بنت غرفتها حوسه تعالوا يابنات نساعدها !!

[ريم شمر]

البنت صاحبة الغرفه والموضوع تكتب في منتدى عالم حواء
باسم نعومه
وانا ارسلت لها ودعيتها وان شاء الله تجي عندنا

بس مادري عاد هل الى الان غرفتها حوسه والا رتبتها


شوفي يانعومه حتى اخوانا الشباب ساهموا بالنصيحه علشانك

ونصايح احمد المشتاق ممتازه بس نبراس ماستفدنا منه شي

لقافه على الفاضي

[ريم شمر]

[align=center] هذا رد اخونا نبراس

حذفه يوم انتبه ان الموضوع تابع للقسم الخاص بالبنات وهو يعتذر

وارسله وانا وضعته من جديد لانه اعتقد اختنا نعومه ممكن تستفيد منه

--------------------------------------------

[align=center]بصراحهـــ انا ذوقي وسط ,,


لكن الغرفهـ متأكدين ذي غرفة بنوتهــ ..!!!!!


اخافها مستودع بس...

يادافع البلاء وين عايشهــ ذي ,, بس بكل امانه بالتمس لها عذر يمكن وقت امتحانات ,,

والا البنت باين ذوق ,, والدليل اختيارها لماء ( نوفا ) شوفوه جنب راسها من قريب ..




<<<مايشرب غير مياه ( نوفا)


المهم ..

الالوان: اول شيء يتغير ,, الى لون هادئ وحلو ..

ونبداء بالصوره الأولى :


1)الة المشي ذي نخرجها خارج الغرفه ,, ليه البيت مافيه مجال لها ..؟
2) التسريحه عليها اشياء مالها لزمهـ زيادة عدد سكان بس للغرفهـ


(الصوره الثانيهـ):

طبعاً اكيد بتتغير اللوان الستاير مع تغيير لون الغرفهـ وتكون الوان هاديه شوي ومريحه للعين ,,



(الصوره الثالثهـ) :

1) الاكياس , والكرسي اش حقهــ بالغرفه ..؟ مالهم داااعي ..
2) الاسلاك وتوصيلها وحوستها .
3) الشُنط مش بمكانها الطبيعي, ولا اللي جنبها كلها خطأ .
4) حجم TV يكون احلى لو كان اصغر .
5) الشماعهــ ما منها فايدهـ . لانه باين ماتستخدم .
6) الليت ( اللمبه ) اللي فوق مو بمكانها .. لانها بزاااويهــ وماراح تسوي إضاءه كافيه .


( الصوره الرابهـ) :

بصراحهــ احرجتني , لأنه الأفضل يكون مكانها خالي .. الا من شيء ضروري , يعني كل اللي فيها لازم نبعده ونشوف له مكان مناسب ,

مثل المسجل , والكرسي ,

بس اللي قاهرني الفلين والاكياس اش قصتها ..
شكلها مدرسة ( اقتصاد أو تربيـــــهـ فنيهـ )



( الخامسهـ ) :

ان كان ولا بد من الكتب ذي فنسوي لها ترتيب بحيث نضع ما نقرأ فيه دائما , ونحتاجه مثل كتب التخصص او الاشياء المفيده , اما ماعدا ذلك نودعهـ مكتبة المنزل [/align]

--------------------------------------------------------


شكرا لاخوانا احمد ونبراس

ومؤكد دخولهم كان بالخطأ

بس مؤكد انا استفدنا [/align]

[فاصــ بيضاءــلة]

[align=center]طيب أنا جيت بحل مادري يعجبك ولا لا >> الحل مهوي شوي بس بقوله

أنا لاحظت أن الغرفة سقفها عالي وانا ناحب السقف العالي وغير كذا أن السقف النازل يغير من الغرفة فإذا أمكن نزلي السقف شوي[/align]

[ريم شمر]

هلا فصفص

هو الحل مهوي صح

بس ممكن ليش لا

وممكن تسوى ديكور على السقف بحيث انه يكون نازل

تسلمين ياغاليه

[نعومه]

[align=center]

ريومه << صارت صديقتي

عاد توني مهذريه .. وانتي قاريه هذرتي فيذا وفي ذاك

وانا معاك بكل الي قلتيه

الا في (( البوت ))

اي بوت الله يرحم حالتس؟؟

وشلون قدرتي تخترقين الدولاب وتشوفينها

والله غرفتي مسويه عمايلها

ما عليه يا قلبي عاذرتك .. داريه ان الغرفه تدوخ

خخخخخخخخخخخخخ

بس والله انكم شجعتوني للمطالبه بحقي في تغيير هذه الغرفه التعيسه

والمحااااولات ما زالت مستمره

الف شكر ياقلبي على نقل الموضوع .. وما تتخيلين وشلون استفدت من النقل

وبالاخير ماراح تشوفون الا الي يسركم

انتزروني



شموخ

هلا وغلا فيك

واهم شي التفحص ..

اسباب تلون الغرفه كتبته في ردي لاخوي احمد لاني بديت ارد من الاخير

بس الي توني اتوصل له .. اني ابقلب الغرفه لونين او 3 بيج وعودي فاتح اساسيين

والزهر كرتوش

يعني الموكيت بإذن الله ابغيره للبيج وكذلك الستاره واسفل السرير والمفرش العلوي وبعض المخدات

اما الزهر ابخليه للستاره الخفيفه وبعض المخدات الصغيره ومفارش الطاوله وبعض التحف

واما العودي راح يكون لون الكومدينه وطاولة التلفزيون والدواليب

المكتب راح يطلع برى (( اااوت )) وراح احط مكانه كم حركه ابخليها مفاجئه

والتسريحه

ههههههههههههههههههه

ترى عاد موب لذا الدرجه ..

بس انعكاس المكتب عطاها ارتفاع

بس ولا يهمك راح اسمع كلامك و ارتبها

واي تخرج الله يرحم والديك .. تونا نغني ياليل ما اطولك

والمكتبه جايه بعد طقاق تبيني اغيرها .. يا شيخه اطلع انا ولا تطلع هي

على جثتي .. مستعده اغير لون الغرفه كلها ولا اطلعها

يختي تفي من بؤك تفي

والاكياس فيها كل شي ..

انتي بس وش تبين

مشكوره يالغلى ..



غيث السحايب

منووره يالغلى

وعدم تناسق الالوان مشكله سهل حلها .. لكن المشكله في تغيير الاثاث بكبره

والاكياس بعد ميب مشكله .. ابضفها ضف

الغرفه ميب لهدرجه صغيره .. بس حوستها كاشتها

المفرش جايبته الوالده .. وبيني وبينك ماكان فيه الا هو

اصبري علي وان شاء الله بنصايحكم وشويه شغل بتشوفونها شي ثاني

منوره يا بعدي



طيبة الفال

الشكر لك انتي ياقلبي على نصايحك

اولا: الدوااليب من الصعب اني اغيرها .. لكن ابحاول

والتلفزيون صعب بعد اني اطلعه .. لان ماله مكان غير غرفتي .. واحسه صار حته مني

<< و ياكثر حتتي ما بعد شفتوا شي

ثانيا : سمعا وطاعه الاكياس ابطلعها

والشنط بروضوا ابرتبها

اما المسجل عشان اسجل والاستريوا عشان اسمع << قولي قسم

وانا معك الاثاث الزايد هو الي مضيق

عشان كذا ابطلعه بلا رحمه

وعطينا من افكار تغيير الغرفه .. لعل وعسى يحنون علي اهلي ويرضون يغيرونها

بانتظارك يا عسل .. ومشكوره على النصائح



بنت النور

دي << تغمض عيونها بيدها وتفتحها

ذي غرفتي << حاسه انها بتتسطر وتحاول تميلح

بس وانا اختك ذي اخر مره ماعاد اتعودها ..

الة المشي هي البلوى .. انا الي طالبه منهم يشترونها

واخاف اذا طلعتها قالوا مزعجتنا عشان نشتريها وبعدين دوتس اياها منطولتن برى

وتعرفين وانا اختك كلام الاهل

لكن ابقوى قلبي وابطلعا والعفش وراها

والتسريحه بعد راح ابرد قلبك فيها

والالوان راح احاول انسقها قدر الامكان

ماراح تشوفون الا الي يسركم

اانتم بس انتظروني

والف شكر يالغلى نصائح غاااليه وراح اسمع فيها



احمد المشتاق

معاك حق اخوي

الغرفه كبيره .. و كثرة الاثاث وكبر حجمه مصغرها

واسمح لي اقول ان توقعاتك صائبه بنسبه 90 % ان كاني ما بالغت

كلامك صحيح ,, الطقم الثاني جا بعد ما طفح الطقم الاول من الاغراض

الثانيه برضوا كلامك صحيح

ههههههههههههههههه

الطقم الثاني اختيار الوالد .. وهو دائما ينقي الاجود قبل ينقي الشكل

والثالث ايضا صح عليك .. ياال سخرية القدر << اقول لا يكثر بس .. ابقلبها مسلسل تاريخي

الوالده شاريه المفرش

بس كانت متصله علي تقول انه مافيه الا ذا للون بحجم مفرشي وقلت لها تجيبه

ولاحظ موب بس ازرق .. الا مقلم بعد زي الستاره.. يعني يركب << اقول اها بس ولا يكثر

صح اغراض ابو ريالين شاريتها هدايا للبنات

بس والله ميب بريالين << قولي قسم

والصوره ليه ميب عاجبتكم .. والله جايزه لي ..

بس هي يا قلبي ماجتها فرصه تثبت وجودها

الاسلاك تيب ابشوف لها صرفه .. وترى ذي اخر مره ارتبتس << تهدد الاسلاك

اغراض التسريحه ابقضي عليها . لانها محومتن تسبدي

اما الكتب وش اسوي ذابحني العلم << ايه هين

اشوى ان نصها مجلات

بس ولا يهمكم الكتب بتترتب

والف شكر اخوي احمد .. نصائحك كالدرر

ماقصرت



الاخ نبراس

بصراحه بكلامك بينت ان ذوقك اعلى بكثير من الوسط

واخاف اقولك ان هوايتي الديكور وتسطرني

لكن خلها على ربك

وبعدين زي ما ذكرت كانت فترة تطبيق وبلاوي متلتله .. ماتشوف اللوح؟؟

اشي خلية نحل واشي بحر واعلام .. وليته نافع في البنات << خذت جو بالسواليف

نرجع لموضوع الاوضه

الالوان ذوق الوااالد .. يعني ما نقدر نقول شي

والغرفة تفصيل يعني ثمنها شي وشويات

وكل ما قلت للوالد ابغيرها قال توها ما خربت عشان تغيرينها

والمشكله ان شكلها ميب خاربه ابد

والله اني جفسه في التعامل معها .. ارادع بالبيان واشخبط على الدواليب .. و انواع التجاليد والتقشيع<< ايام اول

عاد ابوي يعرف يقهرني .. قام واعاد صبغ الدولاااااب

ولقيت انه لامفر ومستحيل يتغير الاثاث ..

لكن بسيطه يا انا يا الاثاث ونشوف

والله يجزى ريومه خير يوم دلتني عليكم

النصيحه الاولى مفهومه .. وحتتنفذ ان شاء الله

النصيحه الثانيه عشان تكون صريحين صعبه لكن ابحاول

النصيحه الثالثه

الاكياس انا معك مالها داعي . لكن الكرسي اسمح لي

طيب واش اقعد عليه انا؟؟

الشنط تيب ابشيلها

الـtv

برضوا شاري منه الوالد درزن وموزعه على غراف البيت

يعني مافيه اي مجال الزقه باحد هالغراف

كل وحده الي فيها كافيها

الشماعه لا والله تستخدم لا تظلمها

اللمبه بعد معكم فيها.. مركبها الوالد تجربه لنوعية اللمبه

لانه ناويه يكثر منها ان طلعت زينه

بس مع الاسف اثبتت فشلها وهون عنها

النصيحه الرابعه معاك حق فيها.. وبيني وبينك ناويه اشيل المكتب كله

والملاحظه الاخيره اصبت فيها

وش دراااك؟؟

النصيحه الخامسه .. برضوا استفدت منها

الف شكر اخوي نبراس ..

على الرغم من التهزيئة الي بالاول .. لكن استفدت في الاخير



فاصله بيضاء

ياااااااشيخه

وانا اقول وين المشكله

اثرها في السقف

والله ناويه اجيبتس عند اهلي

عشان يدرون ان اقتراحاتي معقوله

ورحمه جنب اقتراحاتك

بس برضوا منووووره

[/align]

[فاصــ بيضاءــلة]

[align=center]

[color=#FF0099]ريومه [/colorفاصله بيضاء

ياااااااشيخه

وانا اقول وين المشكله

اثرها في السقف

والله ناويه اجيبتس عند اهلي

عشان يدرون ان اقتراحاتي معقوله

ورحمه جنب اقتراحاتك

بس برضوا منووووره

[/align]

ليه؟؟

وش هي اقتراحاتك قوليه خلينا نضحك شوي

من زمان ماضحكنا

[نعومه]

[align=center]

كان احدها نهد البيت ونرجع نبنيه بحيث تكون غرفتي جنوبيه شماليه

وان جينا للحق .. ما اذكر اقتراحاتي

لكن اخرها يوم قلت لهم ابغير الاثاث

خليها على الله وانا اختك

[/align]

[فاصــ بيضاءــلة]

[align=center]حللللللللللللوة جنوبية شمالية[/align]

[الجازي]

[align=center]نعومة لايهمونك بس ,,

غرفتك ولا أحلى والألوان على الموضة ,, بالله وش يفهمهم بالموضة

مفرش السرير يعكس ميولك الرياضية ,, يعني الظاهر انك نصراوية

عشان كذا أقترح عليك مفرش جديد أبيض وأزرق لأن الأصفر مايمشي مع اللون الوردي >>> ولا عاد الأزرق اللي ماشي هالحين

التسريحة من رايي تشيلين المراية لأنها قصيرة يعني ماعندك كرسي واذا صرتي واقفة مافيه أمل تشوفين وجهك المليح

الدولاب قاطعن قلبي مدري ليه أحس انه يون ونة صويب بين الأضلاع مطعون >>> مدري هي صويب ولا شيء ثاني

مدري ليه حاسة ان الدولاب فيه مالا يعد ولا يحصى من الحوسة اللي كانت متناثرة في الغرفة

نعومة يبيلك جلسة مع جيك عصير ليمون عشان أوسع صدري في تعديل غرفتك

عسى الله يكتب لي رجعة

عموما اذا مارجعت اعرفي اني مابعد سويت جيك العصير يمكن ماعندنا ليمون [/align]

[نعومه]

[align=center]

يا قلبي انتي يالريم

اما النصر فما حزرتي .. ميولي هلاليه بحته

والتسريحه لا والله لقيمه .. وطولها زين ..

وفيها لمبات تنور من فوق ليلي ليييلووو

بس المشكله عندي في التخزين .. يعني منيب لاقيه مكان اضافي ادحس فيه

يالله تراني احتريك بالييمون .. وبالله حطي عسل بدال السكر << ناويه تاخذ كاس


[/align]