رسالة الى قلبي !

[فهد النايف]

[poem=font="Simplified Arabic,5,burlywood,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياقلب مـن صـد المحبيـن ماجـور=
قبلـك حبايـب فارقوهـم حبـايـب
منت الوحيد اللي تعود علـى الجـور=
كـم صابـرٍ قبلـك بلتـه المصايـب
وش عاد لو من صد الاحباب مخطور=
ماكـل جـرحٍ بـه تفيـد الطبايـب
والا انت لو ونيـت ياقلـب معـذور=
حيٍ وكنـك بيـن عـوج النصايـب
حال الهوى ياقلـب منهـي ومامـور=
مالـه شبيـه الا مهـب الهبـايـب
لو قلت ابعشق وارسل اشواق وزهور=
ماهـو بكيفـك والمحبـه وهـايـب
لاكـن تصبـر ياخفوقـي وماجـور=
قبلـك حبايـب فارقوهـم حبـايـب [/poem]

[المجحدي]

حال الهوى ياقلـب منهـي ومامـور
مالـه شبيـه الا مـهـب الهبـايـب
.
.
انا اشهد
.
.
واشهد انك جزل
.
.
صح لسانك ولا هنت يا غالي

[سلطان الشمري]

[align=center]لكـن تصبـر ياخفوقـي وماجـور
قبلـك حبايـب فارقـوهـم حبـايـب



لغة الجنوووون ..لغة العمالقه ..


لا تحتاج الى ترجمه ..فهي صاخبه بالترف الرااااقي

استاااذي

النايف والنايف فهد


صح قلبك


والله يعينه على الصبر..,,وخذ قلبي معك


لاهنت[/align]

[مغترب بالشمال]

بالله وش اقول

يعجز القلم والحروف عن اعطئك حقك اقول

صح لسانك
لوقلت ابعشق وارسل اشواق وزهور
ماهوبكيفك والمحبه وهايب

[مابقالي قلب]

[align=center]
هنا غيمة شعر ممطرة
الرائع
فهد النايف
صح لسانك لاهنت[/align]

[سرحــان]

[align=center]




وش عاد لو من صد الاحباب مخطور
ماكـل جـرحٍ بـه تفيـد الطبـايـب



والا انت لو ونيـت ياقلـب معـذور
حـيٍ وكنـك بيـن عـوج النصايـب





الــــــنــــــايف ...... فهد




صح لسانك ولاهنت على الرائعه



تقبل تحياتي


سرحان[/align]

[ابو غازي]

[poem=font="Simplified Arabic,5,burlywood,normal,normal" bkcolor="black" bkimage="" border="none,4,gray" type=0 line=0 align=center use=ex num="0,black"]
وش عاد لو من صد الاحباب مخطور =ماكـل جـرحٍ بـه تفيـد الطبـايـب

والا انت لو ونيـت ياقلـب معـذور =حـيٍ وكنـك بيـن عـوج النصايـب [/poem]


[ALIGN=CENTER][/ALIGN]

[مذهل]

لاكـن تصبـر ياخفوقـي وماجـور
قبلـك حبايـب فارقـوهـم حبـايـب

الله الله

قناعه متناهيه ومحاولة اقناع للقلب ورضا اجباري بالواقع


صح لسانك ويعطيك العافيه


تحياتي,,,

[فهد النايف]

الغالي / المجحدي

صح بدنك والله لايهينك

تقبل تحياتي





فهد النايف

[بتول آل علي]

[align=center]
شاعرنا الجميل

فهد النايف


لن أقول أكثر من قولك

(( لكن تصبر يا خفوقي و ماجور = قبلك حبايب فارقوهم حبايب ))

لن أقــــول المزيد ،،، فالبيت تعزية عن سائر القصيدة

ألف مليوووووون صح لساااان ابداعك

وتأكد أننا دائما بالانتظار



أختك

الدهور[/align]