وش دعوى !!

[الجازي]

[align=center]أول شيء ريومة لاتدخل هالموضوع ولا ترد عليه

لأني عارفة ردها وش بيكون تبي تقول غيّري الجهاز وافتكي

السالفة ومافيها إن النت عندي حايس ,, وتسنه وده يختبر قوة التحمل والصبر عندي

اذا فتحت الصفحة يقول لي حصل خطأ في الملقم وأعيد تحديث الصفحة وتنفتح زين ,, بعدين اذا فتحت الثانية تطلع لي نفس العبارة وهكذا يعني لازم أشوف كشرة صفحة خطأ الملقم خمسين مرة قبل ماأوصل للصفحة اللي أبيها

أول شيء قلت يابنت لاتعطينه وجه وكأنتس مااهتميتي وخليتس حليمة مثل حلم إياس

بس الظاهر إنه ناويني على نية وعارف اني ماوراي صبر ولا حلم

والحين أمبير الضغط عندي طاق الميتين ولا أدري وش الحل ؟؟

ومتأكدة الحين إني اذا ضغطت على أيقونة نشر الموضوع بتطلع لي الصفحة المملوحة بس والله لو على رقبتي ناشرته يعني ناشرته

الله الله عاد بالحلول المستعجلة والسهلة والخفيفة ماأبي عقد في الشرح >>> طرارة وتتشرط

وعندي سؤال على الطاير :

كيف أحول الأرقام عندي في الجهاز من انقليزي إلى عربي ,, تراني أعرف الطريقة بس ودي إنكم تشغلون مخختكم شوي

يالله في الانتظار على أحر من النار [/align]

[سالم]

[align=center]

اذا فتحت الصفحة يقول لي حصل خطأ في الملقم وأعيد تحديث الصفحة وتنفتح زين

سوي مثل ماقلتي
عيديها مره اخرى و تفتح معك
المضايف و كل المنتديات الظاهر ..
انها تعلق اخر الليل

انا دايم تصير معي .. يطلع لي Getway
واسوي رجوع و اعتماد و تمشي معي

بس لاتخافين ابو سلطان يجي و يحل المشكله


ماننحرم[/align]

[الجازي]

[align=center]لا والله ماهقيته لأني لي يومين أدخل في جميع الأوقات ونفس البروبلم

والصفحة اللي تطلع لي صارت تقول : خطأ داخلي في الملقم

وتسانك تبيني أسمّع لك باقي الحتسي اللي في الصفحة ترى ماعندي مانع لأني حفظته عن ظهر قلب

يسلمو أخوي سالم على المشاركة الوجدانية [/align]

[سالم]

[align=center]اذا المشكله من الملقم ..
فأنا دايم تصير معي >>> دايم كل شي يصير معه

غيري البروكسي .. لان كل ماتصير معي اكلم اول نت
ويقولون فيه ضغط و و و .. ويعطوني بروكسي


ينفع او اجيب لك اجابه اخرى [/align]

[عبدالرحمن]

[align=center]

حليمة مثل حلم إياس

[/align]


[align=center]ذكرتيني بقصة حليمة بنت الحارث ابن ابي شمر الغساني

ملك الشام

نعود للموضوع كلنا بالهواء سوا

ياريت نشوف حل يخلصنا من المل 0[/align]

[مجموعة إنسان]

.

[align=center]وأنا لعنت ابو جهازي بالشماته



وطلعنا كلنا بالهواء سوااااااااا

بأجيب لي كرسي وأرتز هنا عشان القط الحل قبلك ريّومــه [/align]

.

[الجازي]

[align=center]

ينفع او اجيب لك اجابه اخرى

لا ماينفع جب إجابة أخرى الله لايهينك

ذكرتيني بقصة حليمة بنت الحارث ابن ابي شمر الغساني

ملك الشام

طيب يوم ذكرتك ورا ماتذكرها لنا >>>> وحدة رايقة نست حوسة جهازها

إلا هو إياس اللي مشهور بالحلم ولا معن بن زائدة ؟؟ تراني تسني بديت أشك الظاهر إياس مشهور بالذكاء الله يخلف على ذكائي وذاكرتي

بأجيب لي كرسي وأرتز هنا عشان القط الحل قبلك ريّومــه

ارتزي يابعدي ,, حلالتس ,, بس أهم شيء تلقين حل عقب هالارتزازة

الحين أفهم من كلامكم إن الدعوى عامة ويمنع اصطحاب الأطفال

بس أنا مشكلتي في كل المواقع مو بس في المضايف !! يعني حتى الهوتميل جاني اكتئاب بسببه

بعدين ماتسنكم شطفتوا سؤالي الثاني ولا جاوبتوا عليه لايغركم معرفتي بالجواب تراني أقدر أتواضع وأسوي نفسي ماأعرفه بس تكفون جاوبوا عليه [/align]

[الغثه]

مساكين ياحول


لاتبتسون

سووا تحديث يما يفرجه الله





انا

[ريم شمر]

[align=center]تصدقين عاد انا اللي بجيب لك الحل
وانتي طاردتني يالدبا ...قصدي يالنحيفه

ياعمري انا قبلك بهذلتني المقادير

نفس المشكله عندي وفي كل مره احتاج

اني اعيد التشغيل وتعبت وانا ادور لها حل

ولقيت حل مع انه صعب علي
وانا بعيد وسهل عليك عندك

بعد البحث المضني اكتشفت ان حل

المشكله هو تحديث الاكسبلور
لكن اذا حاولتي تحديثه بيقولك ماينفع
العبيها على غيرنا حسبي الله على بيل غيتس
لان النسخه اكيد مو اصليه
ومستحيل يحّدث لك نسخه بعشره ريال
وجدت في احد المواقع طريقه للتحايل
على بيل غيتس والتحديث من غير

مايدري بس صراحه طريقه غثيثه

وممله وتجيب الكئآبه ومشوارها طويل

ماتصلح للزوله امثالنا

اذاً اخر حل هو العمليه الجراحيه
فرمتي الجهاز ونزلي النسخه الاصليه
للوندوز اكس بي وسوي التحديثات
وبترتاحين من هالقصه كلها
بالنسبه لي مابعد حليتها لاني طلبت

النسخه الاصليه بالعربي ومابعد

وصلتني


وانتي بعد مجمج سوى نفس الشئ

مااظن فيه حل غيره









ولو تشترين جهاز جديد يكون احسن

[/align]

[ابو فارس]

ولو تشترين جهاز جديد يكون احسن

اذا قالت حذام فصدقوها------------ فان القول ماقالت حذام
الريم مالك الا ترسلين الجهاز لي
وتشترين واحدن جديد
واضمن لك انه يصير زي العسل
---------------
هي مسالة تحديث او تعارض مع بعض البرامج
وفي بعض الاحيان خطا في البروكسي اذا كان عندك اكثر من اشتراك

توكدي من الامور هذه
ودمت بخير