[poem=font="Simplified Arabic,5,white,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياما كثير اسمـاء مـن عينـي تطيـح=من ناظري .. والا من القلب .. سيّـان
من دون ما اذكرهم ومن دون توضيح !=لكنهـم كانـوا قبـل فتـرة اخــوان
قريتهـم يـوم كتبـوا كـل تجـريـح=كتبتهـم يـوم انفضـح كـل عنـوان
غنيتهـم والليـل بـاسـراره يبـيـح=موّلتهـم .. ميّلتهـم ... مـال ميـزان
جمعتهم للغيـم .. عـن قصـة الريـح=يوم انثرتهـم قلـت مانيـب خسـران!
تصريحهم تلميح ! ماهـوب تصريـح=فيهم وفا ! مابيـن قوسيـن (خـذلان)
ياما اغرقوني مـن دمـوع التماسيـح=من زيفهم .. وبكيفهم صـرت غلطـان
فيهم من الهقـوات مـا يقهـر الشيـح=وفيهم من الهفـوات وقفـات عـدوان
ياهم علـى كثـر السوالـف طحاطيـح=وان جت على افعال الرياجيل نسـوان!
هذا الزمـان اصـلاً زمـان المشافيـح=مـا تحتويهـم قافيـه .. خـل الاوزان
إن عذربوا بي سقـت للـرب تسبيـح=وان امدحوني قلـت مافـيّ نقصـان!
يكفـي بظلماهـم حملـت المصابـيـح=ويكفي عن الشمس يتوقونـي اغصـان
من دون ذكر اسماء .. من دون توضيح=من كثر ما استوعبت ما استوعب الآن !
مافيه يـوم الا وبـه صاحـب يطيـح=وانا ابتسم لا طـاح واقـول سيـاااااان [/poem]
[align=center]
الشااااعر../
زاااايد الرويس[/align]
رد مع اقتباس
المفضلات