[align=center]الأحبه هنا وهناك
كل عاااااام وقلوبكم الطيبه بخير وصحه وعافيه
والله يجعل هالسنه سنة امن وأمان وخير وبركه على
الاسلام والمسلمين ان شاء الله
من فتره قصيره .. وصلني انتقاد او نسميه (ملاحظه ) حسب المعلومه ..
بأني اكتب شعر حديث بطريقه غير مفهومه .. واحيان اكتب من اجل ان اكتب فقط!
اتمنى اخوتي واخواتي ان لاتبخلوا علي بملاحظاتكم أوتوجيهاتكم ..
فأنا لازلت اتعلّم منكــم ..
اهدائي لكم قصيده جديده .. حاولت عند كتابتي لها ان اكون تقليديه جداً ..
اتمنى ان تحوز على رضاكم ..[/align]
[align=center][align=center]
"
"
وينـك عن عيـون السهـر.. ليه ماجيـت ؟!
عــوّدت قلبـي ماتفــارق خيالـــي
غايـب وروحـك ساكنه داخل البيـت
واحيان تجلس (( يابعدهـم )) قبالـي !!
لو كنت في حقــك انا فعـلاً اخطيـت
حُبــك ترى في دنيتي راااس مالي !
غـــرّب وخـرّب ..احرق القافيـه بيــت
لأنْــك ملكــت الشاعـــره ياحلالــي !
ماهي سوالف عشـق ( روميو وجوليــت )
ولاهـي مضـارب عبــس ( عنتـر) > يلالـي
( قيــس ) يتعلـّم من وفا حـُبـك الصيـت
وأكيـد ( ليلى ) تحتـرق من جمالــي
شوف العمر وشلون جابك وهلّيـت
يمكن تحقق من غـلاك احتمالي!
صوتك .. جنونك .. لهفتك ..كلك احيـيــت
حـس الشعـور اللي وطته الليالي
انا على درب الغـلا ماترجـّيــت
الاّ وصالـك يابعــــد كل غالـــي
كـل اللذي ممكـن اسوّيـه سوّيـت
حاول تضحــّي .. ولـعيوني ياغالي
أبي عيونـك تحتضنـي اذا جيــت
ابـي خيالك يختلط في خيالـــي
ماابيك تزعــل لو حبيبي تماديــت !
ابيـــك للحــب ( الحبيب المثالي )
وينك عن دروب السهـر .. كنك ابطيت !؟
عــوّدت قلبـي ماتفــارق خيالـــي
[/align][/align]
رد مع اقتباس
المفضلات