بحطها بقوسين وأربع علامات !!!!



(الشمري ! عيبه ! وعيبه ! وعيبه != إليا ارتكى للحمل شال الثقيلات )[/poem]
.

[راعي الوقيد]

وهذي قصيده مسكته


للشاعر


محمد بن ساقان القحطاني

اما مسكته فهي عز الله انه مسكته

صح لسانه ملااااااايين

ولاتهون يالكاسب بعدحيي انت

( المشارك في مسابقة شاعر المليون )

يستاهل المليون

عساك تسلم يالعزوة على جلبك الطيب

لك التحية ،،،

والسلاااااااام ...

[عبدالله الأسلمي]

راعي الوقيد لاهنت على الموضوع

هاذي بويتات ولد لحريري يوم تجيهم فرس المنتفق معلقن عليه راسوه ويدوه اللي ذبح بنيه الجربا قال يوم شاف الفرس


شمر سطام الموت كان انت محتال
ياماغدا بنحورهم من شذيه
يطلع من الجربان مايلهد البال
لامات واحد قام الاخر بزيه

[ولد الحصان]

هذه القصيدة ألقاها الشاعر الكبير عبيد الله سالم الشمري
في حفل ديوانية شمر بالجوف بتاريخ 1/3/1427هـ




سميت باسم الله قبـل نبـدع القيـل
وبعده بدينـا فـي جديـدات الامثـال
الشعـر لـه معنـى وذوق وتحليـل
ويثمر اليامنـه عـن الحـق مامـال
العرف هـو ميـزان كـل الرجاجيـل
واللي نقص عقلـه ماينطـاع لوقـال
جاني مـن الاقـراب رد ومراسيـل
من عامر بن سعـود ومحمـد هـلال
عن شمر أهل الجوف قاموا بتكميـل
الحفـل والتكريـم ذربيـن الافعـال
أهلا بمنهـو شـرف الحفـل تجليـل
مـالاح بـراق وماسايـلـن ســال
من اعيان شمر وأمرانـا البواسيـل
(وابناء علي) ناس لهم قدر واجـلال
لهم زعامات علـى ماضـي الجيـل
من رووس شمر ياتحاكـوا بالافعـال
والاجتمـاع يشكـل العـز تشكـيـل
ويحفـظ تواريـخ القدايـم للانجـال
ويحيي عروق المعرفـه والتواصيـل
بين القبيلـة مثـل مايحفـظ المـال
حنـا لنـا تاريـخ مابـه تجاهـيـل
شين يشرفنـا علـى طـول ماطـال
من طئ لحاتـم ليـا حاضـر الجيـل
تضرب بنا بيـن الرجاجيـل الامثـال
بالغصـب ذللنـا الصعيبـات تذليـل
ونشيل حملن حزت الضيـق مايشـال
حاتم ذبح للضيف من سبـق الخيـل
بارض الجبل صارت واللي نال ماينال
وخوينا يحمـل علـى متوننـا شيـل
في سهلتن مابه سوات اشهب الـلال
خمسة عشر يـوم حفـات مقاصيـل
برص مناكبهم عقب شيـل الاحمـال
عيـال الدعـوج معربيـن الاخاويـل
كما حكى الحاضر صغـارن وجهـال
وقصيرنا يومه شكـى عندنـا الميـل
أضمن شياهـه والمواريـد محـوال
جبنا حليب النـوق بـرص الدحاليـل
يرسل على الحيضان من ضينه ارسال
حتـى رسيمـي ورده وجبـع الذيـل
وبيضا لابن عايش على راس ماطال
الذيب يوم انـه عـوى تالـي الليـل
عجز مـع الشويـان ينـول مدخـال
سمع عواه الشمـري نافـل الجيـل
يعط عويات الفلـس ضايـق البـال
عود كبيـر بالشتـاء وانـي الحيـل
عطف عليه الي من العطـف مقتـال
ذبـح خروفـه يـوم قـل المناويـل
وسمي (معشي الذيب) محمود الافعال
ابـن سعيـد مابعـرفـه تجاهـيـل
وسمير يـوم انـه تنصـوه حـوال
في شوبة الكنه قبـل يطلـع سهيـل
دار الضما والنـاس رايـح وهشـال
عشايـره ماتـن وحتـى المخاليـل
قدم ضيوفـه عـن حـلال ولاسـال
ماظل من ذوده سوى الزمل والحيـل
هذي قدايمنـا اليـا قـال مـن قـال
ومنا مخاوي الذيـب شعـره دواليـل
رافق معه فـي سهلتـن مابـه ازوال
ساعة طلع على العـرب والازاويـل
كشـر بنيبانـه مثـل قولـتـن ذال
ذبـح خيـار النـوق قـدر وتجليـل
بشعره روى القصه كما حـل بالحـال
علمن يعرفونـه زحـول الرجاجيـل
عن المجيحيـم وخويـه وش يقـال
لـو أبكمـل طـال شـرح التماثيـل
ولنـا مواقيـف عريضـات وطـوال
والشجرة اللي تنبت الـورد والهيـل
شركه على ماهـو غليضـن ولازال
الحمـد للـي بـدل العسـر تسهيـل
زانت عقب ضنك المعاوش والاشكال
بديارنـا تـدرك جميـع المحاصيـل
بجهود دولتنـا صعاصيـع الابطـال
بجهود ابو متعب ذرانا عـن الميـل
رجل بذل جهده عـن العـدل ماعـال
أرضى جميع الشعب عقب الحلاحيـل
وأخوانه الوافين فـي كـل الاحـوال
تمت وصلـوا عـد طـش المخاييـل
على رسولـن خصـه الله بالارسـال



......................منقووول
واعذرونا على القصور

[.المري من قطر.]

ونعم بشمر

وعندي ابيات لا اعرف من كاتبها




شمر ثقال الروس ماهم خفايا .
الله خلقهم فوق الاسياد سادات .
ان جاء العطاء شمر كبار العطايا .
وان جاء الوفاء مايعرفون الخيانات .
وان جاء الزعل شمر لقبهم طنايا .
هذا كلام صدق وانت أكبر اثبات .

.
.
.
.

[الظبي الدماني]

الله الله الله جد روعة القصايد

[راعي الوقيد]

تسلموووون ياشباب ولاهنتوا

تحيتي لكم

والسلام ...

[عبدالكريم العبهولي]

هذه القصيده من تأليفي قلتها بلسان اي شمري


تقول :

لي الفخر لاصار شمري اصــلي ***** ولي الفخر لاصرت ضمن الطنايا

ولي الفخر لاصار عدوي رقصلي ***** ولي الفخر لاصرت حلو المزايـــا

انا ولد ضيغم من اصلي وفصلي ***** والعلوم الطيبه عندي هوايـــــــا







ولها تكمله انشاءالله بس للاسف ما خلصتها للحين





شرايكم








اخوي ياراعي الوقيد على هالمجال اللي يخلينا نعرف بعد اكثر عن قصايد المدح في قبيلة شمّر ولك مني جزيل الشكر










اخوك


عبدالكريم الشمري