[poem=font="Simplified Arabic,4,white,normal,normal" bkcolor="transparent" bkimage="" border="double,4,gray" type=1 line=0 align=center use=ex num="0,black"]
القلم فوق أبيض الطرس جا متدلي = نفس قيفان المروب لحن لعبوني
هو تغزل في حبيبه وأنا في خلي = وكل منا في حبيبه هايمً مفتوني
واعذابي كل مازل يوم ويومً هلي = أتهقوى بالسعاده والشقى مضموني
واعذابي ما ليلً علينا طلي = أطلب المرقاد لكن يرفضن اعيوني
كيف خلي من شديد البطش لا ماذلي = كيف لاهم لا يخافونه ولا يرجوني
تل قلبي تلة الجمس يوم أنتلي = مع غزيرات الطعوس وسايقه مجنوني
حرضوه اخوياه لنايفً متعلي = يطلعون لفوق نوب ونوب ينحدروني
مع حدى الطلعات تله وكاد يولي = مار ماهو خايفً مايعرف الهوني
الوكاد الجمس متعودً للتلي = مع رفيعات الطعوس سليتره مازوني
مار أنا اللي من سبب تلته منسلي = مستريحً شف بالي وانا المشطوني
قلبي اللي غيم همه ماهو متجلي = برق حزنً في خفوقي وحزن مزوني
قلبي اللي للطريق السّنع مادلي = يتقدى في حبيبً عقيله دوني
قلبي اللي من سبب ساكنه معتلي = كيف أنا أسجنه في قلبي وأنا المسجوني
قلبي اللي كامل الزين له محتلي = أحتلال القدس الأقصى من بني صهيوني
راسيً من فوق عرشه وله متولي = ويتومر ساكن الخافق المحزوني
العيون السود وأهدابها المتدلي = هي دواي وشف بالي وهي طاعوني
الله أكبر يالعيون السود يالدن لي = أتحلحل مثل أكا الثلج بالماعوني
يوم هو من حدر جمر الغضى متصلي = جارك الله كيف من حطوه له ينسوني
نصفه الأول تبخر ونصف أنزلي = مثل مانصفه تبخر بايحً مكنوني
ياندبني ياعذابي لفيته كلي = يقتلب بي كل ساكن اليا فرعوني
عند وصله يابس القلب بي يبتلي = وأن قصر رجله عشيري يابسنّ اشنوني
قلبي اللي من مواصلك لا ماملي = كل يومً يم دارك أسوق ضعوني
جل من صور جمالك إلهي جلي = قايلً للزين كن به .. غدى مزيوني
جسمه اللي من جميع الحلى متملي = تربةً فيها جميع الحلى مدفوني
الجديل ليا لمسته نعومة زلي = أو سبيب اللي عنانه بأفمها معنوني
عنق ريمً في مداهيل الربيع امفلي = وجيد خشفً سامعً صوت اللي يرموني
وعين حرً يوم حول لجول أختلي = من مخاليب اعيونها ماني ابماموني
ريقه الي حل ثمً عاد لي ماحلي = ماهيقت أنه حرام السكر بليموني
الوكاد أني من أسبابها منعلي = والوكاد أني سجنته وأنا المسجوني
يامجاراة المروب ختامه حلي = شمري مع شمري في لحن لعبوني[/poem]
رد مع اقتباس
المفضلات