[poem=font="Arial,4,blue,normal,normal" bkcolor="tomato" bkimage="backgrounds/4.gif" border="double,4,deeppink" type=1 line=0 align=center use=ex num="0,black"]
[align=center]السلام عليكم ورحمة الله وبركاته وبعد
تحية إجلال لجميع الاعضاء وكل عام وانتم بخير راجياً ان تحوز على رضاكم هذه القصيده
هـات القلــم يعـل يمـــنـاك ماتـشـل = يا شــوق غـــروٍ حـــافـــظٍ لــلامــانـه
بنت الرجال الـلي ظـلالـه يـظـــلــل = عنــــود صـــيــد ولامــشــة بالخيانـه
اضبط حــروف الـقـاف ولاتعجـــل = ابسند لبونايـــــف واجــنـــب اهدانـــه
ودي معه لوبـس سـاعـه تـعـلــل = نبي الجواب وســــاعــةالـصـفرحانـه
وندرس امورٍ مالــقـيــنالــها حـــل = كثر النـقيلـي بالـــعـــرب والــعــانـــه
نقايـلٍ تحــتار فيـــها وتبــحــــل = حتى المرة عـنها تــــشـيـــتـم لـسـانه
شوارب على الرذيـلـه تـفـتـــــل = عساه للخيـبـــه وتـلـقـــا الــمــــهــانه
على الذي يهديه لنـصح يزعــــــل = وعن الــمــكــارم ها كـعنـبـه زمــانـه
وسيلته كلـه ذهانـــات وحـــيــــل = ما عـز نفســــه راضـــيٍٍ بالـــطمانـه
لوترفعـه يــم الكـواكـب تــرجـــــل = من اسفل الى اسفل موقعه وحضيانه
ذيل الجعر لوتعــــدلـه ماتــعـــــدل = لوحط بالبندق يــظــل اعـــوجــانـــه
ياليت من جابه عــقيــم وتـرمـــــل = اخيرمن اخـبــاثــا وفـيــهـــا ذهــانــه
تلو ولاهي للرجـاجــيـل مــدهــل = شربه احثـــال ولاتــقــلــط اســمــانه
حكي النميمه مزرعله ومشتـــــل = يــوجه التهــمــه بــلــيــــا بيــــانـــه
ومن قبل مايصدق رجـلٍ لــيـــازل = والـيوم من يكذب ايسولف بــشــانــــه
واخترت عن بعض التفاهات منهل = ترا الرجل دايــــم احصانه لســـــــــانه
ولاني على طبع الخلايق مــــوكل = وكل جلد قالو بــيـنــتــه بنضـــحــانــه
وحسبي ولي الكون منله تبـــــتل = يجعل خطا غيري لنــفـســي صيــانـــه
وعسى المزون بكل الاوطان تنهل = ويكـــــثر نــوار الكــرش والديدحانـــه
وتربع الفطر وسنمه تجمــــــــــل = وتشبــع من الملــيح واقــليـــقـــلانــــه
بعلو فيحان مشتي وحـــــــــــول = يم الحــقـــي والا النــــظـــيم احدرانـــه
ربيع قلبي قولة اليوم نرحــــــــل = تسعين كيـــــلو والمعـــــشــى ظمانـــه
وحلايبك صفر ومعه لون الاشعل = يا زين صفـقـــة جلـــهـــا وامـــشيانـــه
حلو اثرها باوسط الروض يابــتل = يطربك ضريس الفحل واهدرانــــــــــــه
اخير عندي من سماع المــسجــل = لوغنته ديانــــا بـــصـــافــــي ثـــــمانه
واطرب لروضٍ يوم عشبه تشكـل = بين الخـشـيـبـي والـمـصـنـدق مكــانــه
ماصار به غــنــام ولانـــزل احلل = بس ام سالــم تعجــبــك بـــروجــــانه
وعز الله ان مخاوي الـــذود مامل = صورة مـــنــه ولا مــســلــســل جمانه
اشكر ولي الكون اعـطــى وكمــل = سبـحان من فضـــلـه جزيـــل وحنــانه
هذا وخير الهــرج ما قــلــل ودل = وافضل صـــلاة على النــبي بختــمانه[/align][/poem]
رد مع اقتباس
مشرف مضيف الترحيب والتعارف
المفضلات