السلام عليكم ورحمة الله وبركاته اقدم لكم هذه القصيده التي حازت على اعجابي وتمنيت تشاركوني رأي فيها وان تنال على اعجابكم ايضا وهي لشاعره الجفول من الكويت
لا مانسينا جروح وجروح وجروح
في داخلي في ظاهري في كياني
حتى لو اني قلت يا صاح مسموح
لي عزة تفرض علي وضع ثاني
انا مثل طير رقص حرة الروح
قام يتخبط وسط دمه يعاني
والا عجوز تطلب الله وتنوح
جنينها ميل عليه الزماني
والا كما عود عقب عز ساروح
من عقب ما شيب يعيش بهواني
ياصاح انا حفظت عهدك عن البوح
ولا قمت اسولف بك لقاصي وداني
اضحك وانا في داخلي شخص مذبوح
وادافع العبرات سر وعلاني
من عقب ما كنا على الطيب ومزوح
اصبحت كني قاصده شخص ثاني
مهو انت حب الامس بالوصف مملوح
ولهو انت وقت الضيق عزي وشاني
يالله ياعلام يا قابض الروح
انك تحفظه من بلاوي الزماني
هذا وصلوا عد ما خط باللوح
على نبي كامل للمعاني
رد مع اقتباس
المفضلات