[poem=font="Simplified Arabic,4,black,normal,normal" bkcolor="transparent" bkimage="backgrounds/18.gif" border="double,4,gray" type=1 line=0 align=center use=ex num="0,black"]
راكب اللي مابطبلونه يعده = لامشى به لآخر الطبلون عدي
من السفينه نزلوه بشط جده = كمل التمرين في جده ومدي
آخذه دين وسداده بعد مده = مع كفيلً للخساير مستعدي
بالمواتر ماصنع موتر يحده = لامشى بالدرب لايمكن يحدي
صانعه ملعون أبو جدً وجده = كافرً بالدين واعن الخير صدي
جيب جي إكس آر منوة من يرده = بعد داره عن محبً له يودي
طالبك ياسايقه لالا ترده = أدعس البنزين تكفى لا تهدي
عشقه واحد وثم لثنين رده = وعطه ثالث كان هو ستين عدي
وأيصل الميه وعشرين وتعده = وعشقه رابع وللخامس تعدي
مد رجلك فوق بنصه ثم شده = وشغل الأكباس وأنوار التحدي
ود مكتوبي لنور العين وده = وبلغه أزكى تحياتي وودي
وقله أنه مثرً بالقلب صده = وقله أن القلب عن غيره مصدي
وقله انه ماحد سد بمسده = وده اللي بس شد القلب شدي
ياربيع القلب لا تنسى الموده = بعت منهو لك على غيرك يبدي
الصبر بالقلب وقف عند حده = من هواللي قال ماللصبر حدي
بين لوعات الزمن جزره ومده = الفرح من داخل القلب استبدي
من كثير الصبر قلبي باح سده = باح صبر القلب ثم أنباح سدي
كلمتين أقولها خذها ورده = والمحبه شرعها أخذً وردي
أبسوم الود وأنته لا تحده = عادة البياع لامن حد لدي[/poem]
رد مع اقتباس
مشرف مضيف الترحيب والتعارف
المفضلات