النطول بن ارثر وحكمه لانجلترا (( 2 )) (جديده)
نكسنا معكم اخواني المتسدحين على بطونهم واللي ماعندكم الا درع بهالبيبسي
ياما تنفخ وجناتكم<<<منو يتحدى باللغه
الوكاد ننكس لسالفتي انا فخامة النطول بن حسين بن المتمشقصه بن ارثر دام ظلي الشريف
ومعاي عطايا الله العشير ابوغازي والمنحاش من صولجان ابوه محارش
ويوم وصلنا تقاطع قطار قفار مع بيكاديللي وليا والله هكالديره به حنشلية قشران
وكان رئيسهم واحد.ن ينقال لوه صلفيق ابوقناة وكان الملوي هامتن ماحنا حوله وكان اصالعن
ومايشوف الا بعين والثانيه مركبن به خاتم ذهب ((ابن الحلال سمع بسن ذهب ويحسب حتى
العين لها عين ذهب))
الوكاد وهو يشوفنا ويجينا ويقوم ابوغازي يتنافض تسد حاشروه صلفيدز مبطي ومحصلن لوه
كم رجده
الوكاد وهو يجيناانت يا صلفيدز وهو
يقول على وين ياشباب قلنا ابد نبي ننهج نسافر
قال صلفيدز:وين؟؟
قلنا:للمعيدزلات...((وبهكالوقت العاصمه محد يروح لها الا اللي عندوه دراهم))
قال صلفيدز:المعيدزلات ها...؟
(وهي تلاصف عينوه الذهبيه واذا تلاصفت دليل على الشر بعينوه وعلمتوه)
قال صلفيدز
:اختصروا اموركم من البدايه تبون تعطونن من جنيهاتكم((عملتنا هكالوقت))
ولا اجيب الربوع
قلنا: لا ابد طال عمرك اللي تبيه يصير
وهو ينطق المقرود ابوغازي
ويقول الا تبطي عظم ماتاخذ ولا جنيهن وانا ولد ابوي
((وتسننا ماندري ونقوم انا ومحارش نبعد عنوه شوين شوين))
الله يجيركم وهو يزنجر هالملوي صلفيدز
ويقول:وشو؟؟؟!!!
قال ابوغازي من قال هاه سمع
قال صلفيدز:ماهو انت اللي انا دابك من هكالسنين ؟؟
قال ابوغازي((وفي عينيه بريق الشجاعة والثقه)):اي نعم انا
ولكن......
راحت ايام الذله ودخلت معهد صحي لكمال الاجسام واذا مو مصدق تعال نسوي 50 ضغط
قال صلفيدز:العب معاك انا ؟؟
وما يمديه ختم هالجمله الا ابوغازي طايرن فووووووقوتامزن بخشموه وعاضوه ومجودوه المذهوب ماهو شطاره
الا يدري ان فلت صلفيدز هذاك علموه بالدنيا
الوكاد حنا يوم شفنا خوينا يبي ينطحن من الضربوحنا تلاقط عيوننا 90% ندور النحشه
و10%ودنا نتفرج ونشوف وشيصير<<<انا اشهد انهم نكبة
الوكاد قلنا الدعوة خربانه وان تمكن صلفيدز من ابوغازي والله يلحقنا الدور ويكرفسنا فوقه
وحنا نجيك تقل بيرق
يمار محارش الله يسلموه مكثرن من شوفة بورسلي ومتأثرن بوه
والله يجيركم وهو يقوم يسوي استعداد لحركات الكراتيه قبل الضرب
وانا اجيك وليا والله هكاللي((هوز)) طايحن على الارض
وانا اتناوله واربط رجول صلفيدز وهو يخثع وانا اقمز وليا والله متكي على صدروه ومكتفن يديه
وابوغازي ليا هالحين متولجن خشموه عاضوه
وانا اراعي وليا والله لمعة العين الذهبيه تخطف الشوف
وسولت لي نفسي بأستعارة وليس نطل هالعين يما ربي يفرجه وارجعها
وانا بنص المعمعه وانا امسد عوينت الرجال واليا والله الدم تقل نافورة
ويم انوه خدرت حركتوه شوين شوين وحنا مربطينوه باللي ((الهوز))
ياااااااامااااااااا وقف...
قلنا الرجال ودع وانا انصلق ادور قلبه يمار يقول طربق طربق
الوكاد درينا انوه منصفر
من الدم اللي راح
وحنا نقوم رافعين روسنا منتصرين على العدو اللي اشغلنا وحنا وغدان
وكمخنا ياما قال بس
بس ربك لكل عدو بالمرصاد
والوكاد وحنا نلتفت نبي خوينا فتى الكارتيه محارش وليا والله ليا هالحين
وهو يسوي الحركات وحنا نجروه مع شوشتوهونحشنا
الوكاد خوينا ابوغويزي
ماش اكتنوه شاف نفيستوه علينا عقب ماطرح صلفيدز ابوقناة
ويحسب انوه يبي يقدر على قال يالنطول قوم حك ظهري
قلت انا ولد ابوي انت وش تقول
وانا الوي يدوه واصفقه بالجدار وهو يجيني مرتد من الجدار مثل المصارعه
وانا انحني واليا والله صار فوق كتوفي وانا ازمه فووووووق
وابسط بوه مع الشيله اوووووه لا
ابسط بوه بالارض وليا والله تسمع نحيطوه<<<جودوه على خوياه اما لغيرهم
هذيتس غبرتوه
الوكاد عقب هالجضعه تقل تعدل العشير ومحارشوه مابوه الا النوم وهاليودع كبر رواسوه
من كثر النوم.
=======================================
الوكاد عقب ماخلصنا من صلفيدز ابوقناة نتوقف الى ان نستعرض لكم المغامرة القادمه
من سلسلة الطرق الى انجلترا وحكم النطول لها
وما يحتاج اعيد واكرر حقوق الطبع ليا هالحين عند ابوصولجان
وتقبلوا تحياتي الصاااااااخنه
رد مع اقتباس
[/align]
المشاركة الأصلية كتبت بواسطة النطول
المفضلات