قصيده ام في ابنها المحكوم عليه بالاعدام
الابيات قالتها الشاعره عيده ام بدر المطيري الذي حكم على ابنها بالقصاص وقد تم تنفيذ القصاص يوم الخميس 22/3/1422هـ
تقول ام بدر قبل اربع سنوات كان ابني يدرس في الصف الثالث في احد مدارس حفر الباطن تقول حدثت مضاربه جماعيه بين طلاب المدرسه ونتج عن هذه المضاربه وفاة ابن خالها مفرج رحمه الله وقد قالت هذه القصيدة تطلب من اهل الخير التوسط لدى خالها والدعاء بأن يتنازل خالها عن ابنها بدر0000تقول
[poem=font="Simplified Arabic,5,white,normal,normal" bkcolor="black" bkimage="" border="none,4,gray" type=0 line=0 align=center use=ex num="0,black"]
ياالله ياللي باب رحمتـك مفتـوح =دوم على طـول المـدا والليالـي
يالواحد المعبود ياخالـق الـروح =علمك بحالي كافي عـن سؤالـي
ارحم يتيم بين الابـواب مطـروح =نفسه تردد فيـه والجسـم بالـي
سر ياقلم واكتب جوابي على اللوح =وسطر بيوتن مثل نظـم الريالـي
مدادها مـن عبـرةٍ جالهـا فـوح =من وهجن بالقلب ضيـق بحالـي
وبلغ سلامي حرب سالم ومسروح =من الخليج الى اليمـن والشمالـي
واهل القصيم ونجد والواد ابودوح =والساحل الغربي وذيـك التلالـي
عيني تهل الدمع والقلب مجـروح =مير افزعوا لـي كلكـم ياخوالـي
الورع في سجن الحفر وامه تنوح=حفيدكـم يامكرمـيـن العيـالـي
اتلا العهد به يوم شالوه مسـدوح =وموثقن فـي محكمـات الحبالـي
والحكم صادر والقضا يزرق الروح =وحان الوعـد ماباقـي الا ليالـي
والله لوانه يوم الاحـداث مذبـوح =لنساه واصبر عنه مـع ماجرالـي
واونتي ياخال من داخـل الـروح =ونت صويبن طاح والجـو خالـي
خلي لعكفـان الدناقيـر مطـروح =في موقعن تسفى عليـه الرمالـي
والعذر ماينفـع ولاينفـع النـوح =ان كان خالي ضاع فيـه المجالـي
والخاتمه يااولاد سالـم ومسـروح =ذبحـة بناخيكـم عليكـم وبالـي
واصل القضيه لعب ورعان ومزوح =وما قدر الله مـا عليـه احتيالـي
ومصائب الدنيا تجي يوم وتـروح =ولوعاتهـا تـدور دور المحالـي
والعفو مابيـن الاجاويـد ممـدوح =ليا عفو عـن الحمـول الثقالـي
والصبر باب لاهل الخيـر مفتـوح =والله يحـب المحسنيـن الرجالـي
من يفعل المعروف والبال مشروح =جزاه عنـد الله عزيـز الجلالـي
هذا وصلـوا عـد بـراقٍ يلـوح =على النبي اعـداد وبـل الخيالـي[/poem]
وسلامتكم
رد مع اقتباس
المفضلات