[poem=font="Times New Roman,6,black,bold,italic" bkcolor="skyblue" bkimage="backgrounds/18.gif" border="double,7,darkblue" type=2 line=1 align=center use=ex num="0,black"]
البارحه كنــًي من الطوف شايف= اربع بنات ولا تبيــًنت بالليل
اثنين كفــًن ماعليهن حسايف=واثنين رمش العين فيهن مظاليل
قلت اللهُ اكبر يوم ردًن نكايف=قالن علامك قلت هدًيتن الحيل
سالتهن قالن خوات وولايف=حنـًابنات ولانريد الرجاجيل
قلت اسمعيني يابعد كل خايف= وخلي كلامك فيه نوع التساهيل
زرعٍ سمين وزرع تلقاه هايف=حال النشامى وحال بعض المهابيل
قالت لقلبك خلــًك اليوم رايف=ولاتحاولن ترني بعيده عن الميل
وحنـًأ العذارى مثلكم بالوصايف=امهار وابكار وفينا مهابيل
قلت اذا لحالك حظي اليوم نايف=واذا مخطوبه مابعد فيك تحصيل
ثم اقبلت ودموع عينه هتايف=تقولهاودموع عينه مهاليل
ان ابن عمــَه محيــَره ثم عايف=ولايتركه تقول لو ياتي سهيل
وابوه تقول اعطاك عمره ونايف=وايضاً اخوه عقاب حمـَاله الشيل
وظليت انا واختي حليمه عذايف=ولامالت الدنيا تحــَرى الغرابيل
قلت يابنت صبرك عالدهر والعجايف=والله يبدَل صبركم بالتساهيل
والزين بالدنيا تراهُ بزايف=تظهر لك البسمه وفعله تهاويل
وكم حيدٍ باسبابه سكن بالمنايف=اكفى وخلـَى لابته تزعج الويل
وحرام يصبح قلبك اليوم سايف=ولاتبدَل البسمه بدمعٍ مهاليل
قالت كلامك في ضميري صخايف=هرجك معاي بجد ولا تضاليل
وترْ بيتنا باقصى العرب به سنايف=قالت وكفــَت واختفت في دجى الليل
وفز َيت واني عن فراشي مسايف=يمار طوف اللي جرى وكل ما قيل[/poem]وسلامتكم... هذه قصيدتي اهديها الى كل اعضاء المضايف
شاعر الرافدين..
منيف بن عبيد بن حمدان بن جدعان الشمري
وارجو ارائكم وتعليقاتكم وردودكم المميزه وتقييمكم لها
رد مع اقتباس
المفضلات