[align=center]اجتمع قطعة ربع من شباب المضايف يبون يروحون للمكشات بهالاجواء الربيعيه
على جيب ابو غازي الحمر وهم :
ابو غازي الدليله وذيب شراف والاصيل وسرحان والنطول والمخاوي والمحروم
والشبث وشنقل .
وعقب ماشالوا القش فوق الجيب ركبوا
وطبعا ذيب شراف السواق وعلى يمينوه ابو غازي الدليله
اما المرتبه الثانيه فيوجد فيها سرحان والاصيل والمخاوي
والاربعه الباقين شنقل والنطول والمحروووم والشبث
فارشين بطانيه بالمرتبه الاخيره ويلعبون هند
قال ابو غازي هالحين يالربع ابوديكم يم مكانن ماعمركم شفتو مثلوه
وهم يقومون لهم صياح وتشجيع وتصفير
الا ذيب شراف اللي من مشوا وهو صاكه لطمه وزقاره بثر الاخرى
وكل شوين فايعن عليه ابو غازي انت يوم انك اعميتنا بهالمخزي وش علمك
اما اهل المرتبه الثانيه الاصيل والمخاوي وسرحان طاحوا بالالغاز
مار عقدهم سرحان بلغزن يقول( طيرن طار مع الاوكار ذنيبوه ريش وراسوه نار )
اما المرتبه الاخيره راعين الهند فعزتي للي يرجيهم
وكل شوين قامزن شنقل هند
ويقمز عليه ابو غازي ويقوم يمسوه بالعقال ويبلشون العيال بالتحجيز .
الوكاد قالوا هاه يابو غازي مطولين نمشي
قال والله يالربع اننا حولوه بس انزلوا خلونا نضبط غدانا وعقبه نمشي
قال النطول انا ابسويلكم برياني انما ايه تاكلون اصابع رجلينكم عقبوه
قالوا نزلنا
وهم ينكبون اهل المرتبه الخلفيه مع الباب الخلفي جميع ( واحد فوق واحد )
وينزل شنقل لابسن هيلاهبوه الاصفر ومعوه الكوره ويقول يالله ياشباب فرقنا !!!
وهو يفوع عليه ابو غازي ويقوم يتهودوه بالهوادي مار الله فكوه
قال ابو غازي يالله نزل هاللي عليك ولا تلبسهن ليما نبني خيمتنا
الوكاد ركب النطول قدروه وجلسوا يتحرون الغدا
ويوم خذوا شوين وهي تثور سليما
ليمار القدر بالخضيرا ( بالسماء )
والعيال متطشرين
وشنقل لقوه على بعد اربعه كيلوا منصفر
والنطول لقوه بالكبوت
اثري النطول مركبن القدر على لغم!!!!!!!
قالوا بليا هالغدا وهم يمشون
ويوم خذوا هناااااااااااااك قال ابو غازي اوقف ياذيب ابتعرف على القاع
قال الشبث قط عليه الرقم وحنا نمشي ( يستخف دموه )
وهو يمسوه ابو غازي بالعقال يالوه جعير .
الوكاد اوقفوا ونزل ابو غازي وذيب شراف وسرحان والاصيل يشوفون القاع
ويوم خذوا ربع ساعه وهم ينكسون على خوياهم
ليمار مربوطة يدينهم برجلينهم تقل صخول
وعندهم ناسن متلطمين ومعهم سلاح
قالوا اهلين باللي يساعدون الامريكان على المسلمين
قال ابو غازي والله يالربع انكم واهمين
حنا ناسن كواشيت
قالوا هالسع امشوا معنا نريد نضيفكم
وهم يستيسرون الربع ويصورونهم ويهددون بقتلهم
ويوم طلعت بالاخبار على الجزيره ( خبر عاجل )
ليمار العيال يشرون للكاميره ويتبسمون ولهم ذالين
وشنقل يسوي حركة بيبتو والشبث يزلق على بطنوه
والنطول ينقز على ظهر ابو غازي
وهي تندبل تسبود الخاطفين منهم ودريوا انهم مهم فيدين هالسوالف
قالوا يالله ارجعوا مع اثركم ولا توطوطون هنا مرتن ثانيه
وهذي هي كشتة الفلوجه
واسف على الاطاله
وتقلدوا تحية اخوكم الشبث[/align]
رد مع اقتباس
[/align]
مشرف مضيف الترحيب والتعارف
وقلت هند 
المفضلات