بنت غرفتها حوسه تعالوا يابنات نساعدها !!

[ريم شمر]

[align=center]
هذا نص رسالة البنت والباقي على الخبيرات
7
7
7

غرفتي ياااجماعه تطلبكم الحل

محيوسه حوسه ما يعلم بها الا ربي

كانت فترة التطبيق هي بداية الحوسه

واستمرت في التراكم الين ما بقالي مكان انام فيه

طبعا قررت بعد مناقشات ومناورات بيني وبين الوالده

اني ارتبها

مع اني والله احب الترتيب .. بس الكسل غلبني هالمره

اهم شي اني نويت وبكل حزم اني اطلعها شي ثاني

وهذا ما راح يكون الا بمساعدتكم

وان شاء الله الاخوات الي لهم خبره في الديكوريشن بعد يساعدوني

وعشان ما اطول عليكم

هذي كم صوره لغرفتي من كم زاويه

وما يخفاكم اني استحيت اصورها بحوستها وعشان بعد يكون فيه معالم تنشاف

رتبتها شوي ...

ترى بس شوي .. يعني لا تهاوشوني اني شفتوها محيوسه

7
7
7








[/align]

[ريم شمر]

بقول بعض الملاحظات بشكل سريع

علشان بعد نستفيد كلنا

اول شي الالوان مابينها تناسق ابدا

المفرش غرب وباقي الالوان شرق

الغرفه اصلا حجمها صغير بالنسبه لكميه الاغراض الموجوده

الة المشى المفروض مكانها مو في الغرفه

اما في الصاله او في غرفه خاصه او الحديقه

لو تستخدم علب خاصه لحفظ اغراضها مثل الاكسسوارت
والمكياج وغيره بيكون طبعا ارتب واحلى

اللوحه مكانها غلط

الجزم وانتم بكرامه مكانها خارج الغرفه خصوصا لو كانت ابوات مثل اللي في الصوره


انتم بعد لاتبخلون بالتعليق والمساعده

[شموخ]

بعد الفحص تبين لي ان الغرفه شكلها صغيره بالأساس واختنا في الله قشت كل شي للغرفه ....
لو كانت الغرفه كبيييييييييره صدقيني بتكون منظمه وتشيل أكثر ..
وصراحه فيه شي محيرني في غرفتها ليش القطع لونين ماهي متناسقه، فيه لون عودى فاتح ولون ابيض مع وردي هي اللي منسقه هالقطع والا جايه مع الغرفه اللون العودى لازم يشال من الغرفه ..
1) الالوان ماهي متناسقه ابد واللي يرحم والديك قشي مفرش السرير وحطي لون أبيض مناسب للغرفه ...

2)التسريحه اشك انها تسريحة طالبه الظاهر بعد التخرج اشتغلت في محل كوافير وش ذا العلب اللي عليها

لاتخلين على تسريحتك الا أشياء بسيطه وتستخدمينها يوميا مثل كريمات مرطبه للبشره وعطورات وارواج خفيفه أما ادوات التجميل الثانيه فحطيها في شنطة مكياج لإستخدامها وقت الحاجه حتى الاكسسوارات شيليها..

3) المكتبه اللي عليها اكياس ( ثالث صوره)مدري كأني أشوف فيها تلفزيون لو تخرجينها برى دام الغرفه صغيره يكون أفضل الا زم تشال لأن أكثر شئ مشوه الغرفه هي مضيقتها والوانها ماهي مناسبه..

والآ أقول لك غيري الغرفه اختاري غرفه كبيره بالبيت وحطي جميع احتياجاتك عندك بغرفتك مثلي شوفيني مكتبي على مكتبتي على كمبيوتري كلها بغرفتي بس الصراحه مسويتها على شكل زوايا يعنى كأنها جلسات وبينها مسافات شوي
حاولي في امك تغير غرفتك بغرفه كبيره وعطينا صورتها وانا ارتبها لك واقولك وين تحطين كل شي ..
إذا ماغيرتها عاد اصبري لاتحنين عليها

على فكره الصوره قبل الاخيره ماطلعت لي .

الا أكياسك ياكثرها وش فيها

تحياتي
شموخ

[بنت الشمال]

[align=center]هههههههههههههههه
وش هالحووووسه


أوووووول شي واللي اشوف الكل معارض عليه هو
عــــــــــــــــــــــدم تنااااسق الألواااان بالمررررره

وبعد غير كذا مدري وش كل هالأكياس وش كثررررها ومسويه زحمه بعد

وبعد غير كذا <<< ياكثر هذرتس اخلصي علينا

الغرفه مثل ماهو ظاهر قدامي انها صغيررره مره والتلفزيون مكانه يبيله تناسق أكثر وحوووسة المكتبه أسلاااااك ومدري وشووو !!
اللي فيها يبيله ترتيييب مررره
ومفرش السرير برااااااااا الغرفه ماااهو متنااااسق لونه بالمره
بالله ياللي غرفتس هذي ... وشلون شريتي هاللون!!

هذا اللي عندي وان شاء الله يفيدونتس باقي البنات ....

والله يعينتس على الترتيب



أجمل وأرق وأعطر التحايااا
غيث السحايب[/align]

[طَيْبَةْ الْفال]

[align=center]اولا السلام عليكم ورحمة الله وبركاته

ثانيا اشكر جهودكم المبذوله في مساعدة اختكم في تنظيم غرفتها

ثالثا فانا اتفق مع الاخوات في عدم تناسق الالوان وغير سالفة الالوان
نلاحظ ان الغرفه فيها اكثر من دولاب واكثر من مكتبه


اولا: الغرفه على صغر حجمها فهي مملوءه بالاغراض التي ليس لها داعي
يعني المفروض تكتفي بدولاب واحد لوضع ملابسها .. والتلفزيون ماله داعي يكون بغرفة النوم
مكانه بالصاله احسن لان غرفة النوم للراحه .. اما في حال رغبتي بوجوده فضعيه على درج صغير
مخصص للتلفاز بدلا من وضع مكتبة كبيره تشغل حيزا كبير من الغرفه

والاكياس اللي تملأ الغرفه اخرجي مافيها ورتبيه داخل الدولاب وجهاز الجري ضعيه في اي مكان خارج الغرفه ..والشنط اللي في كل مكان فضيها ورتبيهم داخل الدولاب
كما نلاحظ وجود استريو ومسجل .. ياليت تكتفين بواحد منهم وتضعينه في درج مخصص له

نلاحظ ان الغرفه مساحتها جيده ولكن بعض الاثاث ليس له داعي بالغرفه هو الذي شغل حيزا من الغرفه وبدأت لنا بشكل صغير ..


اما اذا اردت تغيير جذري للغرفه يعني صبغ وديكور فانا بالخدمه لدي افكار رائعه ..


[/align]

[بـنـت النـور]

اولا السلام عليكم ورحمة الله وبركاته



ثانياَ غرفه مين ؟؟




اول مالفت انتباهي الة المشى المفروض مكانها مو في الغرفه

اما في الصاله او في غرفه خاصه

والتسريحه المرايه بدت تختفي من العفش اللي حاطته الاخت
واللوحه مكانها غلط بالغرفه وكذلك الالوان ابداً مافيه تناسق
والتلفزيون والاكياس والعفش اللي ماله داعي

لازم لها اعاده تنظيم من جديد من الوان الى تنسيق وترتيب
وتغيير الغرفه من جذورهاااا

تحياتي
بنت النور

[ريم شمر]

شموخ
غيث السحايب
طيوبه
بنت النور

تسلمون يابنات

من جد ماقصرتوا

وبالنسبه للبنت تكتب في منتدى ثاني

وانا نقلت موضوعها كمساعده

[أحمد المشتاق]

كلكم تقولون الغرفه صغيره !!!!!!!!! مع اني اشوفها كبيره لكن الأغراض كثيره

بالنسبة للألوان صحيح انها ماهي متناسقة لأن فيه طقمين الأول كان الأبيض وهو الأصلي وبعدين لما صار زحمة اشترت اللون الثاني "خشبي مورنش"

طبعا الطقم الثاني هذا جايها تبرع يعني هدية وهو افضل من ناحية نوعية الخشب بعكس الأبيض وهو خشب مضغوط ويتكسر بسرعة

ومفرش السرير طبعا شاريته امها بدون ما تسألها وما ودها تكسر بخاطرها مع ان لون الستاره فيه سماوي "رايي تشيله" وما فيها شي اذا استخدمتة

اغراض ابو ريالين اشوفها كثيره يعني لو تلغيها مع اني عارف انها هدايا.

الصورة اللي معلقة تنشال نهائي لا تغير مكانها

اسلاك الكهربا تتشبك من الخلف مو من الأمام

واغراض التسريحة ما تكون في جهة وحده تتوزع على الجهتين

رصات الكتب "اذا كانت كتب العتب على النظر" تتوزع على الجهين يعني ما ترصهم مع بعض يعني ثلاث رفوف فوق بعض كلها كتب ما يصير

تقبلوا تحياتي

[سلطان الشمري]

[align=center]سوري يا بنات .. كنت ابي الشارع اللي جمبكم[/align]

[بـنـت النـور]

[glow=000099][align=center]

أحمد المشتاق & نبراااس


[glow=990000]عالم المرأه الخاص[/glow]
خاص بالنساء
يمنع مشاركه الرجال

بهذا القسم وسوف يتم حذف اي مشاركه لهم بهذا القسم


[/align][/glow]