تحيه طيبه لكل اهل المضايف ويشرفني ان تقرأوا قصيدتي واتمنى ان تنال استحسانكم
واقول فيها بعد ماعذبني الحبيب
[poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
البارحه بالليل شوقي سرالك=ودَه يعبرلك عن الحب وشلون
شوقي تزايد وارتسملي خيالك=حتى بديت اتصورك وين ماكون
صورتك في بالي توضح آمالك=تطلب وانا اطلب والليالي لها فنون
مواطن الفتنه ربي عطالك=واهداك لي رب المخاليق والكون
شخص يشوفك سيدي مايتمالك=يضيع علومه وترميه مطعون
ولا اللذي يقدر يجاهد جمالك =عز الله انه تايه العقل مجنون
اطلب تدلل سيدي وشبدالك=اللي تريده كول له تم ويكون
ان كنت تبي قلبي القلب جالك=وان كنت تبي عيني ترخصلك عيون
وان كنت تبي عمري كله فدالك=انت الوحيد اللي على النفس تمون
لو تجتمع بنات حوا كبالك=ولو جابو من زين الرعابيب مليون
اعاهدك بالله ماهوا بدالك=انت الوحيد اللي لك القلب مرهون
ماعاشر الخفرات عقب ارتحالك=من عقبكم يحرم علي كل مزيون
عهدٍ علي اعيش عمري وفالك=وحق رب البيت للعهد ماخون[/poem]وسلامتكم
مع تحياتي واشواقي لكم
شاعر الرافدين
منيف بن عبيد بن حمدان بن جدعان الشمري
بلاد الرافدين_الموصل_ناحيه ربيعه
رد مع اقتباس
المفضلات