(بسم الله الرحمن الرحيم)
السلام عليكم ورحمة الله وبركاته.
هذه قصيده عباره عن تمجيد لربعي الأسلم وبعيداً عن التعصب أو العنصريه فشمر كلهم ربعي وأهلي وعزوتي ولكن اللي مابه خير للقريب مابه خير للبعيد. _ من غير قصور يلحق قبائل شمر الأخرى ولا القبائل الاخرى_ . وفي الجميع الخير والبركة إن شاء الله . وتقبلوا خالص تقديري واحترامي.
[poem=font="Simplified Arabic,4,white,normal,normal" bkcolor="transparent" bkimage="backgrounds/15.gif" border="double,4,skyblue" type=1 line=0 align=center use=ex num="0,black"]
قال منهو يقتفي أقـوى القوافـي = لابغى أقـوى القوافـي يقتفيهـا
المراجل ماتجمـع عنـد هافـي = ولاتلين الحصن كـود لعاسفيهـا
ماتحصل بالسوالـف والعوافـي = السوالـف ماتعـز مسولفيـهـا
وإن لقيت المرجله عند السنافـي = تره من سود الليالـي مشتريهـا
المراجل كنهـا روس الشعافـي = قاصر الأشبـار مايقـدر يجيهـا
من بغاها ياجب أنـه مايخافـي = غير من رب فضولـه نرتجيهـا
واجب أنه في حقوق الدين يافي = مايبيـع الديـن رجـالً نزيهـا
وخل نفسك به عن الشينة عيافي = المهونه لعنبـو مـن يرتضيهـا
أنحر الكايد لياصـرت متعافـي = مايجيب الهـون حاجـاتً تبيهـا
أفعل الأفعال وفعولـك تشافـي = وصفحة التاريخ تنسى من نسيها
قاله اللي لابته تجفـى المجافـي = لابـةً تجفـى لمنهـو يجتفيهـا
كل الأسلم لابتي ريف الضعافي = لابتي ياسعـد منهـو ينتصيهـا
عزوتي لاصار بالوقت أختلافي = تكرم الضيفـان والعانيـن ليهـا
وربعي العصلان مروين الرهافي = النفيلـه كـل ربعـي كاسبيهـا
منهم اللي فعلهم ماهـو بخافـي = الفضاله عزوتـي وأعتـز فيهـا
ولا بباق الربع تقصير وهوافـي = والفعول شهـود نـاسً فاعليهـا
والسلام ختام قل الهـرج كافـي = ومن بغى المرقاب لازم يعتليهـا [/poem]
رد مع اقتباس
[/align]
مشرف مضيف الترحيب والتعارف
المفضلات