رحلتنا الى روضة سدير

[جدايل قمله]

سلاااااااام.....شخباركم يالربع؟؟
اسفه على التاخير تخبرون خيتكم الاختبارات و المشاغل وباركوا لي نجحت
نبدا بالموضوع
بينما كنت اظف عفشي مع امي و ابوي و الشغاله و العايله الكريمه ناوين السفر الى الروضه (سدير) لقيت ذاك المشط اللي من سنييييييييييييييييييييييين و هو ظايع و هالمشط صراحه عزيز و غالي و له ذكريااات<==مالها سنع صح؟يالله شاسوي مالقيت لي حتسوه تالي هالليول!! المهم قعدت اتامل في مشطي هالاحمر اللي تقل مشط طقاقه..و شكبره تسنه ساطور....تذكرت ان هذا المشط كان مهدى لي من صديقتي يوم اني كنت ادرس في المدارس الداخليه القاطنه بروضة سدير على طريق المجمعه <==امووووووووت بطرانه انتي!! و بعد ماحطينا عفشنا في الددتسن و سرينا مسكت جوالي(بطاقة سوا ياحرام) و دقيت على وحده مغبببببببببببببببره من سنييييين ماكلمتها زين ربي جاب لي هالمشط الم الشمل مره ثانيه! المهم هالبنت الله يستر علينا و عليها كان اسمها قماشه :blueroll: و كانت سميييييييييييينه و شعرها كشه و هي اللي كانت معطيتني المشط الاثري هذا
الحوار الذي دار بيني و بين قموشه
"الوووووووو قموشه شخبارك انا جدايل" "جدايل؟؟؟ نعبوك ماعرستي؟؟"<===ترحيب اهل سدير الله خير "لااااااااا ما اعرست اسكتي بس انا جايتكم الروضه لاا و لقيت المشط ذاك" "وشيجيبتس الروضه انتي و خشتك؟ هذا وقتك؟وشذا المشط اللي لقيتيه؟ خبري بك ماتكدين شعرتس"<--شهرت فيني " و انتي وشعليتس انا قاعدتن في تسبدتس؟الله يخلي لي دادتي والله<==جدتي المعمره" "طوووووط طوط طو ط طوطوطوط" "الوو هييه انتي ام كرشه؟ نعنبوك اثقلي تراي خويتس<==ماحولك احد" كان هذا الحوار الدائر بيني و بين قموشه...
صكت السماعه بوجهي؟ يرضيكم؟؟ يرضيكم يا اعضاء مضايف شمرالمجيد؟؟ <==ريال الله يجزاكم خير و لا يعوزكم بشر! المهم عاد وصلنا لم بيت جدتي و تناتقنا من الددتسن كننا والله مدري وشكننا بس كانت اشكالنا توحش : عاد تعرفون بيوت القرى يععوك توني طاقه الباب طقه بطرف اصبعي مادريت الا اسمع دررررررررررررردببببببببب! شالسالفه؟ ماوعيت الا اشوف الباب طايح على جدتي ياحرام<==انتي لو دابجته بيديك طاح البيت.
مادريت الا اسمع جدتي تونون<==ترجموها انتوا عاد! هالشلاخه مسويه لنا تعبانه :upset: ! المهم عاد تشاقلناها انا و الشغالات ووديناها مجلسها هاللي كنه مخزن ثياب امي حقه شهر العسل اللي قبل 20 سنه....المهم قعدت اصب لهم القهوه الله لا يعيد بليسهم كل ذا شرب قهوه؟ نعنبوهم يشربون 4 دلال قهوه؟ والله وجيههم مغسولتن بمردزه المهم نترك هالسالفه هذي و نخش في الموضوع دقيت على قموشه و قلت لها اوصفي لي بيتكم و اعطتني الوصف غلط بس عرفته من شي واحد<----وجه ابن فهره مدري شسمه
تدرون وشو؟











الظــــــــــــــــــــــــــــب الوردي اللي كانت تربيه و هي صغيره
طبعا رحت سلمت على الضب يحليله و اتخيله يقول"يالله و شهالدعله هذي؟" كبر و عرفني والل<--اهرجي انتي بس. بعدين التفت لقيت كل خلق الله اللي موجودين في الحاره يطالعوني!! استاحشت…بعديييييييييييييييين ذكرت اني قاعده اسلم على الظب!- ياللله مال امتس سنع ابد!! واحد من اللي مرعوبين اللي يطالعوني وده يدق على الطايف (شهار) بس تعرفون الميزانيه ماسمحت له... المهم دقيت على قماشه تفتح لي الباب و سرينا انا وياها لبيت جدتي النصابه! دخلنا عليهم و انّا نلعلع "سلااااااااااااااااااااااااااااااااااا� �م" مادريت الا ادخل غرفه جدتي هاللي تردح و القها تناقز على الفراش و تغني "اااااااااااااه يالييييييييييييييييييييل" بققت عيوني و صرت اشبه ذا وقلت "هيييييييييييييييييييييييييييه جده هنود اهجدي وشبلاك يامره؟ تناقزين فيذا محلمه انتس كبري انتي و براطمتس هاللي تقل نعال ابو عشره<===وش وجه الشبه؟؟ كلهم سود يوم حسيت ان المره منطربه التفت على قموشه والاها مفهييه فاقه خشتها بعدين استوعبت الوضع ثمن قالت "اقول يابنت امشي انتي شكل جدتس خربانه….امشي لا تفصخ جلابيتها و تطلع علينا ببدله رقص و تقعد تهز خصرها" الدنيا قامت تلف بي و بعدين قلت "جددددددددددده و صمخ، قولي لابوي اننا طالعين نتمشى<===اخس يافريي ياحركه انتوا"! و طلعنا انا و قموشه و مرينا على سوق الخظار خذنا خيار و كم من جحه و بعدين لفينا البقالات ندور ببسي تسيت مدري شسمه ولا القيتنا خبركم القرى الله لا يبلانا و بعدين رحنا للمدرسه…دخلنا صفوفنا مالقينا فيها الا الفراشات الصوماليات يبربرون اوجعوا روسنا <====حركات مدرستنا يجيبون الصوماليات اللي الساعه ب30 ريال :D.طلعنا من هالصف و رحنا لصف الرياضه <==اقول ياكثر هرجك ياختي.. و بعدين لقينا فيه مدربنا القديم (لاحظوا مدرب موب مدربه) قاعد يكتب وصيته بعديييييييين ماسمعنا الا "ككررخ" مادرينا الا التفنا عليه لقيناه ميت!!!!! و نقعد نسويها مناحه نظفنا الارض بدموعنا و قرينا و صيته ياحراام!! اول شي يقوله
"بسم الله الرحمن الرحيم………..اما بعد.
انا الحين قاعد اكتب وصيتي لاني حاس ان منيتي قربت….و بغيت…ت<==راي اتفلسف مادري شيكتبون في الوصايا قمت األف من عندي شكلي والله بابدا اكتب وصيتي! المهم نكمل….اما بعد… عندي في البنك السديراوي البريطاني سقسنتس مليون ريال<===متأثره….ابي ياخذها اول من يقرا وصيتي و يدفعها لللللل……………..لللللللل……..<===قاعده افكر ايه ايه ابيه يتصدق بها للفراشات؟" والله اني استانست على بالي بيقول ياخذ السقسنتس مليون ريال اول من يقرا الوصيه….المهم اني قطيت وصيته السخيفه ثمن مشينا انا و قموشه لاخر الغرفه لقينا اوراق بلوت :D والله واستانسنا و تسندنا على هالجيفه مدربنا هالشايب و قمنا نلعب و من حظي انا اللي كنت متسنده على كرشته و بكلللل انسجام و هدوء مادريت الا و هو ناقز ذيك النقزه اللي كنه مقبوص قبصة امي الا عصبت على فخذه!! و مادريت الا و هو يهز و يغتي ااااااااااه يااااااااليييييييييييييييييييييييييييل <====اهل سدير يتوحمون في هالاغنيه….انا الصراحه جتني ام الركب و ام الخدود و كلش! هالدبه قموشه عرفت تصرف نفسها قامت شخطت انحاشت<=== تتعامل مع60 مليون الف مصطلح. و قالت:"هييييييه انت ماكنت ميت؟" قام هو قال"ميت في خشتس يالمال الفتاق" جيت انا باسوي نفسي المحقق كونان<===تعرفونه؟ والله انا اخيتي الصغيره صاجتني به اللي اعرفه انه جني بس! "اجل وراك كاتبن وصيتك يامال القبر العجل" قال" اجمعين ان شالله انا كنت اقيل و وصيتي ذي مازعن ورقتها من دفتر فلة حجاج اشخبط و طرا علي اكتبها" ما مشت علينا الفكره بس قلنا حتى لو جني موب لاحقنا دام انه شاف جدايلي و شحوم قموش. طلعنا و مشينا لغرفنا يوم اننا في هالمدرسه بعدين ملينا و طلعنا ثمن قلطنا في غرفة المديره ناكل اوريو و جح و حليب بعدين رجعنا لبيوتنا و حنا في الطريق شفنا لنا كم من عجوز ركبناها معنا في دتسننا <==نسوي كشخه على بالنااهل سدير حدهم سيكل ابو كفرتين! و وديناهم بيوتهم و وحده عزمتني عالقهوه بس شلت هم النزله و توقيف السياره<===مبتدأه في الساقه ياقلبي و بعدي رجعنا لبيت جدتي…………………………و دخلت عليها و هي الى الحين تهز……..تؤتؤتؤ عاهات الشكوى لله بس….
ترا خلص موضوعي و تراه شلخ بس شاسوي خيالي واسع
سلاام
قمله كروز
كلمه اخيره:تراي كاتبه موضوعي هذا يوم ما كانت شغالتنا مضربه و تراي في البيت لحالي.....فحللوني اخاف تنحرني ولا شي
وش رايكم بالحلو الاحمر ذا

[سلطان الشمري]

[align=center]الله يخلف ..



اول شين ,, هع هع شين والا سين زز يالله حيييييييييييييييه

وين الغيبات بالله تدرسين لهالحين نعنبو بليستس ماخلصتي طلااااااااااااااابه هي ..؟!!



ويالله حيه نوبتن ثااااااانيه وعوداً حميداً ام جداااااااااااايل


والله فقدنااااتس ..بس عاد الله يهداتس ماقلتي لنا انك تعرفين احد بروضة سدير اقل شي نثبت الموضوع<<<ماله دخل بالمضيف بس لقافه





الله يخااااااااااارجنا ولاتشمتين بالسمينه عشان ماتنتفخين



الله يصلحتس بس<<عااااااقل بقوه



تشكرررررررررررررررراتي لتس وللمشط ..


شكرا اختي



شوكرن[/align]

[الغثه]

اتضح لي ان عمر ادون من الـــ 20

تدرين ليه

لان قلتي في اعلاه عرس امي اللي قبل 20 سنه


<<< ذكي


اغغغغ

[المطنوخ]

[align=center]

المهم قعدت اتامل في مشطي هالاحمر اللي تقل مشط طقاقه

انا مو مشغلن الا هالسالفه !!!

الطقاقات وشن امشططتهن؟؟

وشمعنى الطقاقات امشططتهن كبار؟؟؟

من كبر روسهن ولا من جعدت شعورهن؟؟











جدايل قمله

مبروك الدجه بالاختبارات

وترى مالتس الا المطبخ

واتركي عنتس الدراسه

وخلتس بغسل الدزدور

عودا حميدا سعيدا منشكحا بالشبرذم المتلولس فوق المزنبقرشي<<<قاعد احضّر الخويا

موضوعتس يبيلوه كرز تتن واربع زمزميات شاهي بالاضافه الى 6 وجبات

لقرائته على رواق

لي نكسه

يمكن بسنة 2548 تسان حنا حيين[/align]

[سالم]

[align=center]إقتباس :

ترا خلص موضوعي و تراه شلخ

هلا بتس جدايل قمله
بعد الغيبه الطويله
انتي ماشاء الله عليك كل ابو دايم مواضيعك شلخ في شلخ
>>>>>>>> امزح لاتصدقين

الله يعطيك العافيه على الموضوع
الرائع واللي اتحفتينا فيه ..

منتظرين الرحله القادمه

ماننحرم[/align]

[الـمـحـروووم]

[align=center]الظــــــــــــــــــــــــــــب الوردي اللي كانت تربيه و هي صغيره



ماشاء الله حتى الضبان فيها وردي




جدايل قملة
شكرا على الموضوع
وبإنتظار الرحلات الجديدة[/align]