مع التحيه للجميع وكل عام وانتم بخير
[poem=font="Simplified Arabic,6,white,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
قالت وداعاً وانكسر قلب مجبور=
واحس صدري كن به شعب ثاير
يشجب فراقه لي ويستنكر حضور=
جيش الهموم وجرح بالصدر غاير
لا للفراق ووأد احاسيس وشعور=
لاللوداع ولا لموت البشاير
لا للقلوب اللي امتلت كذب وغرور=
لا للنوايا السيئه والسراير
لا لاحتلال الهم والحزن لصدور =
ونعم لتوطين الوفا بالضماير
ارهاب بس ارهاب ماهو بمحظور=
تفجير حب ونسف اغلا الذخاير
ذاك الوداع اللي كشف كل مستور=
ذاك الوداع اللي يشب السعاير
راحت وكن الشمس ماعاد به نور=
نام الضحى والليل صك الستاير
وذيك الزهور اللي امتلت حسن وعطور=
حتى بذبوله تستنير البصاير
زهور ذبلت وانحنت تحضن زهور=
وهاذي سواته فززت هالعباير
كنه تعاتبنا على البعد وقصور=
وكنه تعلمنا الوفا شلون صاير
راحت ومن راحت وانا هناك مأسور=
اسير والسجان بالحيل جاير
وقفت مثل اللي على الصمت مجبور=
رافع يدي والدمع بالعين فاير
واقف واحس اني مبعثر ومنثور=
متشتتٍ والحزن بالجوف حاير
وجلست كن بجلستي مرت دهور=
على التراب ارسم قلوب ودواير
مجبور وادري كل مجبور معذور=
خسرت يمكن ربح بعض الخساير[/poem]
رد مع اقتباس
المفضلات