[align=center]كنت مرتن من المراريت في خلوتن مع نفسي في قوضتي( غرفتي )
واقرا من هالجرنارات ( الجرايد )
واحاسب نفسي واتجادل معه ونوبن نتخانق
ويوم خذيت شوين وهو يدق الملوي ( الجوال )
وهو يحاتسيني هكا اللبناني
قال بنزوار
قلت بنزوار جابتوه امك
قال ولك انت السيد شبث
قلت ارسل ( لاهسن على الكنود )
قال معك جور قرداحي من القناة الفلانيه ( احلا مايبي يسوي دعايه )
قلت وش تبي يا مرجي مناحي
قال بدنا تيجي لعنا بلبنان
قلت لاوالله ماني جاي
قال ليش ؟؟؟
قلت والله انتم يالبنان نارن كبرا
وما تعاملون الا بالدولار
قال لا ياسيد شبث نحنا بدنا نضيفك
قلت هين علومك
الوكاد رحت يمهم عقب ماشيبت بالاخ مرجي مناحي.
ويوم دنت جبهتي بمطار بيروت وهم يتلاقطوني هالحمران
وعندك عندك وبسااااااااااااااااااع لياحنا بالفتدق
ويوم جاء من باتسر وهم يودوني للاستديو
ولياوالله هذا ابو مناحي ( جورج قرداحي ) وحنا نتسالم
يالله حيوه تسيف انت وشلون هاللي وراك وشلون اللي جيت منهم
وانا اعطيه مجنب واستدني الجمهور واسلم عليهم واحد واحد ( سلام عرف )
ويوم جلست على كرسيي وهو يقابلن ابو مناحي
قال سيد شبث انت عندك مشله اديمه مع واحد صاحبك
ونحنا جايبينك هون عشان نحل المشكله وصاحبك موجود عنا خلف الستاره
قلت منهو هو
قال بعدين بناولك
قلت الظاهر انك ماتعرف الشفايه ودوره بتدهور الصحه
قال ياسيدي اللي طالبك هو صدياك شنأل
قلت شنقل
قال ايه
قلت يامشنقلن بالفور انت وياه
قال انت هالا هدي اعصابك واولنا شو هي المشكله اللي بينكون
قلت والله يابو مناحي سالفة ماتنسولف
قال وليه يبعتلي حما شو هي السالفه
قلت مرتن من النوبات جالسين عند الربع بالمضايف
وهو يقمز شنقل يصب القهوه
ويوم جاعندي وهو يعديني الفنجاااال
قال ايه وبعدين
قلت وجعين هذي مهي مشكله
قال ياسيد شبث انت اسمع كلام شنقل واكيد انو نادم على اللي ساواه
وهم يطلعون صورة شنقل بشاشتن كبااااااايره
ولياوالله هذا شنقل لابسن فنيله علاقي قصيره وطالعن سروه ( مليانن قطن )
ولابسن الهيلاهوب الاصفر ( يعني كاشخ الولد )
قال ابو مناحي هاه يا سيد شبث نفتح الستار
قلت فنك ( اداة تستخدم للتحدي )
وهو يفتح الستاره
ليمار هذا شنقل دزدامي
وحنا نتكامش
ونتقاضب الشوش وتغديلك حوسه
وهم يبلشون بالتحجيز
وجيتك منهم مادري عنهم
وتقلدوا تحية اخوكم الشبث[/align]
رد مع اقتباس
وفش خلئك 00 وعلى قولتهم إلى رجعه 000 
المفضلات