زوجتي ولا اهلي ؟؟؟؟

[الشبث]

[align=center]فيه واحدن من الشباب سالته وين بتروح اليوم

قال والله اباخذ اهلي وبوديهم للسوق

قلت كل اهلك ؟؟؟؟؟ ( ماشالله عليهم عشر طعش )

قال لا اباخذ زوجتي وبروح للسوق فهمت هالحين ؟

قلت ليه ماتقول زوجتي من اول ؟





طبعا اخواني واخواتي مو بس خوينا هذا اللي كذا

فيه ناس واجد مايقول زوجتي

يقول اهلي


فمادري ليه مايقولون زوجتي وهل فيها شي اذا قال زوجتي

يعني عيــــــــــــــــــــــــــــــــــــــ ـــب وشق جيب ولا لا




فهموني بسرعه قبل اتزوج واجيب العيد







وتقلدوا تحيتي[/align]

[اخو سعدى]

[align=center]شبثاااااااااان

وش جايبك هنا ..
اقول تبطي ولكن بعلمك
كثير من الناس يقولون سوف اذهب مع عيالي يقصد زوجته
وبعضهم مثل ماقلت كقولهم (( هلي ))

لكن قولك ابروح وانا زوجتي هذه للناس الهاي هاي وبس
اما مثل اشكالك لالالالالالالالالالالالالالالا


فهمت والا .. [/align]

[الاصمعي]

[align=center]هلا بأخوي الشبث

ما أشوف فرق بين الإستخدامين

فإستخدام كلمة أهلي صحيح

واستخدام كلمة زوجتي بعد صحيح ولا فيه شي

وأظن الأمر يعتمد على المجتمع ، فمثل ما قال أخو سعدي المجتمع المتعلم والمتفتح يصفون الأشياء بشكل مباشر بينما المجتمع الأقل انفتاحاً يبتعد عن الوصف المباشر <<اذا ما فهمت علي فاعرف اني أحد أفراد المجتمع الأقل انفتاحاً :wink:

تحياتي[/align]

[المطنوخ]

[align=center]شبيثان

اثريك بازخن بهذا تنذخ عند بعض الناس؟؟؟

اما بالنسبة لمويضيعك ياحلالي

انا اقول انها مافرقت وبعدين حنا مانقول زوجتي الا مثل ماقال الغالي الاصمعي

اللي فالينها ويصفون الاشياء بشكلها المباشر

حنا نقول مرتي

بس عند الاجانب نقول هلي والاهل تطلق على العائله ولا عيب ان قلت هلي ولا تسبب النقصان للزوجه

وبعدين تسان اعرست انت علمن غدي اصير عديلك ونتعلل انا وياك [/align]

[شنقل]

[align=right]شبيثاااااااان


سوعالك حوله على المتفتحين [/align]

[مجد]

[align=center]

السلام عليكم
اخي الشبت ..
بالنسبة لسؤالك .. أنا أتصور أن كلمة الأهل أحسن "اكثر شخصية"
أما زوجتي او مرتي .. لا آراها مناسبة
لان اللى يقولها كأن الشخص
متروع وفرحان أن عنده زوجه
لاسيما أن الزوجة = الأهل
لذلك ماالداعي لتحديد نوعية الاهل كزوجة او اخت او بنت اواو
أهل تكفي بالغرض

هذا رايي .. والله العالم
تقبل خالص شكري

اختكم المجد[/align]

[طَيْبَةْ الْفال]

[align=center]حياك الله اخوي الشبث

الرجال سواء كان الاخ او الازوج او الاب مهو شرط انه اذا تكلم عن احد من اهله يحدد من يقصد ( اخته ، زوجته ، امه ...)... وهذا اتفق فيه مع اختي مجد

وكلمة اهلي تقولها كنوع من التحفظ
للناس اللي ما تمون عليهم

طيب لنفرض اذا كنت بالسوق وتبي تنادي اهلك كيف تناديهم باسمهم او تقول هيه شي طبيعي بتقول يا هيه <== هالسالفه جايه عرض

عموما بالنهايه تظل هي من العادات التي ورثناها عن اهلنا [/align]



.

[مجموعة إنسان]

.

[align=center]من ملاحظاتي في المجتمع


إن الشخص لايلجأ إلى مسمّى ( أهلي )

إلا في حالة الرد على سؤال شخص بعيد نوع ما

ومثل هذا النوع من الاشخاص لاحق له بالخصوصيات

فدعه لايميّز من المقصود : أم ، أخت ، زوجة ، إبنتة أو أي من أهل البيت

ولكن إن كان السؤال آتٍ من قريب كأخ ، عم ، خال أو صديق مقرّب جداً جداً

فلن يلجأ الرجل الى مسمّى ( الأهل ) بل سيحدد بقوله :

سأصطحب زوجتي ، أمي ، أختي .... أو ماشابه إلى المكان الفلاني


والله أعلــــــــــــــم


اخوي الشبث


شكرا على طيب مشاركتك معنا بموضوع من أرض الواقع

[/align]
.

[ابو منيف]

الشبث

لا وبعضهم يقول عيالك يقصد الزوجه مثل سالفة واحد ماصارله اسبوعين متزوج يوم داوم سأله خويه ماجبت عيالك يقصد مرته

ومثل ماقالو بعضهم يستحي من ذكر الزوجه لأسباب نفسيه

[أسير الماضي]

أنا شخصياً

أبي اقول أهلي أما قولة زوجتي فهو يصعب على البدوي

مشكور يالشبث