ألإهــــــــداء الى سما العيون الحايره...
والله ماأسئل ليل الأحزان لو طال
ولاني ناشدآ لو يزور مماتي
والدمع لو حرق جفوني ولو سال
والله ما أسئل عبرتي ليه تأتي
ورمضاء الزمان ووقفتي وأشهب اللال
ماحركت فيني عجايب سكاتي
والله ماأنشد قيظ عمر بكى ظلال
ولا أنشد سنين بالعناء مقبلاتي
ماعشت ادور سر حزني والأهوال
ولا مدور سر العطش في لهاتي
أيام واوفى دينا ارواح واموال
وبين الجسم والطين وعد ثباتي
طبعي بدوي واعيش الأيام رحال
يطول دربي والمسلي عصـاتي
عرفي قليل والعزى إنسان مهتال
وضعيف لو عيني هناها مباتي
ومع هذا لي قلب به اشواق وآمال
ومحطمه طبع الكآبه بذاتي
ياما داعني لما مضى واتعب الحال
وانا الصبر وعناده ابرز صفاتي
ايذكر حب البرأه والأطفال
واقول مايبقى سوى ذكرياتي
ايذكر باللي له العمر مدهال
حبه بقلبي حب ضحك لشفاتي
ماعشت ادور فرحتي بين الأطلال
ولاعشت ابي ارجي كاتب له وصاتي
هذا انا ماني بناشد عن الحال
مناظر اللوعه…جواب المماتي
…….دروب الشوق….
رد مع اقتباس
المفضلات