كثيراً مانسمع فى هذا البيت ......؟؟

[الشمـــااااالي]

[align=center]
كثيراً مانسمع فى هذا البيت ......؟؟
الولد وان طاب طيبه من خواله وان تردى ... ؟

الا ان البعض لايعرف القصيده كامله
لذا احببت نشرها ليطلع عليها أعضاء وزوار هذا البيت الصغير
والحقيقه أن هذه القصيده كثير مانسمعها في المجالس
ولكن لا نعلم من هو قائلها أو بدايتها ونهايتها


واتركم مع القصيده للشاعر / راشد بن حسن بن الذيب العجمي

قالها إبن الذيب من هاجوس بالـه
,,,,,,,,, كلمةٍ يلعـب بهـا والبـال زينـي
قالها يومـه طرالـه مـا طرالـه
,,,,,,,,, من هواجيسٍ تشيب المرضعينـي
غرّني بعض الرجال بكثـر مالـه
,,,,,,,,, مادرى إن الموت في حبل الوتيني
كيف ينفعني وبعض الناس خالـه
,,,,,,,,, ما يدوم البيت كان الساس طينـي
ماش وين اللي عوايـده الشكالـه
,,,,,,,,, مثل إبن ظافر حمد ليتـه يجينـي
الثنا والجـود دايـم فـي خيالـه
,,,,,,,,, علّمـه ظافـر سلـوم الطيّبينـي
جـوّد العليـا ولزّمهـا عيـالـه
,,,,,,,,, وأدركوا من علمته دنيـا ودينـي
واهني من باع حظّـه وإشترالـه
,,,,,,,,, سار في درب النبي وأخزا اللعيني
موقفـه ماكـل رجّـالٍ ينـالـه
,,,,,,,,, ومن بغا ممشـاه يقعـد مرّتينـي
وكم ذبح من حايلٍ من حر مالـه
,,,,,,,,, وعادته لطمـة خشـوم العايلينـي
حالفٍ ماخذ على الطرقي ريالـه
,,,,,,,,, وبالثلاث محرّم إنها مـا تجينـي
لا لقيت اللي على السكّـه لحالـه
,,,,,,,,, يلتفت ويقول : ويـن المستحينـي
أوقف الموتر حيا وأبغا الجمالـه
,,,,,,,,, يوم ولد اللاش وجهه مـا يلينـي
والطمع في كرّوة الرجلي رذالـه
,,,,,,,,, خصّ به وإن جا مجال الغانمينـي
والردي في حالةٍ ماهيـب حالـه
,,,,,,,,, يا عوينـه مـن كـلام الطيّبينـي
الولد وإن طاب قالوا : من خواله
,,,,,,,,, بالخوال يسـال قبـل الوالدينـي
وأركبه لعيون مـن زيـنٍ دلالـه
,,,,,,,,, ما تحاكوا فـي قفـاه الرامسينـي
ما بغى غيري وأنا مابغـا بدالـه
,,,,,,,,, قاعدٍ لـي بالرجـا مـدّة سنينـي
ما قعدنا فالعمـل نبغـا الرزالـه
,,,,,,,,, ناخـذ العليـا طريـق الفايزينـي
وأشرب الفنجال وأكـب البيالـه
,,,,,,,,, تابـعٍ سلمـي سلـوم الأولينـي

راشد بن حسن بن الذيب العجمي


وسلامتكم

,
,
,
الشمــــااااااالي [/align]

[مخاوي الغربة]

الشمالي صح لسانك ولاهنت

بصراحه اول مرة اطلع على القصيدة كامله

لك جزيل الشكر

ولاعدمناك

[راعي الوقيد]

[align=center]يسمونه ابن خر الذيب اسمعهم هاتس يقولونه

---
صح لسان الشاعر ،،،

وسلم بنانك يالشمالي على إيراد القصيدة كاملة ،،،

وقليلون من هم يعرفونها كاملة ،،،

لا خلا ولا عدم ،،،

ولا تقاطعنا تر لك متابعين ومنتظرين

سلاااااااااام ...[/align]

[المطنوخ]

وانا اشوف واحدن من خوياي كل مهاذا يردد البيت الاخير

وهالحين عرفت كل السويلفه

الله يعطيك عافيه اخوي الشمالي ولا عدمناك

[الشمـــااااالي]

[align=center]
((المطنوخ))

راعي الوقيد

مخاوي الغربة



الف تحيه على هذا الحضور العطر

دام هطولكم

لكم مني كل الشكر والتقدير

,
,


أصدق التحــــااااااايا

من أخــوك الصغير [/align]