المكشات المكان والترتيبات

[فلاح السعد]

[align=center]بسم الله الرحمن الرحيم [/align]


[align=center]اخوتي الاعزاء يسعدني ان اخبركم ان تم حجز مخيّم كامل ياشينك تحتسي رسمي

ابي اقول لكم يالربع اننا حجزنا مخيّم على كيف كيفك ان شاء الله انه هاللون وأنا ادخل

على الله فيه بيت شعر متطرف والكلمه هذي تروه ماهي على اللي تفهم هالليوم اخاف

اننا نلقاو باتسر مداهم وفيه بيوت جاهزه قلت على شان بعض الناس مايبرد احسن من الخيم

البيوت اللي تقل صنادز

المخيم موقعه على الطريق الجديد اللي المفترض انه يربط ابوحدريه بالخفجي واللي هالحين موقف عند محطة الساجي (مفرق النعيريه) وتم اختياره بالتشاور مع اهل الديره اللي اقدم مني يقولون هذا خضار وحلو وأنا ادخل على الله واحد خايفن من الملامه يقدم عذره

يعني اشلون يافلاح اي المفارق انا اقول لكم يامنك جيت من الدمام تطلع من تحت الكبري كأنك رايحن يم الكويت او الخفجي ومن ثمن يجيك مفرق النعيريه يسار وفيه محطه اسمه الساجي الطريق الجديد خلفه تشوف لك سياراتن يمشن صحرا متجهاتن للمحطه اعرف ان الخط وراه وصف بدوي ماهو كذا المهم تمسك هالخط متجهن للخفجي ياما تجيك لوحه مكتوبن عليه الخفجي 30 كم بعد هاللوحه خفف من طيرتك اي سرعته وخلك تراعي يسار تشوف لك لوحتن مزبرقه وتلق مكتوبن عليه (مــــــــــــخيّم الـــــــــــوسم) وعليه صورة فرس وحركاي هذا تروح مخيمنا ياالمضايف انت عاد اكسر يسار ومش لك حوالي مية متر ورح يمين تشوف الاكباس ومكان العائلات يكون من توالاك انتبه تروق او تلف تر به ناسن معزومينن من بعيد

اللي يجي من الحفر او من الرياض من طريق القاعده يمسك طريق القاعده مشعاب وعلى ماينتهي الطريق يروح يسار مع هالسيدين ونفس الحكايه تجيه لوحة الخفجي 30 كم ماني موصفن ثاني مره ارفعوا روسكم فوق وتشوفون المكان

هالحين يالربع اللي له خاطر بشين وألا له ملاحظه او تعليق او أي شينن يطري على باله يقول لنا على شان نسوي اللي نقدر عليه والله يعيننا على مغثة بعض البشر

عاد لاتجون انتم من هالحين اصبروا شوين ياما يجي الربوع اليوم سبت ياقماعة الربع وتروا المخيم من صبح الربوع الجهمه محجوز يعني متى مابغيتوا تجون عين فراش وعين غطا هذا اللي قالوا لي الربع بهذا وألا انا ابي املص من عندكم معزوم بالكويت


[align=center]نداء للوجيه السفره اللي تجي من بعيد كان لقيتوا او شفتوا بوجهكم طير اياً كان نوعه لاتنسوننا نبي نهايط بلنا كم طير نصفهن ونحط عليهن شبك بحيث ماحد يقرب لهن ونبرقعهن ولاحد داريّن وشن واللي يمر سوق ابوريالين يشتري لنا كم شوحط وكلن على مركى ولطمه [/align]

اللي عنده تعليقاي يشوتهن تروني متولمن هالسبوع ماعندي شغل غير هالطلعه وعلى فكره فيه العاب اللي بخاطره يرجع كم سنه ورا فيه مراجيح بس والله شفت لي ناسن تمرجح عليهن حرام بعض الوجيه تعقبهم عليهن [/align]


[align=center]ملاحظـــه: يالربع تكفون تكفون تكفون لااحد يجيب معه شين لأن كل شيء مرتب له ومحجوز حتى السمامين ماهو مثل سواة بعض الناس انا ماقلت انت وش فيك زعلان يارجل نبي شوفتكم وهذي هي المغزى والمكسب [/align]

[align=center]عادي يالربع اللي يضيع يتصل بي مافيها مكابره خصوصاً حضر العليا 0503031616 تعرفون اسمي وألا اكتبه بجنب الرقم [/align]

[ابن جشعم]

[align=center]الا ياربّي .... شنوحكم هالبعد يابعدي !!!!

دون الخفجي بس بـــــ 30 كيلو ؟؟؟؟

وإلا قصدك مفرق طريق الخفجي ؟؟

تهقى كم كيلو من الدمام الطريدز كله ؟؟

لاتواخذن يالطربة ... زااام نهار بالويك إند وابدزفي ودزبل عليكم


وبعدين ياليت يكون الوصف مدعوم بخارطه مثل خارطة

ابو سلطان العام عشان مانغدي تخبر نوب ننّجم ..



تحياتي وأشواقي[/align]

[بعض الناس]

وشنوحك يافلاح حاطن حيلك علي .. كل كلمتن والثانية تذكرن .. تقل مابوه بهالمضايف ألا أنا .. اذكر الله يارجل .. وألا ترانن أبهون عن النهجه معكم !!

[سالم]

[align=center]شكراً يالفلحي

يعني يوم الاربعاء 2/2/2005 ..

ماننحرم[/align]

[فلاح السعد]

[align=center]ابن جشعم

راع تحت اسمك وتشوف انك كاتبٍ وين ماتبون


يعني انت جبته على نفســــــــك


المكان ابد مايضيّع واضح على الطريق الجديد متجه

يم الخفجي والكويت تجيك لوحة الخفجي 30 كم اعرف

ان باقي لك شيءٍ بسيط

الخريطه مامن سكانر عندي وألا كان حطينا الخريطه بس

يالربع عيب انتم بدو عيال بدو وماني حاطكم بوسط النفود

وألا بمتاهات الصمان على شان نحط لكم خريطه واحد يرقع لروحه

من عند الدمام يابعدي حوالي 260 كم يعني ساعتين وكان انت جيد

ساعتين الا ربع

مامن عذر [/align]

[فلاح السعد]

[align=center]بعض الناس خلاص ماعاد نطري اسمك بس تعال [/align]

[فلاح السعد]

[align=center]هلا بسالم

وحياك ربي

مامن تواريخ هالحين نقدر

نقول ان الموعد يوم الربوع هذا خلاص [/align]

[عايش العنزي]

الله يعطيك العافيه وعساك على القوه يافلاح

أنا أشهد انك نشمي ووليده ..وعز الله ان رايتك بيضاء

يالأجودي ...

اخوك / عايش !!

[عبدالله الجعيثن]

انا ومتخلفي نبي نجيكم على لنج اسرع

من البحرين مطفين النور

[عبدالله المهيني]

[align=center]ابو ضاري

ياخي مكان العام الماضي كان اقرب نسبياً عن الموقع هالسنة



لكن ما عليه



ياربي انه يعطيك العافيه على هالجهد اللي تقوم به


والله لا يعوق بـــ شر


وعسى الله يتمم بخير


وإن ما حصل لأهل الرياض زيارة هالصفحة

ترى كلمتهم نقلته لك

وهي الدعاء لك بالعافيه


والله يطول عمرك [/align]