وبدأت المعركة ..

[الأصيل]

[align=center]بالخير ياعرب ..

**************************


بسم الله .. وعلى بركة هالعزيز الحكيم

نبدأ اجتماع حزب أهل الفله ( قسم الرجال )

المنبثق من مؤتمر شرم الشيخ ..

وقد جاء في بيانووه الختامي هاللي تقرونوه بعيونكم وعيونكن
........................

بعد الانتهاكات الصارخه .. والاعتداءات الشارخه

(ماأدري وش معنى الشارخه .. لكن القاف يحكم )

وبعد أن حلقت طائرات الحريم وانتهكت المجال الجوي للفله

وبعد أن استنفذت ( أبوتس ياللغه )

استنفذت ( نوبتن أخرى : أبوتس ياللغه ) عاجبتن هالكلمه

استنفذت جميع الطرق السلميه ..

لذا ...

تم تشكيل قادة لواء (( الفزعه )):629r:

.. والذي تنص بنوده على الجاي:

1 ـ يجب ضرب جميع مواقع العدو واستخدام جميع الأسلحه الخفيفه

والأسلحه الثدزيله ( اللي يشيلونه ثلاث رجاجيل فما فوق ( من ثقله )

2 ـ تشكيل وحدة تنزيل الصور .. يعني مهمتهم يشوفون لنا ويدورون على صور

تخلي اللي لوه ميت يضحك لمدة ساعه ونص بتوقيت جرنتش .

3 ـ كتيبة الشعراء ... ( مهمتهم ماتحتاج شرح ) ( حي والله من كتيبه )

4 ـ كتيبة المشاة للتعليق الساخر

5 ـ لواء المظليين ( للحين مالقينا لهم شغل )

6 ـ فرقة الإعدامات ( الله يكفينا الشر ) (لاتخافن ياخيواتي لاتخافن )

7 ـ لجنة الهلال الأصفر

( هذي اللجنة ( الله يطول بعمري ) مختصه بأسرى الحرب أو أسرات الحرب )

................

لذا .. على الراغبين في الالتحاق بشرف الخدمه في لواء الفزعه

تسجيل أسماؤهم حدر

مصطحبين معهم مايلي

صورهشخصيه للمشارك ، ون ماحصل ياخذ صورة حدا إخوانوه .[/align]




[poem=font="Simplified Arabic,5,white,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
إرصد ... وارسل لنا الشاره=خل الدخن يملي الفله

ياما حلا شنّت الغاره=من فوق ميراج منسلّه

غارت بتوجيه طياره=على ديار العدا تله

صوت الكلاشات وغباره=عن تسبدنا يطرد العله

خل النساوين محتاره=ضاعت بأرض الوغى .. خله

كم وحدتن ضاعت أفكاره=في مشيها بانت الخله

دنياتس يابنت دواره=كم بدلت عز بالذله

البنت للبيت وصغاره=بالبيت ماتتركه لله[/poem]



[align=center]هذا وإن حزب لواء الفزعه سيضرب بيد من حديد

كل من تسول له روحه الانضمام إلى هكا الطرف (ماني ذاكرهن )




شعارنا .. ثلاث لاءات

لا ... للحريم

لا .. للنساء

لا .. للحريم والنسا




والشاعر التايلندي يقول : بالروح بالدم نفديك ( يالفزعه )[/align]

[طَيْبَةْ الْفال]

الاصيل


تبي فزعه


هين اصبر اجمع اربيعاتي

[مفتاح14]

[align=center]حياك الله اخوي الاصيييل.. ازيك حضرتك


اما الشعر والمشاة الساخره والمضللين اللي مالهم شغل فهي بنود امتز من المنتازه

اما البند رقم (2) حق الصور فانا بصراحه ما أيدهوووش( ابو اللغه انت الثاني )..وذلك منعا لفتح الباب لانزال مواضيع جديده سواء من الاعضاء او العضوات المحترمين والتي لاتجد فيها سوى صوره+ كلمة(وش رايكم؟+خشه مثل هذي( ) )



البارح حلمت ان ابو مقرن يجهز قصيده بهالمناسبه..عاد مادري هو صدز أو لأ


(الحلم البارح والموضوع مانزل الا اليوم )



يسلمووو يالاصيل..واعتبرني من قوات الاحتياط وان شئت حطوني بسلاح الجو والطيااره والمه [/align]

[المطنوخ]

[align=center]العشير ابوثوب

سجل عندك واحد نفر مخلص حتى الموت

ابيك تحطن وين ماتحطن

مار ان بغيت تخليني اجمع كور

الوكاد ابي اصير معكم بأي طريقه

فتن حيلي هالبريعصيات

الوكاد علشان اثبت اخلاصي وانتمائي

رح شف الصورة اللي حطيتها بعقر دارهن

بموضوع هالفتنه طيبة الفال

وان جازت لك تر بوه مصايب عندي

وعليهم وعليهم[/align]

[الجازي]

[align=center]وأنا سجلني معكم في قسم الترجمة

<<<<<<< مضيعة ماتدري وين ربها حاطها فيه [/align]

[ابو غازي]

[align=center]

إرصد ... وارسل لنا الشاره
خـل الدخـن يملـي الفلـه

يامـا حـلا شنّـت الغـاره
من فـوق ميـراج منسلّـه

صـــــــــــــح لسااانك يالأصيل



ماقدرت اتعدى والأصيل
صاحب المشاركة >> حنا حاظرين سجلنا مع اللي تبي ويحلالك [/align]

[فاصــ بيضاءــلة]

[align=center]طع طع طع طع طع

تم استقبال أول قنبلة من التماسيح
والرد قريبا من القوارير بعد التجمع[/align]

[طَيْبَةْ الْفال]

الريم هذا اول الخير

هين يصير خير اجل تصيرين مترجمه لهم هااا

هذا اول الخير

[مجموعة إنسان]

.


[align=center]
[poem=font="Simplified Arabic,5,white,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
دنياك يالقرم دوّاره=ولابد نلقى لكم زلّه

البس لو يلحق الفاره=ماباعه وعنده العلّه

لاتزوّد الملح وصراره=تبتنحرم زادكم كلّه

الكيد معنا بلا غاره=والحرب خدعه وبسم الله

وأبراجكم حيل منهاره=وابراجنا فاخرن زلّه

والكل منّا بسيّاره=وماتسبقونا أبد لله

وكل مامضى دقٍ بطاره=والإخت تمزح مع إخو ٍ له[/poem]

أخي الأصيل :

ماشاء الله عليك

وما ردّي المتواضع إلا مجرّد خربشه

وإقبلوها بعيوبها لأنها جاءت كيبورديّه

والعذر والسموحه [/align][/align]

[الجازي]

[align=center]^
^
^
هيه انتي

وش اقبلوها بعيوبها

مافيها ولا عذروب ,, شدي حيلتس بس وابردي قلوبنا منهم

هاه يالأصيل أبدا أترجم لكم هالنص والا مابعد وقعتوا العقد معي [/align]