ياصاحبي خذ راحتك ماتكاثرت
لو تطلب عيوني تراها حلالك
حقك على مغليك كانك اشرت
باصبعك فزيت تامر وأنا لك
دامك سكنت بمهجة اللي تخيرت
مازلت في قلبه لوحدك ولحالك
هذا انت ما أذكر مرة انك تغيرت
كبير متواضع خيالي جمالك
وشلون ما تامر وأنا لاتذكرت
نظرات عينك وارتجافة شمالك
كنت تنثر وأجمعك لا تنثرت
وأصب فنجال الغلا من دلالك
وتغيب عني وان تغيب ماعذرت
وأنا معك جنبك وشفني قبالك
وان همت مع سرب الحمام وتطايرت
صحيت من حلمك لوعة خيالك
وأخذت لأنفاسك حياة وتصبرت
على دفا شمسي وفرقا وصالك
وان هب نسناس الهوى ماتوخرت
خل الهموم لخاطر ماشكالك
قصيدة للشاعر دنيتي عجايب منقولة من منتجى الخيال
أرجو أن تنال إعجابكم
ولكم تحياتي وتقديري ,,,,,,,,,,,,,,,,,,,
أبو ممدوح
رد مع اقتباس
المفضلات