[align=center]خش بالموضوع على طوووووووووووووول
دق علي الشبث قال وينك
قلت وش تبي
قال اقول وينك
قلت ليه ولي امري
قال اقوووووول
قلت انا بتونجيقيا
قال مشينا ....... قلت مشى بطنك وين تبي تقلعنا
قال مالك شغل (م ... م ) ( محفول مكفول) مايعرفه الا اهل السفريات
وين وجهنا يالولد قال قطر نبي نحظر كاس الخليج
الظاهر ياشبيثاااااان ان نسيت وش صار لنا بلملعب الملز
قلت اوكيه بس لازم تاخذ موافقه من ولي امرك مابلغت السن القانونيه للسفر
قال خلك من التريقه ياشنقل
ابحجز بالباص (زي العاده) واجيك
للمعلوميه من هوايات الشبث السفر بسابتكو ومايركب الا بجنب السواق وجبهته لازقتن بالقزازه
المهم جاني الشبث مابغى يحول من الباص ماخلصت سوالفه مع عشيره سواق الباص
ويركب معي يمار شبيثااااااان
لابسن له دقلتن خضرا ووجهه صابغه لونين اخضر وابيض
وكاتبن على الدقله (((مــــــــــــــ999ــــاجدونـــــــــــا )
والله الحق ان معه علم النصر
الوكاااااااااااد
قطر على التمثال
ودووووووووووووس
محد طافنا طبلون السياره وعلينا مطر انواع التغبيرات
ملحمين ورى التريلات (ترانزيت) وتريلات المراعي
ويوم خرجنا من المنفذ الا وسيارتنا تنتع
ياما قالت هذا مكاني
ياوالله البلشه
الحين وش السواه
وحنا نشر محد وقف علينا
عزالله محد واقفن علينا من زين هالوجيه
قلت الشبث ماحولك عباه
قال ليه رايحين نشجع السودان
المهم شحنا السياره على سطحه ورجعناه للسعوديه
قلنا والله مانرجع حاظرين البطوله وعسى الله مايعوق بشر
وهو يسفط علينا راعي دينا محملن شعير
وحنا نلوح فوق الشعير انواع التشجيع والهجوله ياما دخلنا الدوحه
قلت شبيثاااااااان معك رقم المحروووووووم
قال ايه
قلت وجع ايه دق عليه
وهو يدق عليه
وبساااااااع الا وهو عندنا
الا اكا الولد اللي ماعندك احلى منه(سكبه)
يهلي ويرحب يالله حيهم
والشبث يرد عليه ( وحده وحده وحده ...... اووووووه)
هههههههههههههههههههه
ههههههههههههههههه
هههههههههههههههه
قال مشينا للبيت نبي نتقهوى والعشاء الليله ونبي ناخذ علومكم
ونعرفكم على الربع
قلنا ياولد حنا عجلين نبي الملعب
قال الحيمن مشينا ( ياوالله الفشيله)
وانا اراعي للشبث وهو دقلته الخضرا وجهه المخطط
وانا وغبوطي الاخضر وهيلاهبي الاصفر يمار ماينواجه بنا
الشبث عادي عنده ماهمه
ونركب معه على الفكسار والشبث يطلع العلم ويشجع
وصلنا لبيت المحروم ماشاء الله قصر تطارد به الخيل
الا المجلس صك لاخره
الشبث وهو يتقلدهم واحد واحد تقل يعرفهم له سنين
انا سقطت بي القاع من لبسنا ( لاني الكبير والشبث وغد ولا يعرف هالسوالف)
وهو يجلسوننا بصدر المجلس
شبيثااااااااان وهو يلز يم له واحدن وقال له
تعرف ابو غازي والمخاوي
قال الرجال لا
قال انت عضو بالمضايف قال لا
وانا اندغ الشبث قلت يابيه فشلتنا انكتم لا الخلك اطير الصبغ اللي بوجهك
المهم جت الساعه سبع باليل
قلنا نستاذن نبي نروح للملعب مباراة السعوديه والكويت
قال المحروم
علي الطلاق ماتروحون عشاكم خالص
قلنا ماحنا مشتهين مرينا على مكندوز ( ماكدونالدز) قبل لانجيكم
قال هذي بحق لاتفشلوني عندي ربعي
ابد مامن روحه
ياليل مطولك
الشبث بغى يسوي حركة الدعيع ياما مسكته
قلنا طيب شغل التلفزون قال هذي عيب عندنا والمجلس به شيبان ينقدون علينا
الوكااااااااااد قعدنا
الشبث تنكت معه..... وهو يقلطون عشاناويوم قلطنا الا واحدن من العيال يدق عل الشبث قال السعوديه انهزمت
الشبث جته سويداه..... بغى يقوم على ماقلطنا وانا امسكه قلت ادخل على الله لاتفضحنا
ونظرب ظرب بالمفاطيح ....... قال الشبث ماعندكم شطه
هههههههههههههههههههه
ههههههههههههههههههه
ههههههههههههههههه
الشبث بعد العشاء انجضع على المركى يبي يصرف الربع
قال ابي انام
الا الربع سروا كلهم (ذكي)
ويجيب لنا المحرووووم فرش ومخاد ومضاريب
يعني ناموا
قال الشبث ابي شيشه (سندي) ودن للمقهى
ومارجعنا الا اخر الليل
وحنا نتواقع بفرشنا
ياربي ياشخير الشبث يقعد الميت
وانا بغرقت النوم الا وصفقت الباب
وانا اراعي للشبث الامهو بفراشه هقيت ان جته حالته
الليد به هدبدب (المشي ليلا وهو نائم)
وانا اطرحه عند باب الحوش وهو يخربط ويسولف
ويقول الوغد الشلهوب ليه يشوت البلنتي
وانا ارجعه لفراشه
وانام لي شوين
مافطنت الا الرجال يندغن ياهذا الشبث اهب ياوجهه
قال شنقولي انا جيعان قلت من قال لا لاتعشي
قال يافلان لهدتن نتيجة المباراه قلت وش تبي الحين
قال ابروح للبوفيه
قلت ول
ياما جايبن فول وتميس ومعصووب
وحنا ندغ به
عقبه بعشر دقايق الاحنا متنحين الواحد ميقدر يتنفس
ودعس نوووووووم
الا المحروم يقعدنا قال يالربع حنا الظهر وجاء الغداء ومابغيت اقعدكم
يوم شفت الفول والتميس عند روسكم
قلت خلهم يشبعون نوم
بالله عليكم قوموا الحين يجووون الرجال
قال الشبث والله ماقوم
الفول جامدن على تسبدي واغسل يدك من القومه
يامار المجلس غادين حوسه والطفايات ملياناتن زقاير و فراش الشبث غادين لونين
من الصبغ اللي بوجهه
وفراشه به رطابه ( المصدر مجهول)
والفراش والمخاد متطشرات تقل ظاربتهن لهن عجه
اللي مهولن به كاسة شاهي فوق المروحه وشلون جت مدري
المحروم ساعه وهو يرتب المجلس يالله خلص ويفتح الدرايش
وانواع الخون
الوكاد تغدينا
قلنا عاد اليوم راحه للمباريات ودنا للمعارض نبي ندر لنا جيوب
وست ساعات وحنا نتخم بالمعارض بطرق السبحه (نتفرج لانشتري ولانسوم)
المحروم انهد حيله ولقيناه نيم بالسياره
الزبده مافيه شارع بقطر الا ومريناه
المحرووووم جيبه مشى بس من جيتنا عشرة الاف كيلو
وحنا ندرج بالشوارع
ومرينا من عند مسجد قال المحروم نبي نصلي المغرب قلنا حنا نجمع ونقصر
قال حولوا اقصروا المغرب والعشاء انتم ووجيهكم
الا خوينا تقل قافلتن معه
قلت شبيثاااان انت مزعلن المحروم قال لا
قلت انا ملاحظ ان وزنه نقص من يوم جينا وله يومين مانام تقل مرافقن مع مرضى بله مستشفى
قال الشبث يمكن عنده اسهم ونازلتن اسعارهن
قلت لا والله الا حنا اللي دبلنا تسبده
حول خلنا نصلي
وحنا نصلي ويوم خلصنا من الصلاه
وهو يرفع يديه المحروووم وهو يدعي
طول حسه
ياربي انا وش سويت بدنياي
انا ماعمري ظلمت احد ولاتعرضت لحد
يارب يفوز اليمن على السعوديه
وتطلع السعوديه من البطوله ويرجعون جماهيرهم ( وهو يراعي لنا)
الشبث يتبسم مايدري منين هي هابه
ههههههههههههههههههه
ههههههههههههههههه
هههههههههههههه
ههههههههههههه
هههههههههه
ههههههههه
ههههههه
ههههه
ههه
والله يالربع عجزت لاكمل
ذبحن الضحتس
مع احترامي للاخ العزيز المحرووووووووووووم[/align]
رد مع اقتباس
المشاركة الأصلية كتبت بواسطة شنقل
عاد وقدام الكويت 
مشرف مضيف الترحيب والتعارف
المفضلات