بنت غرفتها حوسه تعالوا يابنات نساعدها !!

[الجازي]

[align=center]^
^
^
أمحق هلالية

أجل عندتس عمى ألوان يوم رحتي تشترين المفرش

بعدين ترى الليمون بالعسل يجيب الشرقة

وأنا ماودي تشرقين قبل ماتزينين غرفتس

ومن رأيي ماتحترين هالليمون لأن ماعندي إلا الكسل

كانتس سنعة سويه وأرسلي لي منه كأس [/align]

[نعومه]

[align=center]

الريم

وسعي صدرك ..

وبعيدن وراك ما شفتي الا اللون الاصفر

ترى المفرش فيه ابيض بعد

ولا الاخت نصراويه

<< بتدبسها فيك

والليمون لا تجيبينه

داريه ان ما عندتس الا الدجه

الحين تقوم ريومه شعرت قلبي تجيبه لنا << ايه هين ان جابته

[/align]

[الجازي]

[align=center]

وبعيدن وراك ما شفتي الا اللون الاصفر

ترى المفرش فيه ابيض بعد

ولا الاخت نصراويه

لا شايفته ,,

بس ياذكية الأبيض هو لون الشرّاب وان كانهم يلبسون شراريب زرقاء أو صفراء اعتبريه هو لون الجزمة من تحت وانتي بكرامة

وان كان جزمهم بعد صفراء من فوق وتحت ,, اعتبريه هو لون أسنانهم

عاد الله يستر لاتطلع أسنانهم صفراء بعد [/align]

[مجموعة إنسان]

.

[align=center]اول شئ احب اشكر ريمووو على دعوتها لنعومه

ثاني شئ بالنسبة للغرفه :

نعومه تراني وربي ضاق صدري وانا اتفرج

بس يبغالك على قولتهم ( شيل من دا لدا .... )

يعني ادخلي بغرفتك لحالك ولاتقفلين الباب افتحيه على كبره

وخوذي بيمناك واحذفي بررررررررررررررا

ولايرد الاغراض إلا الدرج

ترى التخزين هو المشكله

لاتخزنين وارمي على طول يديك

المكتب يبغاله نفضه

التسريحه تراها تئــــــن

الفرشه يبغالها تغيير لونها راحت موضته

تنسيق الوان ورمي اغراض مالها داعي موجوده في كل مكان

وحتى الدواليب نصّها يبغاله رمي برّا

اقول لك شئ :

عطيني مفتاح غرفتك وسافري يومين وتعالي ولاتهاوشيني

تراني بأسلخها سلخ

شكرا لك[/align]

.

[ريم شمر]

[align=center]مين اللي طلب ليمون

7
7
7
[/align]

[هـــلا]

[align=center]سلااااااااااااااام عليكم

أسفرت وانورت وإستهلت وامطرت

بالسنة عيدين وهذا الثالث يالله إن تحيي نعومتنا

نورتينا يالغالية

:480r:

<<<< أدري إنه ماهوا مضيف الترحيب بس عجازة بختصر الترحيب والتعليق على الموضوع برد واحد

بنات تراني معاكم من اول يوم يوم أضافت فيه ريم شمر هالصور الحلوة بس ما ذبحني إلا الكسل عن الرد

كل ما أبي أقول إقتراح ألاقي أحد كاتبة قبلي ولا أحب أكون مجرد زيادة عدد

عاد الحين جبت لكم آخر إقتراح بنت أبوها تكون فكرت فيه قبلي أتحداكم



رأيي إنها تخليها على غرفتها الحوسة

أهم شيء إنك لحالك غرفتك لحالك إستانسي

<<<<< أسكتي أبرك وبلا هالنصيحة

تدرون ليش قلت كذى؟؟؟

أول كنت أنا واختي بغرفة وحدة وكانت انواع المشاكل

أبي أنام سكري النور وهي لا أبي أقراء

وإلا أصير جاية من برى أبي أدخل غرفتي أرتاح أحصل الباب مقفل تبي تلبس وإلا مدري وش عندها

أنواع المشاكل

وفضاً للإشتباكات اليومية قرروا الأهل إنه كل وحدة تنتقل بغرفة لحالها

ومن النواسة نمت بغرفتي الجيدة اول شهر بدون غرفة أساساً فرشت فراشي بالأرض وعقبها بفترة جبت الغرفة بدون الستارة

والحمدلله بعد سنة تقريباً كملت لي غرفة

بس تبون الصراحة أنا لو تتحرك علبة المناديل من مكانها ملم واحد تظايقت.... إنا منسقة أغراضي بشكل يقهر

= = = =

ما كني طلعت عن الموضوع الأساسي

= = = =

يالله عن أذنكم بروح أرتب غرفتي

[/align]

[نعومه]

[align=center]


الريم

دام الحسبه كذا

اجل اقلبي حساباتك

واللون الاصفر هو لون سنون لا عبين الهلال

والازرق بلايزهم والابيض شورتاتهم

ويادار ما دخلك شر





ريومه .. يا بعدهم كلهم

سنعه وربي سنعه

والمره الجايه جيبي مصاصين < < لي ولتس والريم مالها شي



مجموعة انسان

دا كولوله كان مستخبي فين

كل مره تذهلوني باالاقكار

(( وحتى الدواليب نصّها يبغاله رمي برّا ))
^
^
بذي معاك حق ..

بس اخاف من هواش الوالده

تعرفين اذا جيت اطلع شي ..

تقول حسبي الله على بليستس .. مير ما طب الغساله من جدته

ويوم انه موب زين وراك تشترينه من اصل

اقسم بالله صرت ازمل ان جيت ارتب دولابي

اخاف اتهزء

لكن هالمره ماهنا الا التطليع بالدس

يا اطلعه وازرعه بدولاب اختي << ادبسه فيها خخخخخخخخ

يا اطلعه واعطيه الشغاله بدون ما تدري امي

يا اجمعهم واصب عليهم كلوركس الين يطقون افتك



هلا وغلا بـ ( هلا والله وغلا )

وتراك ريحتيني بعد من الرد مرتين <<< سوداااانيز

والله يا هلا ما جمع الا وفق

اما اني اخلي غرفتي على حلها فذي كثري منها

والله ما اقدر

اصلا انا ما اطيق الحوسه << انواع التناقض

بس والله جد ما اتحمل اقعد بحوسه

وهالمره طاقن في راسي ابغير اثاث الغرفه

لذلك تشوفيني تاركه الغرفه حوسه

عشان يرحموني اهلي ويطيعون يغيرونها لي

تعرفين ان صارت مرتبه بيقولون ناه غرفتس وش زينها

وشوله نغيرها ولا هو فساد وبس

ولذلك قررت اني اذا ابرتبها ماراح تترتب الا بالعفش الجديد

ولا خليها تنطق على حوستها .. بالطقاق ماراح ارتبها

ويا انا يا هي بالغرفه << شكلها بتصير هي تهيء تهئ


[/align]

[الجازي]

[align=center]

واللون الاصفر هو لون سنون لا عبين الهلال

أمحق هلالية

أجل لو انتس نصراوية وش ناوية تقولين ؟؟

تدرين عشان مانتطاق على هالمفرش وش رايتس ترسلينه لمخيم صفوق التمياط الانتخابي تعبير عن دعمتس وترشيحتس له في الانتخابات

وعلى قولتس يادار مادخلك شر [/align]

[نعومه]

[align=center]


خخخخخخخخخخخخ

ما عطيته ضحايا التسونامي عشان اعطيه لصفوق

لا يا حبيبتي .. هالمفرش غالي على قلبي

يكفي انه من ذوق الوالده << بدينا سالفة التجميع

والله هذا الي ذابحن قلبي.. كل ما جيت ابطلع شي اقلبها وقوف على الاطلال

واقول ذا من فلان وذا من علان وذا له ذكريات

قسم بالله عندي قراشيعي يوم كنت بالروضه ..

ياشيخه اقربها فستاني يوم كان عمري ( سنه ) .. قسم بالله معلقته بالدولاب

هو وجزمته و ( ابته ) وكله

المهم تبين انتي المفرش عطيتك اياه ..

غيره لا تحااااولين


[/align]

[الجازي]

[align=center]

المهم تبين انتي المفرش عطيتك اياه ..

غيره لا تحااااولين

خلاص ارسليه لي وأنا من جهتي برسله لمخيم صفوق ماتدرين يمكن يطلع مفرشتس كله بركة ويفوز صفوق في الانتخابات [/align]